چکوال:پسندکی شادی کرنیوالاجوڑا قتل، لاشیں درخت سے لٹکادیں

چکوال / تلہ گنگ / ڈھڈیال: تھانہ ڈھڈیال کے علاقہ قصبہ ڈورے میںپسندکی شادی کرنے والے جوڑے کوقتل کرنے کے بعدلاشیںچوک کے قریب کھیتوں میںدرخت پرلٹکادی گئیں قاتل مقتولہ لڑکی کابھائی نکلا جسے پولیس نے گرفتارکر لیا،پولیس کے مطا بق چکوال کے نواحی علاقہ ڈورے مسوال کی رہائشی شمیم اختراورالماس خان نامی پٹھان نوجوان نے 3ماہ قبل پسندکی شادی کرلی تھی اور دونوں میاںبیوی مردان کے علاقے پبی میں رہائش پذیرہوگئے تھے جبکہ لڑکی کے والدنے الماس خان کے خلاف تھانہ ڈھڈیال میںاغوا کامقدمہ درج کرایاتھا۔

لیکن پولیس ملزم کوگرفتارکرنے میں ناکام رہی عیدسے ایک روز قبل شمیم اختر کے خاندان نے ان دونوںکوفون پرمعافی دے کرعیداپنے ساتھ منانے کی دعوت دی،جس پرعید سے ایک روزقبل دونوںمیاںبیوی گائوَں آگئے دوروزتک ان کی خوب خاطر مدارت ہوتی رہی بدھ کے روزصبح 8 بجے کے قریب لڑکی کے بھائی قدیر نے گھر کے عقب میں دونوں کوبلایا اورپہلے الماس خان کوتین گولیاں مار کر اسے ہلاک کردیا اوربعدمیںاپنی بہن شمیم اخترکودو گولیاں مارکر اس کا کام تمام کردیااوردونوںافرادکی لاشیںدرخت سے لٹکادیںاطلاع ملتے ہی پولیس موقع پر پہنچ گئی اورلاشوںکوقبضے میں لیکرڈسٹرکٹ ہیڈ کوارٹراسپتال پہنچادیاپولیس ذرائع نے بتایا کہ دہرے قتل کا مقدمہ درج کر ملزم قدیر کو گرفتار کرکے آلہ قتل بھی برآمد کر لیا گیا ہے۔