- ٹی20 ورلڈکپ میں شرکت کیلیے قومی ٹیم لندن سے امریکا پہنچ گئی
- ٹی20 ورلڈکپ؛ میگا ایونٹ میں شرکت کیلئے قومی ٹیم امریکا پہنچ گئی
- سی پی این ای کے سالانہ انتخابات، ارشاد احمد صدر، اعجاز الحق سیکریٹری جنرل منتخب
- وزیراعظم کا بیان غلط قرار، پیٹرول کی قیمت میں صرف 4 روپے 74 پیسے کی کمی
- ایف بی آر کو ٹیکس ہدف کے حصول میں شارٹ فال کا سامنا
- رواں مالی سال کے ترقیاتی بجٹ میں 233 ارب روپے کی کٹوتی کی گئی، رپورٹ
- یورپ کی جانب سے پاکستان پرعائد سفری پابندیاں اٹھانے کا فیصلہ نہ ہوسکا
- وزیراعظم کا دورہ چین؛ ہماری دوستی وقت کی کسوٹی پر کھڑی رہی ہے، چینی وزارت خارجہ
- جرمنی؛ اسلام مخالف رہنما پر حملہ کرنے والے شخص کو پولیس نے گولی ماردی
- انسداد دہشت گردی عدالت کا بانی پی ٹی آئی کو 28 جون کو پیش کرنے کا حکم
- عراق میں 8 ملزمان کو پھانسی دیدی گئی
- آئندہ کوئی بھی پوسٹ بانی پی ٹی آئی کی اجازت کے بغیر نہیں ہوگی، علی محمد خان
- مارگلہ کی پہاڑیوں پر آگ لگانے کے الزام میں 3 افراد گرفتار
- لاہور میں اسلحے کے زور پر بکرے چھیننے والے ملزمان گرفتار
- بھارت میں قیامت خیز گرمی؛ ہیٹ اسٹروک سے 19 افراد ہلاک
- وزیراعلیٰ گنڈا پور کا صوبے کی 4 ہزار مستحق بچیوں کی اجتماعی شادی کا فیصلہ
- کراچی؛ گرمی کی لہر جاری، ہفتے کو پارہ 42 ڈگری تک پہنچ سکتا ہے
- فلیونائیڈ سے بھرپور غذائیں ذیا بیطس کے خطرات کم کرتی ہیں، تحقیق
- شادی کے 12 دن بعد پتا چلا کہ بیوی مرد ہے؛ شوہرتھانے پہنچ گیا
- لکڑی سے بنا ماحول دوست سیٹلائٹ ستمبر میں لانچ کیا جائے گا
آئی ایم ایف سے پاکستان کی ڈیل ہماری تائید اور حمایت سے ہوئی، تحریک انصاف
لاہور: وزیراعظم کے خطاب پر ردعمل د یتے ہوئے تحریک انصاف کے ترجمان نے کہا ہے کہ شہباز شریف کا خطاب جھوٹ کا مجموعہ تھا جس کے ذریعے قوم کو شیشے میں اتارنے کی کوشش کی گئی، پاکستان کوآئی ایم ایف سے ڈیل تحریک انصاف کی تائید وحمایت کے بعد ہی میسرہوسکی۔
وزیراعظم کے قوم سے خطاب پر ردعمل دیتے ہوئے تحریک انصاف کے ترجمان نے کہا کہ کٹھ پتلی وزیراعظم کا خطاب جھوٹ، مکر اور فریب کا مجموعہ تھا جس کے ذریعے مجرمانہ کارکردگی پر پردہ پوشی کی کوششش کی گئی۔
انہوں نے کہا کہ تقریر نویسوں کی لفاظی سے جادو جگانے اور بے معنی گفتگو سے قوم شیشے میں نہ پہلے اتری اور نہ ہی اب اترے گی کیونکہ شہباز شریف کی پوری سیاست روز روشن کی طرح قوم کے سامنے ہے۔
مزید پڑھیں: قرض لے لے کر ہم نے اپنے وقار کو مجروح کرلیا ہے،اب کشکول توڑ کر محنت کرنا ہوگی، وزیراعظم
پی ٹی آئی ترجمان نے کہا کہ زرداری کو لاڑکانہ، لاہور اورپشاور کی گلیوں میں گھسیٹنے والے اور شہباز شریف ملک کو”شبانہ روز“ تباہی کی دلدل میں اتارنے والے شہباز شریف سے ہرگز مختلف نہیں، زرداری کا پیٹ پھاڑ کر قوم کی لوٹی گئی دولت واپس لانے والا شہبازشریف آئی ایم ایف کی دہلیز پرسجدہ ریز ہے۔
ترجمان نے کہا کہ فرق محض اتنا ہے کہ اپریل 2022 میں قوم کے سرپرمسلّط ہونے والا شہبازشریف ”ڈگی“ جیسی آزمائش سے کامیابی سے گزر کرآیا تھا، اپریل 2022 میں مسلّط کئے جانے والا شہبازشریف ایک ہاتھ میں ”چیری بلاسم“ کی ڈبیا تھام کر دوسرے سے سیلیوٹ مارتا ہے، پندرہ ماہ کے اقتدار کے بعد قوم جان چکی ہے کہ شہباز شریف شعبدہ بازی، مکروفریب اور غلامی و چاکری کا جیتا جاگتا استعارہ ہے۔
انہوں نے کہا کہ شہبازشریف نے 15 ماہ میں 6% کی شرح سے ترقی کرتی معیشت کو 0.3% پرپہنچایا، سازش اور شرارت سے قوم پر مسلّط کی گئی سرکار نے ساڑھے تین سال کے امن کوآگ لگا کر ملک کو دہشتگردی اور بدامنی کے سپرد کیا، اشتہاروں سے خوشحالی و ترقی کے مینارتعمیر کرنے والے شہبازشریف نے ایک سال میں ساڑھے آٹھ لاکھ پاکستانیوں کو ملک چھوڑنے پرمجبور کیا۔
ترجمان نے کہا کہ پندرہ ماہ میں کٹھ پتلی راج نے ملک میں آئین پامال، قانون رسوا اور نیب سمیت قومی اداروں کو تباہ کیا گیا، وزارتِ عظمیٰ پر بیٹھے تاریخ کے نایاب مسخرے نے آزادئ اظہار کا گلا گھونٹ کر ملک پر بنیادی حقوق سے محرومی کی سیاہ رات مسلط کی۔
یہ بھی پڑھیں: آئی ایم ایف سے ایک ارب 20 کروڑ ڈالر اسٹیٹ بینک کو موصول
پی ٹی آئی ترجمان نے کہا کہ تاریخ کی پہلی مخلوط امپورٹڈ حکومت نے اقدار کو تباہ، انسانی شرف کو مجروح اور شہریوں کی عزت و وقار کو بےدردی سے پامال کیا، شہبازشریف کی سرکردگی میں مجرموں کی حکومت نے ملک کو بےسمت اور عالمی تنہائی کا شکار کیا۔ کشکول کو حکومتی امتیاز کی علامت بنانے والے ان عیاش طبع بھکاریوں پرآئی ایم ایف سمیت کوئی بھروسہ کرنے کو تیار نہیں ہوا، پاکستان کوآئی ایم ایف سے ڈیل تحریک انصاف کی تائید وحمایت کے بعد ہی میسرہوسکی۔
اسے بھی پڑھیں: پاکستان میں رواں سال مہنگائی اور بے روزگاری کم ہونے کا امکان ہے، آئی ایم ایف
ترجمان نے کہا کہ پاکستان کواپنے پیروں پر کھڑا کرنے اور قوم کے کھوئے ہوئے مقام کی بحالی کا پہلا زینہ ان مجرموں سے نجات ہے، کٹھ پتلی راج کی مزید سرپرستی سے توبہ کرکے مستقبل قوم کے سپرد کرنے کا وقت آن پہنچا ہے، سنگین غلطیوں پراصرار کی بجائے ان سے گریز کیا جائے، سیاست اور ریاست دونوں کو عوام کی منشاء کے تابع کیا جائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔