بھارتی ٹیم کوچنگ معمہ بن گئی! جے شاہ کا ردعمل بھی سامنے آگیا

انڈین ٹیم کی کوچنگ کیلئے آسٹریلوی کرکٹرز سے رابطے پر بھارتی کرکٹ بورڈ (بی سی سی آئی) کے سیکریٹری جے شاہ نے ردعمل دیدیا۔

بھارتی میڈیا کی رپورٹس کے مطابق سیکریٹری بی سی سی آئی جےشاہ کا کہنا ہے کہ انڈین ٹیم کی کوچنگ کیلئے آسٹریلوی کرکٹر رکی پونٹنگ اور جسٹن لینگر سے کوئی رابطہ نہیں کیا۔

انہوں نے کہا کہ ہم اُن لوگوں کو بطور ہیڈکوچ لانا چاہتے ہیں جو بھارتی کرکٹ ٹیم کے اسٹریکچر کو سمجھتے ہیں، کوچ ڈومیسٹک کرکٹ کے فریم ورک کا گہرا علم ہو، اس لیے ہمارا نیا کوچ بھارتی ہی ہوسکتا ہے۔

مزید پڑھیں: پونٹنگ، فلاور کے بعد جسٹن لینگر کا بھی بھارتی ٹیم کی کوچنگ سے انکار

گزشتہ روز سابق آسٹریلوی کرکٹر رکی پونٹنگ نے بھارتی ٹیم کی کوچنگ کی پیشکش ملنے کا انکشاف کیا تھا تاہم انکا کہنا تھا کہ پیشکش قبول سے انکار کردیا ہے۔ اسی طرح جسٹن لینگر بھی آئی پی ایل ٹیم کے کپتان کے ایل راہول سے مشورے کے بعد ٹیم کی کوچنگ میں عدم دلچسپی ظاہر کی تھی۔

مزید پڑھیں: بھارتی ٹیم کی کوچنگ؛ رکی پونٹنگ نے بڑا انکشاف کردیا

دوسری جانب زمبابوے سے تعلق رکھنے والے کوچ اینڈی فلاور نے بھی بھارتی ٹیم کی کوچنگ سے انکار کرتے ہوئے موقف اپنایا تھا کہ فرنچائز کرکٹ کی کوچنگ پر توجہ مرکوز ہے، فل ٹائم کوچنگ میں دلچسپی نہیں رکھتا۔