- حکومت کمیٹی کمیٹی کھیلنا بند کرے اور گندم اسکینڈل کے ذمہ داروں کیخلاف کارروائی کرے، بلاول
- ٹی20 ورلڈکپ؛ کیا پاکستان، انگلینڈ کی ٹیمیں وارم اَپ میچز گنواسکتی ہیں؟
- فیملی وی لاگنگ کے نام پر فحش مواد کے خلاف درخواست پر پی ٹی اے سے رپورٹ طلب
- چار سدہ انٹرچینج کے نزدیک فائرنگ، تین افراد جاں بحق ایک زخمی
- 400 کلومیٹر رینج کے حامل فتح II گائیڈڈ راکٹ سسٹم کا کامیاب تجربہ
- نجکاری کیلیے پیش کیے جانے والے 25 سرکاری اداروں کی فہرست قومی اسمبلی میں پیش
- عدلیہ میں مداخلت کا ثبوت ہے تو پیش کریں، ورنہ ابہام بڑھ رہا ہے، فیصل واوڈا
- حسن علی کو تیسرا ٹی20 کیوں کھلایا؟ بابر نے وجہ بتادی
- جھوٹی خبروں کیخلاف نیا قانون تیار ہے صحافیوں کو اعتراض ہے تو رجوع کریں، پنجاب حکومت
- سونے کی عالمی اور مقامی مارکیٹوں میں قیمت بڑھ گئی
- دبئی لیکس میں بھارتی سب سے آگے؛ مودی کے دوستوں کی جائیدادیں بھی نکل آئیں
- ورلڈکپ اسکواڈ کا اعلان کیوں نہیں ہوا؟ رمیز راجا سلیکشن کمیٹی پر برہم
- وزیراعلی پنجاب نے لاہور میں 36 ارب کے ترقیاتی کام روک دیے
- گورنر خیبرپختونخوا کے اپنی رہائشگاہ ’’کے پی کے ہاؤس‘‘ آنے پر پابندی
- حکومت نے آئی ایم ایف کو بجلی مزید مہنگی کرنے کی یقین دہانی کرادی
- نقل مافیا اور آپریشن راہ راست
- یونیورسٹیاں پاکستان کا مستقبل ہیں، منظم طریقے سے تباہ کیا جارہا ہے، چیف جسٹس
- پی ایس ایل سے آئی پی ایل کا ٹکراؤ؛ فرنچائزز نے مخالفت کردی
- حماس سے جھڑپوں، حزب اللہ کے راکٹ حملے میں اسرائیلی فوجی سمیت 2 ہلاک، 5 زخمی
- پی ایس ایل کا مذاق؛ بھارتیوں کے پیروں تلے زمین نکلنے لگی
عمران خان اور طاہرالقادری کو کسی صورت دوبارہ دھرنے پر نہیں بیٹھنے دیں گے، وزیردفاع
اسلام آباد: وزیردفاع خواجہ آصف کا کہنا ہے کہ عمران خان اور طاہرالقادری کو دوبارہ دھرنے پر نہیں بیٹھنے دیں گے اب ایک کو کینیڈا اور دوسرے کو بنی گالہ جانا ہوگا۔
ایکسپریس نیوز سے خصوصی گفتگو کرتے ہوئے خواجہ آصف نے کہا کہ پارلیمنٹ ہاؤس کے احاطے کو مردوں سے کلیئر کرالیا گیا ہے اب اس میں صرف خواتین اور بچے موجود ہیں جبکہ وزیراعظم نے خواتین اور بچوں کو احاطے میں بیٹھنے کی اجازت دی ہے۔ ان کا کہنا تھا کہ اب عمران خان اور طاہرالقادری کو کسی صورت دوبارہ دھرنے پر نہیں بیٹھنے دیں گے اب ایک کینیڈا اور دوسرا بنی گالہ جائے گا۔ اانہوں نے کہا کہ حکومت نے پہلے دن سے بھرپور صبر کا مظاہرہ کیا، فریقین نے ریڈزون میں گھس کر وعدہ خلافی کی اور تحریری معاہدے کی بھی خلاف ورزی کی لیکن حکومت نے پھر بھی رد عمل نہیں دیا جبکہ حکومت نے گزشتہ کئی دنوں میں بھی اس لیے صبر کا مظاہرہ کیا تاکہ کوئی جانی نقصان نہ ہو۔ انہوں نے کہا کہ مذاکرات کو ڈھال بنانے کی کوشش کی گئی ہے ان لوگوں نے وزیراعظم ہاؤس اور پارلیمنٹ ہاؤس سمیت اہم عمارتوں پر قبضے کی کوشش کی لیکن حکومت ان عمارتوں کی بھرپور حفاظت کرے گی۔
وزیر دفاع کا کہنا تھا کہ ڈنڈوں کے ساتھ پر امن نہیں رہا جاسکتا، ہزاروں لوگ مسلح تھے اور ان کے پاس آتشی اسلحہ بھی موجود تھا، حکومت ان لوگوں کو کھلی چھوٹ نہیں دے سکتی کیونکہ حکومت کی بھی آخری دفاعی لائن موجود ہے، ہم آئین و قانون کی حدود میں رہ کر سرکاری اور دیگر اثاثوں کا دفاع کریں گے۔ انہوں نے کہا کہ گزشتہ کئی دنوں سے لوگوں کو غیرآئینی و غیر قانونی اور ریاست مخالف اقدام اٹھانے پر مجبور کیا جارہا ہے،اپنی تقاریر میں وزیراعظم اور وزیراعلیٰ پنجاب کے نام لے کر پھانسیاں لگانے کی باتیں کی جارہی ہیں، ان لوگوں نے کوئی پیار کی بات نہیں کی بلکہ ایسی باتیں کیں جو کوئی پاکستانی نہیں کرسکتا۔
خواجہ آصف نے کہا کہ تشدد کی زبان استعمال کرنے والوں کو ان ہی کی زبان میں جواب دیا جائے گا اور اب موقع آگیا ہےکہ حکومت فیصلہ کرے اور ریڈ زون کو خالی کرائے جو لوگ ریاست کے خلاف تشدد کی زبان استعمال کریں اور ریاست کی بنیادوں پر حملہ کریں ان پر ریاست کی ذمہ داری ختم ہوجاتی ہے۔ انہوں نے کہا کہ خواتین اور بچوں کو زبردستی دھرنوں میں لایا گیا ہے، اگر یہ لوگ امن سے واپس نہیں گئے تو حکومت اختیارات استعمال کرے گی، اگر آج آنسو گیس کا استعمال ہوا تو ہمیں اس اقدام پر مجبور کیا گیا ہے، ان لوگوں نے تشدد کا پرچار کیا اس صورتحال میں مذاکرات کا کوئی مستقبل نظر نہیں آتا اور کنپٹی پر بندوق رکھ کر مذاکرات نہیں ہوسکتے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔