وزیراعظم متعین طریقہ کار کے مطابق تعیناتیوں کا فیصلہ کریں گےمریم اورنگزیب

وزیر اطلاعات مریم اورنگزیب نے کہا ہے کہ وزیراعظم شہباز شریف متعین طریقہ کارکے مطابق تعیناتیوں کا فیصلہ کریں گے۔

مزید پڑھیں: آرمی چیف تقرری؛ وزیر دفاع نے وزیراعظم ہاؤس کو سمری موصول ہونے کی تصدیق کردی


وزیراطلاعات مریم اورنگزیب نے بیان میں کہا کہ وزارت دفاع کی جانب سے بھجوائی گئی سمری وزیراعظم آفس کو موصول ہوگئی ہے۔سمری میں چئیرمین جوائنٹ چیفس آف اسٹاف کمیٹی اور چیف آف آرمی سٹاف کے عہدوں پر تقرری کے لئے ناموں کا پینل بھجوایا گیا ہے۔

مزید پڑھیں: آرمی چیف کی تعیناتی کے لیے سمری وزارت دفاع کو بھیج دی ہے، آئی ایس پی آر

مریم اورنگزیب کا مزید کہنا تھا کہ وزیراعظم شہباز شریف متعین طریقہ کار کے مطابق ان تعیناتیوں سے متعلق فیصلہ کریں گے۔ گزشتہ روز آئی ایس پی آر نے آرمی چیف کی تعیناتی سے متعلق سمری وزارت دفاع کو بھیجنے اور وزیردفاع خواجہ آصف نے سمری موصول ہونے کی تصدیق کی تھی۔