وزیر اعظم سےمتعلق ٹوئٹ؛امریکی سفارتخانے کی معافی کافی نہیں، شیریں مزاری

 اسلام آباد: امریکی سفارتخانے نے مسلم لیگ ن کے رہنما احسن اقبال کا ٹویٹ شیئر کرنے پر معذرت کرلی جس میں بظاہر وزیراعظم عمران خان کے حوالے سے سیاسی تبصرہ کیا گیا تھا تاہم وفاقی وزیر شیریں مزاری نے اسے ناکافی قرار دیا ہے۔

امریکی سفارت خانے نے ڈونلڈ ٹرمپ کی شکست پر احسن اقبال کے ٹوئٹ کو ری ٹویٹ کر دیا تھا۔ سوشل میڈیا صارفین نے امریکی سفارت خانے سے معافی مانگنے کا مطالبہ کیا تھا جس کے بعد امریکی سفارت خانے نے احسن اقبال کا ری ٹوئٹ اپنے ٹویٹر ہینڈل سے ہٹا دیا۔

Dear Followers: The U.S. Embassy Islamabad Twitter account was accessed last night without authorization. The U.S. Embassy does not endorse the posting or retweeting of political messages. We apologize for any confusion that may have resulted from the unauthorized post.

— U.S. Embassy Islamabad (@usembislamabad) November 11, 2020

امریکی سفارتخانہ نے بیان میں کہا کہ یوایس امبیسی کے ٹوئٹر ہینڈل تک گزشتہ شب غیر متعلقہ افواد کی جانب سے رسائی کی گئی، سفارت خانہ سیاسی پیغامات کو پوسٹ یا ری ٹوئٹ نہیں کرتا۔

We have one in Pakistan too. He will be shown way out soon. Insha Allah! pic.twitter.com/i1qOil7jvf

— Ahsan Iqbal (@betterpakistan) November 10, 2020

امریکی سفارتخانہ نے وضاحتی ٹوئٹ میں کہا کہ اس غیر مجاز پوسٹ کے نتیجہ میں کسی قسم کی الجھن پیدا ہونے پر ہم معذرت خواہ ہیں۔

واضح رہے کہ احسن اقبال نے الیکشن میں ٹرمپ کی شکست پر امریکی اخبار واشنگٹن پوسٹ کا آرٹیکل بعنوان “ٹرمپ کی شکست دنیا کے آمروں کےلیے دھچکا” ٹوئٹ کراتے ہوئے وزیراعظم عمران خان کا نام لیے بغیر حوالہ دیا اور کہا تھا کہ ہمارے ہاں پاکستان میں بھی ایک شخص ہے، اور اسے بھی جلد باہر کا راستہ دکھایا جائے گا۔

معافی کافی نہیں، وفاقی وزیر

وفاقی وزیر انسانی حقوق شیریں مزاری نے اس معاملے پر امریکی سفارت خانے کی جانب سے معافی کو ناکافی قرار دیا ہے۔

This not good enough esp after great delay! Account was clearly not hacked so someone who had access to it used it "without authorisation". Unacceptable that someone working in US Embassy pushing a particular pol party's agenda – has serious consequences incl staff visas scrutiny https://t.co/IWqYtRjVna

— Shireen Mazari (@ShireenMazari1) November 11, 2020

اپنے ٹوئٹ میں انہوں نے کہا کہ خاص طور پر اتنی تاخیر سے یہ (معافی) کافی نہیں۔ یہ بات واضح ہے کہ (سفارت خانے کا) اکاؤنٹ ہیک نہیں ہوا تھا تو کسی ’’غیر مجاز‘‘ شخص کو اس تک رسائی دی گئی۔ یہ قابل قبول نہیں کہ کوئی امریکی سفارت خانے میں کام کرتے ہوئے کسی سیاسی جماعت کا ایجنڈا آگے بڑھائے۔ ویزوں کے لیے جانچ پڑتال کرنے والے عملے سمیت اس کے سنگین نتائج ہوسکتے ہیں۔