- بھارت؛ شیوسینا کی رہنما کا ہیلی کاپٹر گر کر تباہ
- مخصوص نشستیں؛ پشاور ہائیکورٹ فیصلے کیخلاف سنی اتحاد کونسل کی اپیل سماعت کیلیے مقرر
- قومی ٹیم کے دورہ جنوبی افریقہ کے شیڈول کا اعلان ہوگیا
- ڈاکوؤں کا نیا طریقہ واردات، حیدرآباد سے کراچی آنیوالی پوری وین لوٹ لی
- اسلام آباد میں رہنے والے چینی شہریوں کا ڈیٹا مرتب، سکیورٹی سخت کردی گئی
- گندم سمیت دیگر اشیا کی اسمگلنگ میں کسٹمز اہلکاروں کے ملوث ہونے کا انکشاف
- پی ٹی آئی رہنما شیر افضل مروت کے بھائی پختونخوا حکومتی ٹیم سے فارغ
- سلمان بٹ کا محمد حارث کو اپنے اوپر نظرثانی کا مشورہ
- عالمی اور مقامی مارکیٹوں میں سونے کی قیمت کم ہو گئی
- وزیراعظم نے گندم درآمد کرنے کا نوٹس لے لیا، تحقیقات کا حکم
- پی ایس ایل کی لیگ کمشنر نائلہ بھٹی بھی مستعفی ہوگئیں
- پولیس اہلکاروں کے ٹارگٹ کلر کے دورانِ تفتیش سنسنی خیز انکشافات
- آڈیو لیکس کیس؛ آئی بی کی بینچ پر اعتراض واپس لینے کی درخواست خارج
- ٹی20 ورلڈکپ؛ کس ٹیم کی مضبوط بیٹنگ لائن اَپ ہے؟ وان نے بتادیا
- اسحاق ڈار کی نائب وزیراعظم تعیناتی کیخلاف درخواست پر دلائل طلب
- سندھ ہائیکورٹ کا تھانوں کی زمین پر کمرشل سرگرمیوں کیخلاف فوری کارروائی کا حکم
- انتخابی فائدے کیلیے مودی مسلم دشمنی میں زہرآلود تقاریر کررہے ہیں، عالمی میڈیا
- سرحدی کشیدگی؛ ایران کا افغانستان کے ساتھ بارڈر سیل کرنے کا فیصلہ
- اے ڈی بی اور ملکی اداروں کا معاشی کارکردگی پراطمینان کا اظہار
- کراچی:غیرقانونی تعمیرات کرنیوالوں کیخلاف کارروائی کاحکم
ہاکی چیمپئنز ٹرافی، 18 رکنی قومی اسکواڈ منتخب، عمران کپتان برقرار
کراچی: 35 ویں چیمپئنز ٹرافی کیلیے18 رکنی قومی ہاکی اسکواڈ منتخب کرلیا گیا، جونیئرز اور سینئرز کے امتزاج سے مشکل مہم سر کرنے کی کوشش ہوگی۔
ایشین گیمز سلور میڈلسٹ ٹیم کے کپتان اولمپئن محمد عمران کو عہدے پر برقرار رکھا گیا ہے، اولمپئن شفقت رسول نائب ہونگے،قبل ازیں ٹرائلز کے ممکنہ 20کھلاڑیوں میں شامل اظفر یعقوب اور رضوان علی کو ڈراپ کرکے ہالینڈ میں لیگ کھیل کر واپس آنے والے راشد محمود اور رضوان سینئر کو ٹیم میں جگہ دیدی گئی۔ چیف سلیکٹر اصلاح الدین صدیقی کا کہنا ہے کہ میگا ایونٹ کیلیے دستیاب بہترین کھلاڑیوں کا انتخاب کیا گیا، ہر میچ کو فائنل سمجھ کر کھیلنا ہوگا۔ہیڈ کوچ و منیجر شہناز شیخ نے کہا کہ پنالٹی شوٹ پر مہارت حاصل کرلی،دفاع بھی مزید مضبوط ہوگیا ہے۔
تفصیلات کے مطابق بھارت کے شہر بھوبنیشور میں 6سے14دسمبر تک شیڈول چیمپئنز ٹرافی کیلیے18رکنی قومی ٹیم کا اعلان ہاکی کلب آف پاکستان اسٹیڈیم کراچی میں مختصر ٹرائلز کے بعد کیا گیا، چیف سلیکٹر اصلاح الدین نے ایک رکن ایازمحمود، منیجر و کیمپ کمانڈنٹ شہناز شیخ اور پی ایچ ایف سیکریٹری رانا مجاہد کے ہمراہ پلیئرزکی کارکردگی کا جائزہ لیا، سلیکشن کمیٹی کے دیگر ارکان خالد بشیر، مصدق حسین اور چوہدری محمد ارشد اس موقع پر موجود نہیں تھے۔
ایشین گیمز میں سلور میڈل حاصل کرنے والے ٹیم کے کپتان اولمپئن محمد عمران کو عہدے پر برقرار رکھا گیا ہے، اولمپئن شفقت رسول نائب ہونگے،قبل ازیں ٹرائلز کے دوران 20 ممکنہ کھلاڑیوں میں شامل اظفر یعقوب اور رضوان علی کو ڈراپ کرکے حال ہی میں ہالینڈ میں لیگ کھیل کر واپس آنے والے راشد محمود اور رضوان سینئر کو اسکواڈ میں جگہ دیدی گئی۔
اعلان کردہ کھلاڑیوں میں عمران بٹ، امجد علی(گول کیپرز) محمد عمران (کپتان) محمد عرفان، سید کاشف شاہ( فل بیکس) عماد شکیل بٹ، محمد توثیق، راشد محمود، رضوان جونیئر، زوہیب اشرف، تصور عباس( ہاف بیکس) شفقت رسول(نائب کپتان) وقاص شریف، عمربھٹہ، دلبراحمد، رضوان سینئر، علی شان اور ارسلان قادر شامل ہیں۔ قومی ٹیم 2 دسمبر کو واہگہ بارڈر کے راستے بھارت روانہ ہوگی، چیمپئنزٹرافی میں پاکستان اپنا پہلا میچ6 دسمبر کو بیلجیم سے کھیلے گا، گرین شرٹس اگلے روز انگلینڈ سے ٹکرانے کے بعد 9 دسمبر کو عالمی چیمپئن آسٹریلیا کیخلاف میدان میں اتریں گے۔
دریں اثناء میڈیا سے گفتگو کرتے ہوئے چیف سلیکٹر اصلاح الدین صدیقی نے کہا کہ قومی سکواڈ دستیاب بہترین کھلاڑیوں پر مشتمل ہے، ہر پوزیشن پر پلیئرز کا انتخاب اہلیت کی بنیاد پر کیا گیا، فٹنس لیول بھی بہتر ہے، میگا ایونٹ میں مضبوط ٹیموں کا سخت چیلنج درپیش ہوگا، ہر میچ کو فائنل سمجھ کر کھیلیں گے۔
انھوں نے کہا کہ مالی مشکلات کے باوجود عمدہ نتائج کیلیے کھلاڑیوں کی بھرپور حوصلہ افزائی کی، عمدہ کار کردگی کے ذریعے بہتر نتائج دینے کیلیے پُرعزم ہیں۔ ہیڈ کوچ و منیجر شہناز شیخ نے کہا کہ قومی ٹیم نے پنالٹی شوٹ پر مہارت حاصل کرلی،ایشین گیمز میں اس شعبے میں نوٹ کی جانے والی خامیوں پر قابو پانے کیلیے سخت محنت کی گئی ہے، اضافی کھلاڑی کی شمولیت سے دفاع بھی مزید مضبوط ہوگیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔