97 فضائی میزبانوں کی ترقی کے احکام روک دیے گئے

پی آئی اے نے ملازمین کو جاری ترقی کے آرڈرز 3 روز بعد ہی روکنے کا حکم دے دیا

Staff Reporter September 20, 2019

پروموشنز پر موصول شکایات کے تناظر میں ناموں کی تصدیقی کارروائی جاری ہے، ترجمان (فوٹو : فائل)

پی آئی اے انتظامیہ نے پے گروپ 6 اور7 کے لگ بھگ 97 فضائی میزبانوں کو جاری ترقی کے آرڈرز 3 روز بعد ہی روکنے کا حکم دے دیا۔

قومی ایئرلائن کے پے گروپ 6 اور 7 کے فضائی میزبانوں کی ترقی کے آرڈرز مختلف تواریخ میں گزشتہ 6 ہفتوں کے دوران جاری کیے گئے تاہم حیرت انگیز طور پر اس معاملے پر پی آئی اے انتظامیہ کی جانب سے یوٹرن لیا گیا، جس کے بعد97 ملازمین کی ترقی کے احکام کو روک دیا گیا۔

ذرائع کے مطابق اسٹیشن انچارجز کو آرڈرز تقسیم کیلیے ای میل ڈپٹی جی ایم ایچ آر نے جاری کی، متعلقہ اسٹیشنز انچارجز کو پروموشن لیٹرز روکنے پر مبنی ای میل 16 ستمبر کو ارسال کی گئی، ذرائع کے مطابق ملازمین کے پروموشن لیٹرز جاری کرنے والے ایچ آر منیجر فلائٹ سروسز نے ہی لیٹرز روکنے کے حوالے سے ای میل جاری کی گئی۔