- بالائی علاقوں میں کل سے بارشوں کی پیش گوئی
- رفح پر حملے ’انتہائی سنگین‘ ہے، تحقیقات کریں گے؛ اسرائیلی فوجی پراسیکیوٹر
- سندھ اسمبلی؛ کے الیکٹرک کے سی ای او مونس علوی کیخلاف تحریک استحقاق جمع
- وفاق نے کے پی میں بجلی کی فراہمی چوری کے خاتمے سے مشروط کردی
- نئے مالی سال ایف بی آر کا ہدف ساڑھے 12 ہزار ارب ہوسکتا ہے، چیئرمین ایف بی آر
- سرجانی ٹاؤن میں نوجوان کی درخت سے لٹکی ہوئی لاش برآمد
- خیبر پختونخوا میں فورسز کے آپریشنز میں 17 دہشتگرد ہلاک، جھڑپ میں 5 جوان شہید
- کراچی: عدالت کی پہلے کمرشل و صنعتی صارفین سے میونسپل چارجز وصولی کی تجویز
- مہوش حیات، کبریٰ خان ہتک عزت کیس میں ڈپٹی ڈائریکٹر سائبر کرائم طلب
- گریٹر اقبال پارک میں ماں نے 4 بچوں کو لاوارث چھوڑ دیا
- عالمی عدالت اسرائیل کے جنگی جرائم کی تحقیقات کرے؛ ایمنسٹی انٹرنیشنل
- جن کے پاس کھانے کو بھی نہیں کے الیکٹرک وہاں لوڈشیڈنگ کرتی ہے، ہائی کورٹ
- عالمی و مقامی مارکیٹ میں سونے کی قیمت میں اضافہ
- تعلیمی اداروں میں منشیات کا بڑھتا ہوا استعمال، سندھ اسمبلی کا قانون سازی کا مطالبہ
- منشیات فروشوں کیخلاف کریک ڈاؤن اس لعنت کے خاتمے تک جاری رہے گا، شرجیل میمن
- ایف آئی اے انٹرپول کی کارروائی؛ 10 سال سے مطلوب ملزم سعودی عرب سے گرفتار
- سرکاری افسران کا پرائیویٹ گاڑیوں پر جعلی سرکاری نمبر پلیٹس لگانے کا انکشاف
- عدالتی رپورٹنگ پر پابندی کے پیمرا نوٹیفیکیشن پر عمل درآمد روکنے کا حکم
- غزہ؛ حماس کیساتھ جھڑپ میں زخمی ہونے والا اسرائیلی فوجی ہلاک
- ریاست لوگوں کو تحفظ دینے میں مکمل ناکام ہو چکی ہے، پشاور ہائی کورٹ
امریکا میں ٹک ٹاک پر پابندی کا بل سینیٹ سے بھی منظور
واشنگٹن: امریکی کانگریس نے ٹاک ٹاک پر پابندی یا چینی کمپنی بائیٹ ڈانس سے الگ کرنے کے لیے درکار قانون سازی کی منظوری دےدی اور بل منظوری کے بعد دستخط کے لیے صدر جوبائیڈن کو بھیج دیا جائے گا۔
غیرملکی خبرایجنسی اے ایف پی کی رپورٹ کے مطابق کانگریس کی مذکورہ قانون سازی امریکا کی جانب سے اسرائیل، یوکرین اور تائیوان کو دیا جانے والا 95 ارب ڈالر کے فوجی امدادی پیکیج کا حصہ ہے جس کی ایوان نمائندگان کے بعد کانگریس نے بھی منظوری دے دی ہے اور صدر کے دستخط کے ساتھ ہی باقاعدہ قانونی شکل اختیار کرجائےگا۔
امریکا میں ٹک ٹاک پر پابندی کا بل سینیٹ سے 18 کے مقابلے میں 79 ارکان کی واضح اکثریت سے منظور ہوا اور صدر جوبائیڈن پہلے ہی کہہ چکے ہیں کہ وہ بل پر فوری دستخط کردیں گے۔
بل کے تحت بائیٹ ڈانس ایک سال کے اندر اندر ایپ فروخت کرے گی یا امریکا میں ایپل اور گوگل ایپ اسٹور سے خارج کردیا جائے گا۔
یہ بھی پڑھیں: امریکی ایوان نمائندگان سے اسرائیل، یوکرین کو 95 ارب ڈالر امدادی پیکیج کی منظوری
صدر جوبائیڈن رواں ماہ کے شروع میں چینی صدر شی جن پنگ سے ٹیلی فون پر بات کرتے ہوئے ٹک ٹاک کے حوالے سے اپنے تحفظات کا اظہار کیا تھا۔
امریکی حکام کے درمیان ٹک ٹاک برسوں سے زیربحث رہا ہے، جن کا خیال ہے کہ بیجنگ اس کے ذریعے امریکا میں خفیہ نگرانی کر رہا ہے لیکن پابندی قانونی مسائل کا باعث بن سکتی ہے۔
ٹک ٹاک نے ایوان نمائندگان میں ہفتے کو ہونے والی ووٹنگ پر بیان میں کہا تھا کہ یہ بدقسمتی ہے کہ بل کے ذریعے ایپ پر پابندی عائد کی جائے گی، جس سے 17 کروڑ امریکیوں کی آزادی اظہار پر پابندی ہوگی، 70 لاکھ کاروباری حضرات کو مشکلات کا سامنا ہوگا اور امریکی معیشت کو سالانہ بنیاد پر ہونے والا 24 ارب ڈالر سرمایہ ختم ہوگا۔
دوسری جانب سابق صدر ڈونلڈ ٹرمپ کے ساتھ سیکریٹری خزانہ کے طور پر کام کرنے والے اسٹیون منیوچن نے کہا ہے کہ وہ ٹک ٹاک کی خریداری پر دلچسپی رکھتے تھے اور سرمایہ کاروں کے ایک گروپ کو بھی تیار کیا تھا۔
ادھر سماجی رابطے کی ویب سائٹ ایکس کے مالک ایلون مسک نے ٹک ٹاک پر پابندی کے خلاف بیان دیتے ہوئے کہا کہ ایسا کرنا آزادی اظہار کے خلاف ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔