- پراپرٹی لیکس نئی بوتل میں پرانی شراب، ہدف آرمی چیف: فیصل واوڈا
- کراچی کے سمندر میں پُراسرار نیلی روشنی کا معمہ کیا ہے؟
- ڈاکٹر اقبال چوہدری کی تعیناتی کے معاملے پر ایچ ای سی اور جامعہ کراچی آمنے سامنے
- بیٹا امریکا میں اور بیٹی میڈیکل کی طالبہ ہے، کراچی میں گرفتار ڈکیت کا انکشاف
- ژوب میں سیکیورٹی فورسز کی کارروائی میں تین دہشت گرد ہلاک، پاک فوج کے میجر شہید
- آئی ایم ایف کا ٹیکس چھوٹ، مراعات ختم کرنے کا مطالبہ
- خیبرپختونخوا حکومت کا اسکول طالب علموں کو مفت کتابیں اور بیگ دینے کا اعلان
- وفاقی کابینہ نے توشہ خانہ تحائف کے قوانین میں ترامیم کی منظوری دے دی
- پاکستان نے تیسرے ٹی ٹوئنٹی میں آئرلینڈ کو شکست دیکر سیریز اپنے نام کرلی
- اسلام آباد میں شہریوں کو گھر کی دہلیز پر ڈرائیونگ لائسنس بنانے کی سہولت
- ماؤں کے عالمی دن پر نا خلف بیٹے کا ماں پر تشدد
- پنجاب میں چائلڈ لیبر کے سدباب کے لیےکونسل کے قیام پرغور
- بھارتی وزیراعظم، وزرا کے غیرذمہ دارانہ بیانات یکسر مسترد کرتے ہیں، دفترخارجہ
- وفاقی وزارت تعلیم کا اساتذہ کی جدید خطوط پر ٹریننگ کیلیے انقلابی اقدام
- رواں مالی سال کی پہلی ششماہی میں معاشی حالات بہترہوئے، اسٹیٹ بینک
- شاہین آفریدی پیدائشی کپتان ہے، عاطف رانا
- نسٹ کے طلبہ کی تیار کردہ پاکستان کی پہلی ہائی برڈ فارمولا کار کی رونمائی
- عدالتی امور میں مداخلت مسترد، معاملہ قومی سلامتی کا ہے اسے بڑھایا نہ جائے، وفاقی وزرا
- راولپنڈی میں معصوم بچیوں کے ساتھ مبینہ زیادتی میں ملوث دو ملزمان گرفتار
- دکی میں کوئلے کی کان پر دہشت گردوں کے حملے میں چار افراد زخمی
ریڈ لائن عبور کرنے والوں سے سختی سے نمٹا جائے گا، ایس ایس پی اسلام آباد
اسلام آباد: ایس ایس پی اسلام آباد عصمت اللہ جونیجو نے کہا ہے کہ ریڈ لائن ہمارے لئے بہت مقدس ہے اور کسی کو اس کی خلاف ورزی کی اجازت نہیں دیں گے اور جس نے بھی اسے عبور کرنے کی کوشش تو قانون فوری حرکت میں آئے گا۔
اسلام آباد میں میڈیا سے بات کرتے ہوئے ایس ایس پی عصمت اللہ جونیجو نے کہا کہ ہم عوام کے جذبات کا احترام کرتے ہیں اور ان ہی کی حفاظت کے لئے ہیں تاہم ریڈ لائن ہمارے لئے بہت مقدس ہے اور کسی کو اس کی خلاف ورزی کی اجازت نہیں دیں گے۔ انہوں نے کہا کہ پرامن احتجاج کرنا ہر کسی کا حق ہے لیکن گزشتہ روز دھرنے کی آڑ میں کچھ شرپسند عناصر نے حالات خراب کئے جس کے باعث چند پولیس اہلکاروں نے بھی غلط قدم اٹھاتے ہوئے میڈیا کے نمائندوں پر تشدد کیا جس کے لئے ہم معذرت خواہ ہیں اور ان اہلکاروں کے خلاف کارروائی بھی کی جائے گی۔
عصمت اللہ جونیجو کا کہنا تھا کہ عمران خان ایک قومی لیڈر ہیں جبکہ طاہر القادری کی ملک کے لئے کافی خدمات ہیں جنہیں ہم قدر کی نگاہ سے دیکھتے ہیں لیکن انہیں ہماری پوزیشن بھی سمجھنی چاہئے اور اپنے کارکنان کو قانون ہاتھ میں لینے اور تشدد سے روکنا چاہئے۔ انہوں نے کہا کہ ہم پالیسیاں نہیں بناتے، ہمارا کام پالیسیوں پر عمل کرنا ہے اس لئے ہم احکامات ماننے کے پابند ہیں تاہم میں یقین دہانی کراتا ہوں کہ نہتے اور پرامن شہریوں کے خلاف طاقت کا استعمال نہیں ہوگا، خواتین اور بچوں کو کسی صورت نقصان نہیں پہنچائیں گے اور نہ ہی اسپتال سے کسی زخمی کو گرفتار کیا جائے گا۔
ایس ایس پی اسلام آباد کا کہنا تھا کہ دہشت گردی کے شدید خطرات ہیں اس لئے ریڈ زون کی سیکیورٹی انتہائی سخت رکھی گئی ہے۔ چیرمین تحریک انصاف کے پولیس تشدد کا مقدمہ آئی جی اسلام آباد کے خلاف درج کرانے کے بیان کے حوالے سے عصمت اللہ جونیجو کا کہنا تھا کہ جو بھی اس میں ملوث ہو اس کے خلاف کارروائی کی جائے گی اور جب وزیر اعظم پر مقدمہ ہوسکتا ہے تو کسی کے خلاف بھی ایف آئی آر درج ہوسکتی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔