- کراچی ایئرپورٹ پر روڈ ٹو مکہ پراجیکٹ کا افتتاح،پہلی پرواز عازمین حج کو لیکر روانہ
- شمسی طوفان سے پاکستان پر کوئی اثرات مرتب نہیں ہوئے، سپارکو
- سیاسی جماعتیں آپس میں بات نہیں کریں گی تو مسائل کا حل نہیں نکلے گا، بلاول
- جرمنی میں حکومت سے کباب کو سبسیڈائز کرنے کا مطالبہ
- بچوں میں نیند کی کمی لڑکپن میں مسائل کا سبب قرار
- مصنوعی ذہانت سے بنائی گئی آوازوں کے متعلق ماہرین کی تنبیہ
- دنیا بھر کی جامعات میں طلبا کا اسرائیل مخالف احتجاج؛ رفح کیمپس قائم
- دوسرا ٹی ٹوئنٹی: آئرلینڈ کی پاکستان کیخلاف بیٹنگ جاری
- رحیم یار خان ؛ شادی سے انکار پر والدین نے بیٹی کو بدترین تشدد کے بعد زندہ جلا ڈالا
- خالد مقبول صدیقی ایم کیو ایم پاکستان کے چیئرمین منتخب
- وزیراعظم کا ہاکی ٹیم کے ہر کھلاڑی کیلئے 10،10 لاکھ روپے انعام کا اعلان
- برطانیہ؛ خاتون پولیس افسر کے قتل پر 75 سالہ پاکستانی کو عمر قید
- وزیراعظم کا آزاد جموں و کشمیر کی صوتحال پر گہری تشویش کا اظہار
- جماعت اسلامی کا اپوزیشن اتحاد کا حصہ بننے سے انکار
- بجٹ میں سیلز اور انکم ٹیکسز چھوٹ ختم کرنے کی تجویز
- پیچیدہ بیماری اور کلام پاک کی برکت
- آزاد کشمیر میں مظاہرین کا لانگ مارچ جاری، انٹرنیٹ سروس متاثر، رینجرز طلب
- آئرلینڈ سے شکست کو کوئی بھی قبول نہیں کر رہا، چئیرمین پی سی بی
- یونان میں پاکستانی نے ہم وطن کو معمولی جھگڑے پر قتل کردیا
- لکی مروت میں جاری آپریشن 36 گھنٹوں بعد مکمل، دو دہشت گرد ہلاک
قوم کو اعتزاز پر فخر ہے، شہید نے قربانی کی عظیم مثال قائم کر دی، آرمی چیف
ہنگو: ہنگومیں اپنی جان پرکھیل کراسکول پر خودکش حملہ ناکام بنانے والے نویںجماعت کے 15 سالہ طالب علم اعتزازحسن شہیدکو پوری قوم نے زبردست خراج عقیدت پیش کیاہے۔
پیر کو اعتزازحسن نے ہنگو کے علاقے ابراہیم زئی میں اپنی جان پرکھیل کر خودکش حملہ آورکو اسکول میں داخل ہونے سے روک دیا تھا اورسیکڑوں دیگرطلبا کی جانیں بچائی تھیں۔ ہفتے کواس واقعے کے چھٹے روزبھی ابراہیم زئی میں اعتزاز شہیدکے گھرپر لوگوں کا تانتابندھا رہااور انھیں خراج عقیدت پیش کیاجبکہ ان کی قبرپر پھول کے ڈھیرلگا دیے گئے۔ واضح رہے کہ جمعے کو وزیراعظم نوازشریف نے اعتزاز شہیدکی بہادری کے اعتراف میں انھیں ستارہ شجاعت عطا کرنے کے لیے صدرمملکت کو سمری ارسال کی ہے۔ وزیراعظم ہاؤس کے ایک عہدیدارنے اے ایف پی کوبتایا کہ صدرکی رسمی منظوری کے بعد امکان ہے کہ اعتزاز شہیدکا خاندان یہ اعزاز 23مارچ کویوم دفاع پروصول کرے گا۔ ایکسپریس نیوزنے اعتزازشہید کے گاؤں ابراہیم زئی کے مناظر نشرکیے جن میں لوگ جوق درجوق شہیدطالب علم کی قبرپر پھول چڑھاتے رہے اورانھیں ہیروقرار دیا۔ اسکول اسمبلیوں میں طلبا نے اعتزازکے لیے دعائیں کیں۔
ایک طالب علم نے بتایاکہ ہمیں اعتزازپر فخرہے، انھوں نے ہماری جانیں بچائیں۔ بریگیڈیئرندیم ذکی منج اورکرنل کامران نے فوج کے دیگرافسران کے ہمراہ اعتزازشہید کی قبرپر حاضری دی اورآرمی چیف جنرل راحیل شریف اورآئی جی ایف سی کی جانب سے پھولوں کی چادریں چڑھائی جبکہ فوجی دستے نے قبرپر سلامی دی۔ آئی ایس پی آرکے مطابق بعدازاں بریگیڈیئر ندیم نے اعتزازشہید کے گھر جاکر آرمی چیف کی جانب سے ان کے خاندان سے تعزیت اورہمدردی کااظہار کیا، فاتحہ خوانی کی اوراعتزاز کی بہادری کوخراج تحسین پیش کیا۔
آرمی چیف جنرل راحیل شریف نے اعتزازحسن کے والدکے نام پیغام میں شہید طالب علم کوخراج عقیدت پیش کرتے ہوئے کہاکہ قوم کواس نوجوان ہیروپر فخرہے جس نے بہادری اورقربانی کی عظیم مثال پیش کی۔ انھوں نے ہمارے بہترکل کے لیے اپنے آج کی قربانی دی۔ اعتزازکے والد مجاہدعلی بنگش اور بڑے بھائی مجتبیٰ حسن نے کہاکہ ہمیں اعتزازکی قربانی پرفخرہے۔
واضح رہے کہ اعتزازشہید کے والد مجاہدعلی بنگش یواے ای میں کام کرتے ہیں اور وہ اپنے بیٹے کی تدفین کے اگلے روزپہنچے ہیں۔ علاقہ عمائدین نے اعتزازکو خراج عقیدت پیش کرنے پرپاک فوج کوخراج تحسین پیش کیاجبکہ صوبائی حکومت کی جانب سے تاحال کسی نمائندے کے فاتحہ خوانی کے لیے نہ آنے پرناراضی کااظہار کیا۔ ملالہ یوسفزئی نے بھی اعتزازشہید کوزبردست خراج عقیدت پیش کیاہے۔ لندن سے جاری بیان میں ملالہ یوسف زئی نے کہاکہ تشدد نے پاکستان میں ایک اورطالب علم کی جان لے لی ہے۔ انھیں اپنے ملک پرفخر ہے جہاں اعتزاز حسن جیسے نڈراور باہمت لوگ پیداہوئے۔ ملالہ نے اپیل کی کہ حکومت اعتزازحسن کو ملک کے سب سے بڑے سول اعزاز سے نوازے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔