سی این جی اسٹیشنز آج صبح 8 بجے سے 24 گھنٹے کے لیے بند ہونگے

کراچی: سندھ میں سی این جی اسٹیشنز کو چوبیس گھنٹے کے لیے گیس کی فراہمی آج(ہفتہ) صبح آٹھ بجے سے معطل کردی جائے گی۔

سوئی سدرن کمپنی کے مطابق لوڈ مینجمنٹ پلان کے تحت صوبے بھر کے سی این جی اسٹیشنز کو ہفتہ کی صبح آٹھ بجے سے اتوار کی صبح آٹھ بجے تک چوبیس گھنٹے کیلئے گیس فراہمی بند رہے گی، اس سے قبل بھٹ فیلڈ میں تکنیکی خرابی کے باعث صوبے بھر کے سی این جی اسٹیشنز کو منگل کی صبح آٹھ بجے سے جمعرات کی دوپہر دو بجے تک 54گھنٹوں کے لیے گیس فراہمی بند تھی جس سے عوام کو شدید مشکلات کا سامنا کرنا پڑا تھا۔