- اٹھارہ ماہ سے بات چیت کیلیے تیار ہیں، تین سیاسی جماعتوں کے علاوہ سب سے بات ہوگی، عمران خان
- ویسٹ انڈیز کی ویمن ٹیم نے پاکستان کو آخری ٹی ٹوئنٹی میں بھی شکست دے دی
- نوشہرہ میں بدبخت بیٹے کی فائرنگ سے باپ اور بھائی جاں بحق
- میں نے فارم 47 کی بات کی تو ن لیگ منہ نہیں چھپا سکے گی، انوارالحق کاکڑ
- صدر مملکت نے ٹیکس قوانین ترمیمی بل کی منظوری دے دی
- جوڑیا بازار میں مسلح ڈاکو نوجوان سے 50 لاکھ روپے چھین کر فرار
- آزادی صحافت کا عالمی دن، کراچی کے صحافیوں کا فلسطینی صحافیوں کے ساتھ اظہار یکجہتی
- سائبر جرائم کی روک تھام کیلیے نئی ایجنسی قائم
- سیمابیہ طاہر نے پی ٹی آئی کی صدارت سے استعفیٰ دے دیا
- جعلی غیر ملکی پاسپورٹ پر بیرون ملک جانے کی کوشش میں دو مسافر اور ایجنٹ گرفتار
- کراچی میں گداگروں کے خلاف کریک ڈاؤن، متعدد گرفتار اور مقدمہ درج
- بھارت؛ ٹارچ کی روشنی میں آپریشن کے دوران حاملہ خاتون اور نومولود ہلاک
- انٹربینک اور اوپن مارکیٹ میں ڈالر کی قدر مزید کمزور
- وزیراعظم کا سیٹلائٹ کی لانچنگ پراظہارمسرت، روانگی کے مناظر براہ راست دیکھے
- پاکستان چاند کے مدار میں سیٹلائٹ بھیجنے والا دنیا کا چھٹا ملک بن گیا ہے
- غزہ کی تعمیرِ نو میں 80 سال اور 40 ارب ڈالر لگ سکتے ہیں؛ اقوام متحدہ
- کم وقت میں 73 بار جلتی ہوئی تلوار گھمانے کا عالمی ریکارڈ
- حکومت کا پنجاب، خیبرپختونخوا اور بلوچستان میں نئے گورنرز تعینات کرنے کا فیصلہ
- اسرائیلی بمباری میں 4 بچوں سمیت 26 افراد شہید اور51 زخمی
- چیف جسٹس قاضی فائز عیسیٰ پی ٹی آئی کے خلاف بی ٹیم بنے ہوئے ہیں، عمران خان
نواز شریف نے عوامی رابطہ مہم جاری رکھنے کا فیصلہ کیا ہے، سعد رفیق
لاہور: حکمراں جماعت پاکستان مسلم لیگ (ن) کے رہنما اور وفاقی وزیر ریلوے خواجہ سعد رفیق کا کہنا ہے کہ موجود آئین میں ترامیم ضروری ہوگئی ہیں جب کہ نواز شریف نے عوامی رابطہ مہم جاری رکھنے کا فیصلہ کیا ہے۔
لاہور میں میڈیا کے نمائندوں سے بات کرتے ہوئے خواجہ سعد رفیق نے چیئرمین پی ٹی آئی عمران خان کو مخاطب کرکے کہا کہ عمران خان سے تاریخی غلطی ہوگئی ہے جس کا احساس انہیں ہونا شروع ہوگیا ہے، وہ دن دور نہیں جب خان صاحب خود ہمارے پاس آکربات کریں گے جب کہ خان صاحب آج کل زیادہ پریشان ہیں۔ انہوں نے کہا کہ میدان اب بھی نواز شریف کے ہاتھ میں ہے اور جی ٹی روڈ کے چار روزہ سفر کےبعد چیزیں بدلی ہیں۔
خواجہ سعد رفیق کا کہنا تھا کہ نواز شریف نے عوامی رابطہ مہم جاری رکھنے کا فیصلہ کیا ہے اور اس سلسلے میں پروگرامز کے انعقاد کا فیصلہ چند دنوں میں ہوجائے گا اس حوالے سے مسلم لیگ (ن) کے رہنماوں میں مشاورتوں کا سلسلہ جاری ہے، اگر منتخب وزیراعظم پرنااہلی کی تلوار لٹکتی رہےگی تو حکومت کام نہیں کرسکتی۔ انہوں نے کہا کہ نواز شریف نے اپنی تقاریر میں کہا ہے کہ آئین میں اہم ترامیم کی ضرورت ہے اور موجودہ آئین میں ترامیم ضروری ہوگئی ہیں جب کہ ایسی ترامیم کی ضرورت ہے جس سےفوری اور سستا انصاف ملے۔
وزیرریلوے نے کہا کہ پاکستان مسلم لیگ (ن) کے اجلاس میں یہ فیصلہ کیا گیا کہ نوجوانوں کو پارٹی میں شامل کرنے کے لیے حکمت عمل بنائی جائے گی جب کہ انتخابی حکمت عملی کے ابتدائی خد و خال بھی آج طے کیے گئے ہیں۔ انہوں نے کہا کہ بیگم کلثوم نواز این اے 120 کی انتخابی امیدوار ہیں جہاں انتخابی مہم کا آغاز ہوچکاہے۔
سابق وزیرداخلہ چوہدری نثار علی خان کے حوالے سے گفتگو کرتے ہوئے سعد رفیق نے کہا کہ نواز شریف کی نااہلی کے فیصلے کے بعد چوہدری نثار وزیراعظم ہاؤس پہنچے والوں میں سب سے آگے تھے، وہ مسلم لیگ (ن) کے سینیئر لیڈر اور پارٹی کا اہم حصہ ہیں۔ جس پارٹی میں مسائل پر اختلاف نہیں ہوتا وہاں بادشاہت ہوتی ہے، چوہدری نثارنےخود کہا ہے اگر کوئی آزمائش کاوقت آیا تو وہ پارٹی کے ساتھ کھڑے ہوں گے، چوہدری نثار ان رہنماؤں میں شامل ہیں جو پارٹی کی گائیڈ لائن بناتے ہیں۔
سعد رفیق نے کہا کہ آصف زرداری سے لاکھ اختلاف سہی لیکن وہ آدمی سمجھ دار ہیں، ہمارے ساتھ جو ہونا تھا وہ ہوگیا ہمارے بعد آنے والوں کے ساتھ ایسا نہیں ہونا چاہیے۔ انہوں نے کہا کہ نواز شریف کی نااہلی کے فیصلے پر نظر ثانی کی درخواست پر لیگل ٹیم کام کررہی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔