- محمود خان اچکزئی کے ناقابل ضمانت وارنٹ گرفتاری معطل
- پنجاب میں آسمانی بجلی گرنے کے واقعات میں اموات 26 تک پہنچ گئیں
- عوامی ردعمل پر شکار پور سے کراچی بھیجے گئے پولیس اہلکاروں کو شوکاز نوٹس جاری
- لاہور میں فائرنگ کے واقعات میں سب انسپکٹر سمیت تین شہری جاں بحق
- کراچی میں ڈکیتی مزاحمت پر سیکیورٹی گارڈ جاں بحق، سال 2024 میں اب تک 67 شہری قتل
- پانچواں ٹی 20: پاکستان نے نیوزی لینڈ کو شکست دیکر سیریز برابر کردی
- یوراج سنگھ نے ٹی 20 ورلڈ کپ کی سیمی فائنلسٹ ٹیموں کی پیش گوئی کردی
- سیکیورٹی فورسز کی ہرنائی میں بروقت کارروائی، ایک دہشت گرد ہلاک
- بھارت؛ منی پور میں مبینہ علیحدگی پسندوں کے حملے میں دو سیکیورٹی اہلکار ہلاک
- پی ٹی آئی میں اختلافات، شبلی فراز اور شیر افضل مروت آمنے سامنے آگئے
- بابر اعظم نے ٹی 20 انٹرنیشنل کرکٹ میں ایک اور اعزاز اپنے نام کرلیا
- بابر اعظم نے ٹی 20 انٹرنیشنل کرکٹ میں ایک اور اعزاز اپنے نام کرلیا
- داؤد انجینیئرنگ یونیورسٹی کی فیکلٹی انفارمیشن اینڈ کمپیوٹنگ کی گلبرگ ٹاؤن منتقلی کیلئے معاہدہ
- ججز کو کسی کا اثر رسوخ لینے کے بجائے قانون پر چلنا چاہئے، جسٹس اطہر من اللہ
- امیر خسروؒ کا عرس: بھارت میں پاکستانی زائرین کے ساتھ ناروا سلوک
- جنگ بندی کی تجویز پر اسرائیل کا جواب موصول ہوگیا ہے، حماس
- فواد چودھری کی پی ٹی آئی میں واپسی کا امکان
- اسٹیبلشمنٹ سے مذاکرات، پی ٹی آئی فوج کو دوبارہ سیاست میں دھکیل رہی ہے، حکومتی اتحاد
- سیشن جج وزیرستان کو مسلح افراد نے اغوا کر کے گاڑی نذر آتش کردی
- سبزیجاتی اشیاء پر انتباہ کو واضح درج کرنے پر زور
(پاکستان ایک نظر میں) - طالبان کے نام کھلا خط
دشمنان انسانیت،
آپ نے عرصہ دراز سے اپنی بزدلانہ کاروائیوں سے پاکستانی عوام کا جینا دو بھر کیا ہوا ہے۔ کبھی بازار میں جنت کے حصول کی خواہش آ پ کو پھاڑ دیتی ہے، کبھی اسپتال میں، کبھی مساجد میں اور کبھی مدارس میں۔ نا جانے آپ کے کرتا دھرتاؤں نے اس سے پہلے کتنوں کو حسن بن صباح جیسی جنت میں پہنچایا ہوگا۔ سفاکیت، بربریت، جہالت کے تمام تر ریکارڈز کو توڑتے ہوئے آپ نے ہزاروں معصوموں کو ابدی نیند سلادیا۔ کیوں؟ کوئی مدلل جواب ہے آپ کے پاس؟ آپ کہتے ہیں کہ امریکی ہمارے دشمن ہیں،وہ ہم پر ڈرون حملے کرتے ہیں، وہ ہم پرمیزائل مارتے ہیں لہذا ہم پاکستانیوں کو مار کر اس کا بدلہ لیں گے۔یہ کیسا بدلہ ہے جو پاکستانیوں کو مار کر آپ لے رہے ہیں؟
ہماری 16دسمبر کی تاریخ سقوط ڈھاکہ کی وجہ سے پہلے ہی زخمی اور لہو رنگ تھی کہ آپ نے سی دن پھر سے حملہ کردیا، یہ کیسی بہاردی تھی جو کہ بچوں پر نکلی؟آپ کی خون کی پیاس نے کل 132 معصوموں کو ابدی نیند سلا دیا۔ وہ معصوم سے بچے جن کے ہاتھوں میں قلم اور کتاب تھی،وہ معصوم بچے جو اپنی آنکھوں میں روشن مستقبل کے خواب سجا کر سکول پڑھنے آئے تھے، وہ معصوم بچے جو اپنی ماؤں کی آنکھوں کا نور اور اپنے باپ کا فخر تھے اور وہ معصوم بچے جنہوں نے اس قوم کی تعمیر و ترقی میں اپنا حصہ ڈالنا تھا،اُن معصوم بچوں کو آپ کی جہالت ،سفاکیت اور بربریت نے موت کی نیند سلادیا۔ مجھے یقین ہے کہ آج اگر آپ کے دادا ابو چنگیز خان یا ہلاکو خان زندہ ہوتے تو وہ بھی شرم سے پانی پانی ہو جاتے ۔ آپ نے انسانیت کو ہی شرمندہ کر دیا، کلاس رومز میں گھس کو اندھا دھند فائرنگ کی، جو سامنے آیا ،اُس کو گولیوں سے بھو ن ڈالا،ان کا قصو ر کیا تھا؟ میں تسلیم کرتا ہوں کہ ڈرون حملے غلط ہیں ، ان میں بے گناہ اور معصوم بچے شہید ہوئے۔لیکن دنیا کا کون سا مذہب آپ کو اس بات کی اجازت دیتاہے کہ آپ اپنا بدلہ اُن معصوموں سے لیں جن کا اس لڑائی سے کوئی لینا دینا نہیں ہے۔
حیرانگی تو اُ ن حیوانوں پر ہے کہ جنہوں نے پتا نہیں کیسے بچوں پر حملہ کرنے کی پلاننگ بھی کر لی اور حملہ بھی کر دیا، نہ جانے ان کی برین واشنگ کیسے کی جاتی ہے کہ وہ یہ سب کچھ کرنے پر راضی ہو جاتے ہیں اور پھر کر گزرتے ہیں۔ آخر اس حملے میں آ پ کو کیا ملا؟ سات دہشت گردوں نے حملہ کیا اور ساتوں جہنم واصل ہو گئے۔ اُن دہشت گردوں کی مری ہوئی تصاویر دیکھیں توواضح ہوتا ہے موت سے قبل بھی وہ شدید تکلیف سے گزرے ہیں اور اب قیامت تک تکلیف ہی ان کا مقدر ہے۔ جبکہ چہرے سے وہ ازبک اور تاجک لگ رہے تھے جن کو ہم نے شمالی اتحاد کے نام سے جانا تھا ،جو بعد میں گروہوں میں بٹ کر غائب ہو گئے۔
یہ کون سی اسلام کی جنگ ہے جس میں مرنے والے تمام نہتے اور معصوم بچے ہیں۔ کون سا اسلام اس امر کی اجازت دیتا ہے ؟ جتنا اسلام ہم نے پڑھا ہے ،اُس میں تو اس بات کا دور دور تک تصور بھی نہیں بلکہ دوران جنگ دشمن کی عورتوں اور بچوں کی حفاظت کا حکم دیا گیا ہے۔ آپ کس اسلام کا بول بالا کر رہے ہیں؟ آپ کون سے اسلام کی جنگ لڑ رہے ہیں؟ آپ کو کس نے کہا کہ مرنے کے بعدآپ کو جنت ملے گی؟ جو کچھ آپ کر رہے ہیں اس کا انسانیت سے کوئی تعلق نہیں ہے اور نہ ہی اس کا انسانیت کے سب سے مقدس مذہب اسلام سے کوئی تعلق ہے ۔ مجھے 100 فیصد یقین ہے کہ آپ کو مرنے کے بعد دردنا ک عذاب میں مبتلا کیا جائے گا اور جہنم میں آپ کیلئے خصوصی جگہ بنائی جائے جہاں پر ایسا عذاب تیار کیا جائے جو پوری جہنم میں کسی کو میسر نہ ہو ۔
آخرمیں آپ کو یہ بتا دیں کہ آپ کے اس اقدام کے خلاف پوری قوم متحد ہے ۔پوری قوم افواج پاکستان کے شانہ بشانہ کھڑی ہے۔ پوری قوم اور تمام مذہبی و سیاسی جماعتیں اس ظلم کے خلاف متحد ہے ۔ اب حکومت کو بھی چاہئے کہ وہ طالبان اور کے ان ساتھیوں کو جو مختلف مقامات سے بمعہ ثبوت پکڑے گئے ،جن کو سزائے موت سنائی گئی ہے اور جن کی تمام اپیلیں اعلیٰ عدالتوں سے خارج ہو چکی ہیں ، ان کو جیلوں میں سرکاری مہمان بنانے کی بجائے پھانسی کے پھندے تک لایا جائے ،بلکہ مناسب ہوگا اگر اُن کو پوری دنیا کے سامنے کھڑا کر کے گولیوں سے بھون دیا جائے، یا اُن کو بھی تڑپا تڑپا کے مارا جائے اور پھر ان کی ویڈیو ریلیز کی جائے جیسا کہ آپ لوگ کرتے ہیں۔
اختتام میں محترمہ عائشہ غازی کے چند اشعار ہیں جو کہ آپ کے پتھر دل پر کوئی اثر نہیں کریں گے،لیکن پھر بھی لکھ رہا ہوں ۔
سنو درندو!
اجل کی قسمت میں ہر رگ جاں کا
ذائقہ تو لکھ ہی دیا گیا ہے
تمہار ی قبروں کے سرخ کتبے
تمہاری لاشوں کا پوچھتے ہیں
زمین کے اوپر عذاب بن کر اترنے والو
زمین کے نیچے جو منتظر ہے
وہ وقت تم پر عذاب ہوگا
یہاں کے منصف سے بچنے والوں
وہاں تمہارا حساب ہوگا ۔
سالار سلیمان، ایک پاکستانی
نوٹ: روزنامہ ایکسپریس اور اس کی پالیسی کا اس بلاگر کے خیالات سے متفق ہونا ضروری نہیں ہے۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 سے 800 الفاظ پر مشتمل تحریر اپنی تصویر، مکمل نام، فون نمبر ، فیس بک اور ٹویٹر آئی ڈیز اوراپنے مختصر مگر جامع تعارف کے ساتھ [email protected] پر ای میل کریں۔ بلاگ کے ساتھ تصاویر اورویڈیو لنکس بھی بھیجے جا سکتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔