- جج کی دہری شہریت پر ایم کیو ایم، ن لیگ اور آئی پی پی اراکین قومی اسمبلی کی تنقید
- مولانا فضل الرحمٰن نے پی ٹی آئی کے ساتھ اتحاد کا اشارہ دے دیا
- فیصل واوڈا کی پریس کانفرنس پر از خود نوٹس، سپریم کورٹ میں سماعت آج ہوگی
- خیبرپختونخوا میں لوڈشیڈنگ کا نیا شیڈول جاری کرنے پر اتفاق
- تاجر دوست اسکیم پر عملدرآمد کیلیے 6 بڑے شہروں کے ڈپٹی کمشنرز کو اہم مراسلہ جاری
- پاکستان معاشی استحکام کی جانب گامزن ہے، وزیر اعظم
- عرب ممالک کا سربراہی اجلاس، فلسطین میں جارحیت فوری روکنے کا مطالبہ
- ہاکی کےکھیل کی بہتری کے لئے کوئی کسر نہیں چھوڑیں گے، وزیراعظم شہباز شریف
- زرمبادلہ کے سرکاری ذخائر میں ڈیڑھ کروڑ ڈالرز کا اضافہ
- بلوچستان حکومت کا نوجوانوں کی فلاح و بہبود کیلیے فیسلیٹیشن سینٹرز بحال کرنے کا فیصلہ
- سچن ٹنڈولکر کے سیکیورٹی گارڈ نے خود کو گولی مار کر خودکشی کرلی
- ’فلسطینیوں کی ہولناک نسل کشی‘: عالمی عدالت انصاف میں جنوبی افریقا کے دلائل مکمل
- بانی پی ٹی آئی کا اڈیالہ جیل میں طبی معائنہ، بشری بی بی نے خون دینے سے انکار کردیا
- نیلم جہلم پراجیکٹ کی لاگت میں اضافہ؛ ذمہ داروں کے تعین کیلئے کابینہ کمیٹی بنانے کا اعلان
- آزاد کشمیر میں ہونے والی کشیدگی میں ہمسایہ ملک کا تعلق نکل رہا ہے، وفاقی وزیرداخلہ
- میں اپنے قانونی پیسے سے جہاں چاہوں آج بھی سرمایہ کاری کروں گا، محسن نقوی
- غزہ پر فوجی حکمرانی کا خواب؛ اسرائیلی کابینہ میں پھوٹ پڑ گئی
- قومی اسمبلی اجلاس: طارق بشیر نے زرتاج گل کو نازیبا الفاظ کہنے پر معافی مانگ لی
- پاکستان کو بلائنڈ کرکٹ ورلڈ کپ کی میزبانی مل گئی
- آئی او ایس اپ ڈیٹ کے بعد صارفین کو نئی مشکل کا سامنا
قومی یکجہتی پر سی پی این ای کی صائب رائے
مملکت خداداد پاکستان جسے اسلامی فلاحی ریاست بنانے کا خواب ہمارے اکابرین نے دیکھا تھا وہ شرمندہ تعبیر نہ ہوسکا۔ ملک کو اس وقت داخلی اور خارجی سطح پر جن گونا گوں مسائل کا سامنا ہے، اس کا تقاضا تھا کہ ایسا واضح لائحہ عمل اختیارکیا جائے جو ساری صورتحال کا تجزیہ دیانت دارانہ اور مخلصانہ طور پر کرکے حل بھی تجویزکرے۔
اس قومی ضرورت کو پورا کیا،کونسل آف پاکستان نیوز پیپرز ایڈیٹرز (سی پی این ای) کے زیراہتمام منعقد ہونے والی قومی یکجہتی کانفرنس نے۔ جہاں علم وادب، صحافت، سیاست الغرض ہر شعبہ زندگی کی نمایاں شخصیات نے نہ صرف اظہار خیال کیا بلکہ انتہائی دردمندی سے وطن عزیز کو درپیش مشکلات کا حل بھی پیش کیا۔
خلاصہ کلام جو اس سیر حاصل گفتگوکا نکلا، اس کے چند اہم نکات کچھ یوں تھے کہ آئین و قانون کی مکمل بالادستی اور جمہوریت کے تسلسل کا تہیہ کرتے ہوئے تمام سیاسی جماعتوں اور اداروں کے درمیان اتفاق رائے دینے، نان اسٹیٹ ایکٹرز، کالعدم تنظیموں کے خلاف بلاامتیاز کارروائی کا مطالبہ کیا گیا۔ منظورکردہ قرارداد کافی محنت اور عرق ریزی سے تیار کی گئی ہے، اس تمام نکات اہمیت و افادیت کے حامل ہیں۔
مندرجات پر بہت کچھ لکھا جاسکتا ہے، دنیا میں وہی ملک ترقی کی منازل طے کرتے ہیں، جو آئین و قانون کی بالادستی کو یقینی بناتے ہیں، لیکن ہمارے یہاں ہمیشہ آمروں نے آئین کو پامال کیا اور عوام کو بنیادی انسانی حقوق سے محروم کیا اور یہ بھیانک کھیل بار بار کھیلا جاتا رہا، جس کے نتیجے میں زبان ، رنگ و نسل اور فرقے کے بنیاد پر عوام میں تقسیم در تقسیم کا عمل اتنا گہرا ہوا، کہ قومی یکجہتی پارہ پارہ ہوئی۔
اسلامی جمہوریہ پاکستان صرف نام کی حد تک رہا اور مکمل میں جمہوری عمل کو بار بار سبوتاژ نہ کیا جاتا تو آج ملک کے یہ حالات نہیں ہوتے، جو ہیں ۔ جمہوریت فلاحی نظام ہے جو عوام کو ان کے بنیادی حقوق کی فراہمی کی ضمانت دیتا ہے۔ جمہوریت کے تسلسل میں ریاست کی بقا اور سلامتی کا راز مضمر ہے۔
ہم اپنا مشرقی بازو گنوا چکے ہیں۔ ہوش کے ناخن لینے چاہئیں، ماورائے آئین اقدامات ریاست کی بنیادوں کو ہلا دیں گے، ریاست کا وجود خطرے میں پڑ جائے گا، وقت بہت نازک ہے، ایک ایک قدم سوچ سمجھ کر اٹھانا چاہیے، دہشت گردی کے ناسور کا خاتمہ جب تک نہیں ہوگا ہم دنیا میں سر اٹھا کر جی نہیں پائیں گے۔ تاریخ میں وہی قومیں زندہ رہتی ہیں جو مشکلات کا پامردی سے مقابلہ کرتی ہیں یقینا پاکستانی قوم عزم و استقلال کے ساتھ پاک فوج کے ساتھ ہے، اور میڈیا بھی اپنا کردار ادا کرتا رہا ہے کہ اس عزم کے ساتھ کہ ہم حق اور سچ لکھیں گے اور حق اور سچ کا ساتھ دیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔