- ناسا نے مریخ کے لیے چار رضاکاروں کی تربیت کا اعلان کردیا
- ہنگامہ آرائی کے مقدمات؛ پی ٹی آئی رہنماؤں کو جے آئی ٹی نے طلب کرلیا
- زرمبادلہ کے ذخائر 35 کروڑ 40 لاکھ ڈالر کم ہوگئے
- ریاست اور ادارے دہشت گرد اور فتنے کے حکم پر نہیں چل سکتے، مریم نواز
- سرراہ نوجوان لڑکی کو ہراساں کرنے والا ملزم گرفتار
- جسٹس قاضی فائز عیسی کیخلاف ریفرنس واپس لینے کیلیے وزیراعظم نے صدر کو خط لکھ دیا
- آئی او ایس اپ ڈیٹ کے بعد آئی فون صارفین بیٹری مسائل کا شکار
- روس نے جاسوسی کے الزام میں امریکی صحافی کو گرفتار کرلیا
- کراچی کیلیے بجلی مہنگی اور پورے ملک کیلیے سستی کرنے کی منظوری
- زمان پارک میں عمران خان کی سیکورٹی کیلیے خیبرپختونخوا سے تازہ دم ورکرز طلب
- بھارت اپنی ٹیم پاکستان نہیں بھیج سکتا تو ہم کیسے بھیجیں؟ نجم سیٹھی
- مدافعتی نظام میں ایچ آئی وی کی خفیہ جائے پناہ کی موجودگی کا انکشاف
- سونے کی فی تولہ قیمت میں 100 روپے کا اضافہ
- روزہ افطار کرتے دکاندارلٹ گئے، واردات کی فوٹیج وائرل
- خیبر پختون خوا کے میدانی علاقوں میں تعلیمی اداروں کیلیے موسم بہار کی تعطیلات
- سپریم کورٹ کا پانچ رکنی بینچ بنے یا فل بینچ، ہمیں فرق نہیں پڑتا، عمران خان
- چیف جسٹس پشاورہائی کورٹ ریٹائرڈ، مسرت ہلالی صوبے کی پہلی خاتون قائم مقام چیف جسٹس بنیں گی
- حافظ قرآن کیس میں وہ باتیں زیربحث آئیں جو کیس کا حصہ ہی نہ تھیں، جسٹس شاہد
- عمران خان نے توشہ خانہ کیس میں نیب تحقیقات کے خلاف عدالت سے رجوع کرلیا
- ورلڈکپ؛ پاکستان اپنے میچز سری لنکا یا بنگلہ دیش میں کھیلنا چاہتا ہے، پی سی بی
فیس کیلیے ایڈمٹ کارڈز روکنے والے اسکولوں کے خلاف کارروائی کا فیصلہ

5 جولائی سے میٹرک کے امتحانات شروع ہورہے ہیں، اسکولز فوری ایڈمٹ کارڈز جاری کریں، ڈائریکٹر جنرل پرائیویٹ انسٹی ٹیوشن (فوٹو : فائل)
کراچی: ڈائریکٹر جنرل پرائیویٹ انسٹی ٹیوشن سندھ نے تمام نجی اسکولوں کو خبردار کرتے ہوئے کہا ہے کہ فیس وصولی کے لیے طلبہ کے ایڈمٹ کارڈز روکنے والے اسکولوں کے خلاف کارروائی ہوگی، پرائیویٹ اسکولز فوری طور پر طلبہ کو ایڈمٹ کارڈز جاری کریں۔
ڈائریکٹر جنرل پرائیویٹ انسٹی ٹیوشن سندھ ڈاکٹر منسوب حسین صدیقی کے مطابق ہمیں شکایات موصول ہوئی ہیں کہ کچھ نجی تعلیمی اداروں نے طلبہ و طالبات کے ایڈمٹ کارڈ بورڈ آف سیکنڈری ایجوکیشن سے موصول ہونے کے باوجود جاری نہیں کیے۔
انہوں نے کہا کہ سندھ کے تمام نجی تعلیمی اداروں کو ہدایت جاری کی ہے کہ 5 جولائی سے میٹرک کے امتحانات شروع ہورہے ہیں، اس لیے اسکول فوری طور پر طلبہ و طالبات کے ایڈمٹ کارڈ جاری کریں تاکہ طلبہ و طالبات پرسکون طور پر امتحانات کی تیاری کرسکیں اور ان کا قیمتی سال ضائع نہ ہو۔
ڈائریکٹر جنرل نے کہا کہ اگر کسی نجی اسکول نے کسی بات کو بھی وجہ بناکر ایڈمٹ کارڈ روکے تو اس اسکول کے خلاف سخت قانونی کارروائی عمل میں لائی جائے گی، ایڈمٹ کارڈ جاری نہ کیے جانے پر کسی بھی طالب علم کا سال ضائع ہوا تو اس کی تمام ذمہ داری اسکول انتظامیہ پر ہوگی۔
منسوب حسین صدیقی نے والدین سے گزارش کی کہ وہ اس سلسلے میں اپنی شکایات درج کروانے کے لیے ڈائریکٹوریٹ پرائیویٹ انسٹی ٹیوشن سندھ میں قائم شکایتی سیل سے رابطہ کریں تاکہ ان کی شکایات کا پوری طور پر ازالہ کیا جاسکے۔
انہوں نے مزید کہا کہ ریجنل ڈائریکٹر پرائیویٹ انسٹی ٹیوشن حیدرآباد، میرپور خاص، شہید بے نظیر آباد، سکھر اور لاڑکانہ کو بھی ہدایات جاری کی گئی ہیں کہ وہ بھی اپنے ریجن میں اس بات کو یقینی بنائیں کہ کسی بھی نجی اسکول کی جانب سے کسی بھی طالب علم کا ایڈمٹ کارڈ نہ روکا جائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔