- صدر ممکت سرکاری دورے پر کوئٹہ پہنچ گئے
- عوامی مقامات پر لگے چارجنگ اسٹیشنز سے ہوشیار رہیں
- روزمرہ معمولات میں تنہائی کے چند لمحات ذہنی صحت کیلئے ضروری
- برازیلین سپرمین کی سوشل میڈیا پر دھوم
- سعودی ریسٹورینٹ میں کھانا کھانے سے ایک شخص ہلاک؛ 95 کی حالت غیر
- وقاص اکرم کی چیئرمین پی اے سی نامزدگی پر شیر افضل مروت برہم
- گندم اسکینڈل پر انکوائری کب کرنی ہے؟ اسلام آباد ہائیکورٹ کا نیب پراسیکیوٹر سے استفسار
- ایٹمی طاقت رکھنے والے پاکستان نے چوڑیاں نہیں پہن رکھیں؛ فاروق عبداللہ
- جماعت اسلامی کا احتجاجی مظاہرہ، تعلیمی اداروں میں مقابلہ موسیقی منسوخی کا مطالبہ
- مئی اور جون میں ہیٹ ویو کا الرٹ؛ جنوبی پنجاب اور سندھ متاثر ہونگے
- سوات : 13 سالہ بچی سے نکاح کرنے والا 70 سالہ شخص، نکاح خواں اور گواہ زیر حراست
- امریکا نے پہلی بار اسرائیل کو گولہ بارود کی فراہمی روک دی
- فیض آباد دھرنا فیصلے پر عمل ہوتا تو 9 مئی کا واقعہ بھی شاید نہ ہوتا،چیف جسٹس
- یقین ہے اس بار ٹی ٹوئنٹی ورلڈکپ ساتھ لائیں گے؛ بابراعظم
- پاکستانی نوجوان سعودی کمپنیوں کے ساتھ مل کر چھوٹے کاروبار شروع کریں گے، وفاقی وزرا
- سونے کی عالمی اور مقامی مارکیٹوں میں قیمتوں میں بڑا اضافہ
- جنوبی وزیرستان: نابینا شخص کو پانی میں پھینکنے کی ویڈیو وائرل، ٹک ٹاکرز گرفتار
- پنجاب پولیس نے 08 سالہ بچی کو ونی کی بھینٹ چڑھنے سے بچا لیا
- حکومتی پالیسی سے معیشت مستحکم ہو رہی ہے، پرائیویٹ سیکٹر کو آگے آنا ہوگا، وزیر خزانہ
- مقبوضہ کشمیر میں بھارتی ایئرفورس کے قافلے پر حملہ؛ 1 ہلاک اور 4 زخمی
ویکسین تنازع؛ عفت عمر 10 لوگوں کو کورونا ویکسین لگوائیں گی
کراچی: اداکارہ و میزبان عفت عمر نے ویکسین تنازع کے بعد ازالے کے طور پر کہا ہے کہ وہ 10 لوگوں کو کورونا ویکسین لگوائیں گی۔
عفت عمر نے سوشل میڈیا پر شدید تنقید کے بعد سیاسی اثرو رسوخ استعمال کرکے وقت سے پہلے ہی کورونا ویکسین لگوانے پر معافی مانگی تھی۔ اور اب ازالے کے طور پر انہوں نے 10 لوگوں کو کورونا ویکسین لگوانے کا بھی کہا ہے۔
یہ بھی پڑھیں: سیاسی اثرورسوخ استعمال کرکے ویکسین لگانے پرتنقید کے بعد عفت عمرکوشرمندگی
عفت عمر کے معافی والے ٹویٹ پر بہت سارے کمنٹس آئے تھے جن میں سے کچھ لوگوں نے انہیں یہ شرمناک کام کرنے پر دوبارہ کھری کھری سنائیں جب کہ کچھ لوگوں نے ان کے معافی والے عمل کو سراہا۔ ان ہی میں سے ایک ڈاکٹر فیصل بخاری نامی شخص نے عفت عمر کے ٹوئٹ پر انہیں مشورہ دیتے ہوئے کہا تھا کہ آپ کو معاف کردیا جائے گا اگر آپ ویکسین کا دوسرا ڈوز (خوراک) نہ لیں اور اپنی باری کا انتظار کریں۔
عفت عمر نے اس شخص کو جواب دیتے ہوئے کہا میں ایسا ہی کروں گی اور 10 لوگوں کو کورونا ویکسین بھی لگواؤں گی۔
صارف نے عفت عمر سے کہا میں آپ کی اس حرکت پر اس لیے غصہ تھا کیونکہ میری والدہ کی عمر 76 برس ہے اور وہ کینسر کی مریضہ ہیں انہیں ابھی تک کورونا ویکسین نہیں لگی ہے۔ خیر آپ نے اپنی غلطی مان کر صحیح کیا۔
عفت عمر نے سوشل میڈیا صارف کی بات پر کہا کہ میں حرکت پر پچھتارہی ہوں اور واقعی شرمندہ ہوں لیکن میں اپنی غلطی سدھاروں گی براہ مہربانی میری معذرت قبول کریں۔
عفت عمر نے دیگر سوشل میڈیا صارفین کو بھی یقین دلایا کہ وہ 10 ضرورتمندوں کو ویکسین لگوائیں گی۔
10 ppl
— Iffat Omar Official (@OmarIffat) April 6, 2021
واضح رہے کہ عفت عمر کی ایک ویڈیو وائرل ہوئی تھی جس میں انہیں وفاقی وزیر ہاوسنگ اینڈ ورکس طارق بشیر چیمہ کی رہائشگاہ پر ویکسین لگواتے ہوئے دیکھاجاسکتا ہے۔ صرف عفت عمر نے نہیں بلکہ وفاقی وزیر کے اہلخانہ نے بھی گھر پر کورونا ویکسین لگوائی تھی۔
دراصل تنازع ویکسین لگوانے پر نہیں تھا بلکہ تنازع کی اصل وجہ عمر تھی۔ کیونکہ اس وقت صرف 60 سال سے زائد عمر کے لوگوں اور صحت کے کارکنوں کو ہی ویکسین لگوانے کی اجازت تھی۔ اور عفت عمر سمیت طارق بشیر چیمہ کے گھر کے ان لوگوں نے بھی ویکسین لگوائی تھی جن کی عمر 60 سال سے کم تھی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔