تازہ ترین

افغانستان کیخلاف آخری ٹی 20 میچ میں شاداب خان کے نام بڑا ریکارڈ

ٹی ٹوئنٹی انٹرنیشنل میں پاکستان کیلئے سب سے زیادہ وکٹیں لینے والے بولر بن گئے

ویب ڈیسک منگل 28 مارچ 2023

فوٹو : اے ایف پی

شارجہ: افغانستان کیخلاف آخری ٹی 20 میچ میں شاداب خان نے بڑا ریکارڈ اپنے نام کرلیا، شاداب خان ٹی ٹوئنٹی انٹرنیشنل میں پاکستان کے لیے سب سے زیادہ 101 وکٹیں لینے والے بولر بن گئے ہیں۔

پیر کو شارجہ کرکٹ گراؤنڈ میں افغانستان کیخلاف تین ٹی 20 میچوں کی سیریز کے آخری میچ میں پاکستانی آل راؤنڈر نے 4 اوورز میں صرف 13 رنز دیکر 3 وکٹیں حاصل کیں۔

شاداب خان نے میچ کے دوران نجیب زادران کو آؤٹ کرکے شاہد آفریدی کا سب سے زیادہ 98 وکٹیں حاصل کرنے کا ریکارڈ توڑ دیا جبکہ اسی میچ میں مزید دو کھلاڑیوں کو آؤٹ کرکے اپنی وکٹوں کی تعداد 101 کرلی۔

شاداب نے یہ کارنامہ صرف 83 اننگز میں انجام دیا ہے جبکہ سابق اسٹار آل راؤنڈر شاہد آفریدی نے 97 اننگز میں 98 وکٹیں حاصل کی تھیں۔

سعید اجمل نے 64 میچز میں 85 اور عمر گل نے 60 میچز میں 85 وکٹیں حاصل کر رکھی ہیں، جبکہ حارث رؤف 57 ٹی ٹوئنٹی میچز میں اب تک 72 وکٹیں حاصل کرچکے ہیں۔

‘ ‘

Shadab Khan overtakes the list of some of the finest bowlers in Pakistan cricket #AFGvPAK pic.twitter.com/iZ2SXzXhMP

— Cricket Pakistan (@cricketpakcompk) March 27, 2023

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

افغانستان کیخلاف آخری ٹی 20 میچ میں شاداب خان کے نام بڑا ریکارڈ