بھارت میں دلیپ کمار کے گھر پربلڈر کی جانب سے قبضے کی کوشش

 ممبئی: لیجنڈری اداکار دلیپ کمار کی اہلیہ نے گھر پر قبضے کی کوشش کے خلاف بھارتی وزیر اعظم سے مدد کی درخواست کردی۔

دلیپ کمار کی اہلیہ اور معروف اداکارہ سائرہ بانو نے سماجی رابطے کی ویب سائٹ ٹوئٹر پر ایک ٹوئٹ میں گھر پر قبضے کے خلاف بھارتی وزیر اعظم  نریندرا مودی سے درخواست کرتے ہوئے کہا کہ  لینڈ مافیا سمیر بھوجوانی جیل سے رہا ہو گیا  جب کہ وزیراعلیٰ  کی جانب سے بھی یقین دہانی کرائے جانے کے بعد بلڈر کے خلاف کوئی ایکشن نہیں لیا گیا اوراب بھوجوانی دھمکیاں دینے پر اتر آیا ہے۔ سائرہ بانو نے اس تمام تر صورت حال پر وزیراعظم سے ملنے کی درخواست بھی کی۔

Request from Saira Banu Khan: The Hon’ble @PMOIndia Shri @narendramodi
Sir, Land Mafia Samir Bhojwani realeased from Jail. No Action Taken despite assurances by CM @Dev_Fadnavis
Padma Vibhushit betrayed, Threatened by money n muscle power. Request meeting wth u in #mumbai

— Dilip Kumar (@TheDilipKumar) December 16, 2018

رواں سال جنوری میں سارہ بانو نے ممبئی کے پولیس تھانے میں بلڈر کے خلاف درخواست دائر کی تھی جس کے بعد پولیس نے مبینہ طور پر اداکار کے بنگلہ پر قبضہ کرنے کی کوشش کرنے پر بلڈر کے خلاف دھوکہ دہی کا مقدمہ درج کیا تھا۔

دوسری جانب پولیس کا اس حوالے سے کہنا تھا کہ مقدمہ درج ہونے کے بعد  باندرہ میں بھوجوانی کی رہائش گاہ پر چھاپہ مارا جب کہ  اپریل میں بھوجوانی کو گرفتار کرلیا گیا۔