- حماس نے قطر اور مصر کی جنگ بندی کی تجویز مان لی
- سعودی ولی عہد ہر سطح پر پاکستان کی مدد کرنا چاہتے ہیں، وزیراعظم
- بلوچستان کے مسائل سیاسی ڈائیلاگ کے ذریعے حل ہونے چاہئیں، صدر مملکت
- کراچی سے بھارتی خفیہ ایجنسی کے 2 انتہائی خطرناک دہشت گرد گرفتار
- جسٹس بابر ستار کے خلاف مہم چلانے پر توہین عدالت کی کارروائی کا فیصلہ
- حکومت سندھ نے پیپلزبس سروس میں خودکار کرایہ وصولی کا نظام متعارف کرادیا
- سعودی ولی عہد کا رواں ماہ دورۂ پاکستان کا امکان
- سیاسی بیانات پر پابندی کیخلاف عمران خان کی اسلام آباد ہائیکورٹ میں درخواست دائر
- ٹی ٹوئنٹی ورلڈ کپ 2024 کیلئے قومی ٹیم کی نئی کِٹ کی رونمائی
- نازک حصے پر کرکٹ کی گیند لگنے سے 11 سالہ لڑکا ہلاک
- کے پی وزرا کو کرایے کی مد میں 2 لاکھ روپے ماہانہ کرایہ دینے کی منظوری
- چینی صدر کا 5 سال بعد یورپی ممالک کا دورہ؛ شراکت داری کی نئی صف بندی
- ججز کا ڈیٹا لیک کرنے والے سرکاری اہلکاروں کیخلاف مقدمہ اندراج کی درخواست دائر
- کراچی میں ہر قسم کی پلاسٹک کی تھیلیوں پر پابندی کا فیصلہ
- سندھ ؛ رواں مالی سال کے 10 ماہ میں ترقیاتی بجٹ کا 34 فیصد خرچ ہوسکا
- پنجاب کے اسکولوں میں 16 مئی کو اسٹوڈنٹس کونسل انتخابات کا اعلان
- حکومت کا سپریم کورٹ کے مخصوص نشستوں کے عبوری فیصلے پر تحفظات کا اظہار
- طعنوں سے تنگ آکر ماں نے گونگے بیٹے کو مگرمچھوں کی نہر میں پھینک دیا
- سندھ میں آم کے باغات میں بیماری پھیل گئی
- امریکی سفیر ڈونلڈ بلوم سے پی ٹی آئی قیادت کی ملاقات، قانون کی حکمرانی پر گفتگو
ٹوئٹر نے ٹویٹس کو بُک مارک کرنے کی سہولت پیش کردی
لندن: ٹوئٹر نے اپنے صارفین کےلیے اکاؤنٹ پر ایک نیا بک مارک فیچر پیش کیا ہے جس کے تحت وہ ٹویٹس کو بک مارک کرکے ذاتی طور پر انہیں دیکھ سکیں گے۔ ٹوئٹر کے پروڈکٹ مینیجر کے مطابق اس آپشن کو ’سیو دی لیٹر‘ کا نام دیا گیا ہے جس میں خاص ٹویٹس کو بک مارک کرکے لائک اور ری ٹویٹ کرنے میں سہولت حاصل ہوگی۔
ٹوئٹر کے موبائل ورژن پر ’شیئر وائیا ڈی ایم‘ کے برابر میں ’ایڈ ٹو بک مارک‘ کا آپشن پیش کیا گیا ہے۔ اس آپشن کے ذریعے کسی بھی ٹویٹ یا لنک کو بعد میں دیکھنے کےلیے محفوظ کیا جاسکتا ہے۔ ٹوئٹر میں پروڈکٹ ڈویلپمنٹ ہیڈ کائتھ کولمین کے مطابق صارفین ایک عرصے سے اس فیچر کا تقاضا کررہے تھے اور خصوصاً جاپانی صارفین اس پر زیادہ اصرار کررہے تھے۔
فی الحال اس فیچر پر اندرونی طور پر کچھ تجربات ہورہے ہیں اور چند صارفین کی جانب سے رائے پر غور کیا جارہا ہے جو اسے استعمال کررہے ہیں۔ تاہم اس کے عوامی ریلیز کی حتمی تاریخ نہیں بتائی گئی ہے۔
واضح رہے کہ اسی ماہ ٹوئٹر نے اپنے الفاظ کی تعداد دوگنا کرنے کا اعلان بھی کیا تھا جسے بہت سراہا جارہا ہے۔ الفاظ میں اضافہ بھی جاپان اور چین کے صارفین کی درخواست پر کیا گیا ہے کیونکہ وہ اپنی زبان میں ٹویٹ کرتے وقت اپنا پیغام اچھی طرح نہیں بھیج سکتے۔
یہ بھی یاد دلاتے چلیں کہ اس وقت کم و بیش تمام ویب براؤزرز میں کسی بھی پیج کو بک مارک کرنے کی سہولت موجود ہے لیکن یہ پہلا موقعہ ہے کہ جب ٹوئٹر کی جانب سے ٹویٹس کو بک مارک کرنے کی سہولت پیش کی گئی ہے۔ اس طرح کے فیچرز واٹس ایپ میں اور فیس بک پیجز پر پہلے سے دستیاب ہیں جن کے تحت آپ کسی خاص فرد یا گروپ میں کی جانے والی گفتگو کو (واٹس ایپ پر) سب سے اوپر رکھ سکتے ہیں جبکہ کسی فیس بک پیج یا گروپ میں ’’پن ٹو دی ٹاپ‘‘ نامی فیچر استعمال کرتے ہوئے کسی بھی پوسٹ کو ہمیشہ سب سے اوپر رکھا جاسکتا ہے۔
یوں لگتا ہے کہ نئی تبدیلیوں کے ذریعے ٹوئٹر اب خود کو واٹس ایپ اور فیس بک کے مدمقابل لانے کی بھرپور تیاری میں مصروف ہے۔ یہ بات اس لیے بھی کہی جاسکتی ہے کیونکہ اس سال ٹوئٹر کے صارفین کی تعداد صرف 33 کروڑ کے لگ بھگ رہی ہے جبکہ فیس بک کے صارفین 2 ارب سے زیادہ ہوچکے ہیں۔
دوسری جانب فیس بک ہی کے فراہم کردہ میسجنگ پلیٹ فارمز یعنی واٹس ایپ اور فیس بک میسنجر، دونوں میں سے ہر ایک کے صارفین کی تعداد 1 ارب 30 کروڑ کے قریب پہنچ چکی ہے۔ یعنی ٹوئٹر اپنی تمام خوبیوں کے باوجود ان سب سے بہت پیچھے رہ گیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔