نااہلی ریفرنسزپرقومی اسمبلی کے اجلاس میں عارف علوی کی اسپیکرسے نوک جھونک

 اسلام آباد: قومی اسمبلی کے اجلاس کے دوران نااہلی رینفرنسزپرتحریک انصاف کے عارف علوی سے نوک جھونک کے بعد اسپیکر نے ان کا مائیک بند کرادیا۔

اسپیکرسردارایازصادق کی سربراہی میں قومی اسمبلی کا اجلاس ہوا، جس میں تحریک انصاف کے عارف علوی نے نا اہلی ریفرنسزپراسپیکرکے فیصلے کوزیربحث لانے کی کوشش کی، جس پراسپیکرنے کہا کہ وہ قانون کے مطابق اسپیکر کی رولنگ کو چیلنج نہیں کرسکتے، اگر آپ نے کچھ کہا تووہ مائیک بند کرادیں گے۔

عارف علوی نے کہا کہ اسپیکرصاحب آپ ریفرنس کےمعاملے پرجانب دارنظر آتے ہیں، جس پراسپیکرایازصادق نے کہا کہ انہوں نے وہ کیا جو ٹھیک لگا، الیکشن کمیشن جائیں یا عدالت، یہاں بات نہیں ہوسکتی، جس کے ساتھ انہوں نے عارف علوی کا مائیک بند کرادیا۔