- دبئی لیکس میں بھارتی سب سے آگے؛ مودی کے دوستوں کی جائیدادیں بھی نکل آئیں
- ورلڈکپ اسکواڈ کا اعلان کیوں نہیں ہوا؟ رمیز راجا نے سلیکشن کمیٹی پر برہم
- وزیراعلی پنجاب نے لاہور میں 36 ارب کے ترقیاتی کام روک دیے
- گورنر خیبرپختونخوا کے اپنی رہائشگاہ ’’کے پی کے ہاؤس‘‘ آنے پر پابندی
- حکومت نے آئی ایم ایف کو بجلی مزید مہنگی کرنے کی یقین دہانی کرادی
- نقل مافیا اور آپریشن راہ راست
- یونیورسٹیاں پاکستان کا مستقبل ہیں، منظم طریقے سے تباہ کیا جارہا ہے، چیف جسٹس
- پی ایس ایل سے آئی پی ایل کا ٹکراؤ؛ فرنچائزز نے مخالفت کردی
- حماس سے جھڑپوں، حزب اللہ کے راکٹ حملے میں اسرائیلی فوجی سمیت 2 ہلاک، 5 زخمی
- پی ایس ایل کا مذاق؛ بھارتیوں کے پیروں تلے زمین نکلنے لگی
- فلسطین کے حامی مظاہرین کا برطانیہ میں اسرائیلی ڈرون ساز فیکٹری کے باہر احتجاج
- تحریک انصاف کا 9 مئی مقدمات میں دہشت گردی کی دفعہ چیلنج کرنے کا فیصلہ
- اسٹاک ایکسچینج میں ریکارڈ ساز تیزی، انڈیکس 75 ہزار کی سطح عبور کرگیا
- سیکورٹی خدشات؛ اڈیالہ جیل میں 190 ملین پاؤنڈ کیس کی سماعت ملتوی کرنے کی درخواست منظور
- بابراعظم نے کوہلی کے ریکارڈ پر بھی قبضہ جمالیا
- کراچی میں نوجوان نے ڈاکو کو ماردیا، فائرنگ کے تبادلے میں خود بھی جاں بحق
- ایک اوور میں 25 رنز؛ بابراعظم کا ایک اور ریکارڈ
- 9 مئی پر جوڈیشل کمیشن بنائیں یا ہمیں فوری سزائیں سنائیں، شیخ رشید
- وزن کم کرنے والے انجیکشن قلبی صحت کے لیے مفید، تحقیق
- ہوا سے کاربن ڈائی آکسائیڈ کشید کرنے والا پلانٹ
وفاق اورسندھ کاتنازع حل کرانے کے لیے سیاسی قوتوں کے رابطے
کراچی: وفاقی اورسندھ حکومتوں کے درمیان رینجرزکے اختیارات میں توسیع کے معاملے پرپیدا ہونے والے تنازع کوحل کرانے کے لیے پس پردہ اہم سیاسی قوتوں نے اپنے رابطے شروع کردیے ہیں اورتوقع کی جارہی ہے کہ اس معاملے کوڈائیلاگ سے حل کیاجاسکتا ہٍے۔
وفاقی حکومت کے اہم ذرائع کاکہنا ہے کہ اگرمعاملات حل نہ ہوئے تووفاق بتدریج اپنے آئینی اختیارات استعمال کرسکتا ہے لیکن سندھ میں گورنر راج لگانے کا فی الحال کوئی امکان نہیں ہے۔یہ آپشن آخری اورانتہائی صورت میں استعمال ہوسکتا ہے لیکن اس سے قبل وفاقی حکومت اس کے ہر پہلواورسیاسی حالات کومدنظر رکھے گی۔اہم ذرائع سے معلوم ہواہے وفاقی حکومت کے حلقوں نے سندھ میں کوئی غیرآئینی اقدام اختیارکرنے کے تاثر کی نفی کردی ہے ۔ان رابطوں کے توسط سے سندھ حکومت کے اہم حلقوںکا پیغام وفاقی حکومت تک پہنچا دیا گیا ہے۔
جس میں کہاگیاہے کہ وفاقی وزراکے بیانات سے صورتحال گھمبیرہوئی ہے اوران کی جانب سے سندھ میں مختلف آپشنز کے استعمال کاعندیہ دیناصوبائی خود مختاری میں مداخلت کے مترادف ہے۔اس رابطے میںکہاگیا ہے کہ سندھ حکومت سندھ اسمبلی میں قراردادکے توسط سے رینجرزکوخصوصی اختیارات تقویض کرنے کے لیے تیار ہے اور پیر کو سندھ اسمبلی میں قراردادپیش کردی جائے گی اوراس معاملے کوقانون کے مطابق حل کیاجائے گا۔
ذرائع کاکہناہے کہ سندھ حکومت نے وفاق سے اس بات کی یقین دہانی مانگی ہے کہ رینجرزیاکوئی بھی قومی ادارہ کسی سیاسی شخصیت یاادارے میں کوئی کارروائی یاگرفتاری کرنے سے قبل وزیراعلیٰ سندھ سے اجازت لے۔ذرائع کاکہنا ہے کہ وفاقی حلقوں نے یقین دہانی کرائی ہے کہ اس معاملے پر وزیراعظم کوآگاہ کیاجائے گا اوروفاق اس معاملے کومذاکرات سے حل کرنے کے لیے تیار ہے تاہم سندھ حکومت پہلے رینجززکے اختیارات میں توسیع کرے۔وفاق اداروں کی مداخلت کے امورکوقانونی طریقے سے طے کیا جائے گا۔اہم سیاسی قوتوں کے رابطوں کے بعد توقع کی جا رہی ہے کہ اس تنازع کوبتدریج حل کیا جاسکتا ہے۔
ذرائع کاکہنا ہے کہ وفاقی حکومت کراچی میں ہرصورت رینجرز کو تعینات رکھے گی اور وفاق اس بات پرغورکررہاہے کہ سندھ حکومت اگر رینجرزکواختیارات نہیں دیتی ہے توپھر اختیارات دینے کے حوالے سے خصوصی صدارتی آرڈننس جاری کرنے سمیت ایمرجنسی اختیارات دینے پر قانونی ٹیم کی رائے کی روشنی میں وزیراعظم کی منظوری سے فیصلہ کیا جائے گا اورکوئی بھی فیصلہ کرنے سے قبل سندھ اسمبلی کے پیر کو ہونے والے اجلاس کا جائزہ لیا جائے گا۔ذرائع کا کہنا ہے کہ وفاقی حکومت ڈاکٹرعاصم حسین کے معاملے پرکوئی تعاون نہیں کرے گی کیونکہ یہ معاملہ عدالت میں ہے اور سندھ حکومت باضابطہ طورپرقانون کے مطابق اگر ڈاکٹر عاصم سے کی گئی تفتیش کی رپورٹ مانگے گی تو وہ رپورٹ مہیا کی جائے گی۔
پیپلز پارٹی کو پس پردہ آگاہ کردیا گیا ہے کہ وہ اس معاملے پرعدالت سے رجوع کرے۔ ذرائع کا کہنا ہے کہ سندھ حکومت نے رینجرز کے اختیارات میں ممکنہ طور پرکمی کی توپھر قانونی آپشن کواستعمال کیا جائے گا۔وفاق کے ذرائع کا کہنا ہے کہ وفاقی حکومت توقع کرتی ہے کہ سندھ حکومت اس معاملے کو آئین کے مطابق حل کرے گی۔وفاقی حکومت کے حلقے گورنر سندھ سے بھی رابطے میں ہیں اورگورنرسندھ بھی اس معاملے کوحل کرانے کے لیے بھرپورکوشش کررہے ہیں ۔وفاق کے ذرائع کاکہنا ہے کہ پیپلزپارٹی کے تحفظات کودورکرنے کیلیے وفاقی حکومت کی جانب سے وفاقی وزرا اسحق ڈار،عبدالقادر بلوچ اور دیگر وزیراعظم کی منظوری سے اپوزیشن لیڈرخورشید شاہ کے توسط سے وزیراعلیٰ سندھ سے رابطہ کریں گے لیکن باضابطہ بات چیت رینجرزکے اختیارات میں توسیع کے بعد شروع کی جاسکتی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔