- بلوچستان سے پنجاب کوئلہ لے جانے والے ٹرکوں پر فائرنگ، ایک ڈرائیور جاں بحق متعدد زخمی
- عدلیہ مخالف مہم، رؤف حسن اور شعیب شاہین کے خلاف سپریم کورٹ میں توہین عدالت کی درخواست دائر
- کراچی: رینجرز کا سی ٹی ڈی کے دفتر پر چھاپہ، دو اہلکار گرفتار
- کراچی میں میٹرک کے امتحانات کے التوا سے انٹرمیڈیٹ کے امتحانات متاثر ہونے کا خدشہ
- سابق وزیر اعلیٰ پنجاب پرویز الہیٰ جیل سے رہا
- خیبرپختونخوا حکومت کا آئندہ مالی سال کا بجٹ 24 مئی کو پیش کرنے کا فیصلہ
- پاکستان کی ٹریول اینڈ ٹورزم کی عالمی رینکنگ میں 20 درجہ بہتری
- گندم درآمد اسکینڈل کی تحقیقات مکمل، ملبہ فوڈ سیکیورٹی پر ڈال دیا گیا، چار افسران معطل
- نمی کا تناسب بڑھنے سے کراچی شدید گرمی کی لپیٹ میں آگیا
- علامہ راغب نعیمی اسلامی نظریاتی کونسل کے چیئرمین مقرر
- بابراعظم کو کپتانی میں بہتری لانے کی ضرورت ہے، یونس خان
- انٹربینک مارکیٹ میں ڈالر مزید 10 پیسے مہنگا
- فیصل واؤڈا نے جسٹس اطہر من اللہ کے خلاف سینیٹ میں تحریک استحقاق جمع کرادی
- آسٹریلیا نے ٹی 20 ورلڈ کپ کے لیے حتمی اسکواڈ کا اعلان کردیا
- وزیراعظم شہباز شریف آج ایرانی صدر کی نمازجنازہ میں شرکت کیلئے تہران جائیں گے
- اب کوئی بھی یوپی کی سڑکوں پر نماز پڑھنے کی ہمت نہیں کرتا؛ وزیراعلیٰ اترپردیش
- پی ٹی آئی کے مرکزی ترجمان رؤف حسن ’قاتلانہ‘ حملے میں زخمی
- ایف بی آر کی ملی بھگت سے اربوں روپے ٹیکس چوری ہورہا ہے، خواجہ آصف
- نان فائلرز کی 3 ہزار 400 سے زائد سمز بلاک کی جا چکی ہیں، ایف بی آر
- ایرانی صدر کے ہیلی کاپٹر حادثے کی اعلیٰ سطح کی تحقیقات کا آغاز
کراچی؛ نامعلوم مسلح ملزمان کی فائرنگ سے 7بچوں کا باپ جاں بحق
ویب ڈیسک: سرجانی ٹاؤن ناردرن بائی پاس زیرو پوائنٹ کے قریب نامعلوم مسلح ملزمان کی فائرنگ سے موٹرسائیکل پر سوار 7بچوں کا باپ جاں بحق ہوگیا۔
تفصیلات کے مطابق سرجانی ٹاؤن تھانے کےعلاقے ناردرن بائی پاس پر واقع الغفور سوسائیٹی زیرو پوائنٹ کے قریب نامعلوم مسلح ملزمان کی فائرنگ سے موٹرسائیکل سوار جاں بحق ہوگیا، اطلاع ملنے پر پولیس موقع پر پہنچ گئی اور مقتول کی لاش قانونی کارروائی کے لیے عباسی شہید اسپتال منتقل کر دی گئی جہاں مقتول کی شناخت 45 سالہ نور احمد ولد اسماعیل کے نام سے کی گئی۔
مقتول گڈاپ ٹاؤن میں بہروگوٹھ کا رہائشی اور پیشے کے لحاظ سے مالی تھا جوکہ سرجانی ٹاؤن میں واقع نجی رہائشی اپارٹمنٹ میں ملازمت کرتا تھا، مقتول پانچ بیٹوں اور 2بیٹیوں کا باپ تھا۔
ایس ایچ او سرجانی ٹاؤن شوکت اعوان نے بتایا کہ مقتول کو ایک گولی کمر پر لگی اور سینے سے پار ہوگئی، مقتول مذکورہ راستے سے معمول کے مطابق گزرتا تھا۔ شبہ ہے کہ مقتول کو نامعلوم مسلح ملزمان نے تعاقب کرنے کے بعد 8 سے 10 فٹ کے فاصلے سے چلتی موٹر سائیکل پر ٹارگٹ کرکے پیچھے سے فائرنگ کرکے قتل کیا، پولیس کو جائے وقوع سے 30بور پستول کا ایک خول ملا ہے۔
ایس ایچ او نے بتایا کہ مقتول سے کوئی چیز چھینی نہیں گئی ہے جبکہ مقتول کا موبائل، موٹر سائیکل اور دیگرسامان موجود ہے۔ پولیس نے واقعاتی شواہد اکٹھا کرکے ذاتی دشمنی، ٹارگٹ کلنگ سمیت دیگر پہلوؤں پر تفتیش شروع کر دی ہے۔
دوسری جانب، مقتول کے بھائی محمد حنیف اور کزن نے واقع کو ڈکیتی کی واردات کے دوران مزاحمت کا شاخسانہ قرار دیا ہے۔
مقتول کے اہلخانہ کا کہنا ہے ان کی کسی سے کوئی دشمنی نہیں ہے۔ انھوں نے بتایا کہ ناردرن بائی پاس اور سرجانی ٹاؤن میں روز ڈکیتی کی وارداتیں ہوتی ہیں لیکن پولیس کچھ نہیں کرتی، ہم گھر سے موبائل فون اور نقدی بھی لیکر نکلتے ہوئے گھبراتے ہیں، ہم سے بھی ڈکیتوں نے لوٹ مار کی ہے اور وہ ڈکیتوں کو کہتے ہیں کہ ہمارے پاس جو کچھ بھی ہے وہ لے لوں لیکن ہمارے جان بخش دو۔
ان کا کہنا تھا کہ ان کے ساتھ بہت ظلم ہوا ہے، اگر روزگار پر نہیں جاتے ہیں ان کے بچے بھوکے سوتے ہیں، سندھ حکومت اور ارباب اختیار سے مطالبہ ہے کہ انہیں انصاف فراہم کیا جائے اور واقعے میں ملوث ملزمان کو فل الفور گرفتار کرکے قرار واقعی سزا دی جائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔