- دورہ آئرلینڈ و انگلینڈ؛ قومی اسکواڈ کا اعلان ہوگیا
- ملکی تاریخ میں منشیات کی سب سے بڑی کھیپ اسمگل کرنے کی کوشش ناکام
- اسلام آباد میں بچوں کی قابل اعتراض ویڈیوز شیئر کرنے میں ملوث ملزم گرفتار
- آئی ایم ایف کیساتھ 6 تا 8 ارب ڈالر کے نئے پروگرام پر مذاکرات رواں ماہ ہونگے
- بشریٰ بی بی کی اڈیالہ جیل منتقلی کی درخواست پر فیصلہ محفوظ
- ٹی20 ورلڈکپ؛ پاکستانی ٹیم کے اعلان میں تاخیر کیوں؟
- سفارتکاری کی آڑ میں عالمی سطح پر کام کرنیوالا بھارتی خفیہ ایجنسی کا نیٹ ورک بے نقاب
- موٹروے پولیس سے تلخ کلامی کا واقعہ، کارسوار خواتین کیخلاف مقدمہ درج
- معدہ کی صحت کو کیسے یقینی بنائیں؟
- ادویات کے مضر اثرات سے بچاؤ کی تدابیر
- ٹی20 ورلڈکپ؛ سابق کرکٹر نے حارث رؤف کو اپنے اسکواڈ سے باہر کردیا
- مسلسل ویپنگ کرنے والوں میں زہریلی دھاتوں کی موجودگی کا انکشاف
- یہ پھول آن لائن خریدنے سے ہوشیار رہیں!
- موسمیاتی تغیر کے خلاف پودوں کو بہتر بنانے کی کوششیں
- سنیما اور ہمارا لڑکپن
- لاہور: ٹکسالی گیٹ کے علاقے میں موٹرسائیکل سوار کی فائرنگ سے پولیس اہلکار شہید
- رواں مالی سال کے 9 ماہ میں مالیاتی خسارہ 4337 ارب سے تجاوز کرگیا
- ترکیے کا عالمی عدالت میں اسرائیل کے خلاف نسل کشی کیس میں فریق بننے کا اعلان
- سعودی عرب کے مختلف علاقوں میں موسلادھار بارش، اسکول بند
- قومی اسمبلی میں آزاد اراکین کی سنی اتحاد کونسل میں شمولیت تسلیم، فہرست جاری
بابر، کوہلی کا ہم پلہ قرار، شعیب اختر نے سوال اٹھا دیے
لاہور: بابر اعظم کو ویرات کوہلی کا ہم پلہ قرار دینے پر شعیب اختر نے سوال اٹھا دیے،سابق اسپیڈ اسٹار کا کہنا ہے کہ نوجوان بیٹسمین کی حوصلہ افزائی میں کوئی برائی نہیں لیکن توقعات کا بوجھ بڑھانا درست نہ ہوگا۔
تفصیلات کے مطابق قومی کرکٹ ٹیم کے ہیڈ کوچ مکی آرتھر کو بابر اعظم میں بھارتی سپر اسٹار ویرات کوہلی کی جھلک نظر آتی ہے،ایک انٹرویو میں انھوں نے کہا تھا کہ اس عمر میں نوجوان بیٹسمین بھارتی اسٹار کے ہم پلہ ہیں، یاد رہے کہ اس سے قبل انھوں نے اسد شفیق کوبھی تکنیکی طور پر سچن ٹنڈولکر جیسا بہتر بیٹسمین قرار دیا تھالیکن نیوزی لینڈ میں کارکردگی نے کمزوریاں آشکار کردیں۔
ہیملٹن ٹیسٹ میں وکٹوں کی جھڑی کے دوران بابر اعظم نے 90رنز کی اننگز کھیلی تو کوچ آسمان پر چڑھاتے نظر آئے، نوجوان بیٹسمین کے بارے میں ہیڈ کوچ کے حالیہ بیان پر اپنے ردعمل کا اظہار کرنے کیلیے شعیب اختر نے سماجی رابطے کی ویب سائٹ کا سہارا لیا، انھوں نے سوال اٹھایا کہ کیا بابر اعظم واقعی ویرات کوہلی کے پائے کے بیٹسمین ہیں۔
پرستاروں سے رائے طلب کرنے کے بعد سابق اسپیڈ اسٹار نے دوسرے پیغام میں کہا کہ نوجوان بیٹسمین کی حوصلہ افزائی میں کوئی برائی نہیں لیکن ابھی سے توقعات کے بوجھ بڑھانا درست نہ ہوگا، ان کو نشوونما پانے اور نکھرنے کا موقع دیا جائے،ہوسکتا ہے کہ بابر اعظم آنے والے وقت میں ویرات کوہلی سے بھی بہتر ثابت ہوں لیکن ابھی انٹرنیشنل کرکٹ میں نووارد اور قدم جمانے میں مصروف نوجوان لڑکے کا بڑے اسٹارز کے ساتھ موازنہ درست نہیں، ان کو اس منزل تک پہنچنے کیلیے کئی سنگ میل عبور کرنا ہیں۔ دریں اثنا شائقین نے بھی موازنے کو قبل از وقت قرار دیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔