حکومت کا چاول کو انڈسٹری کا درجہ دینے کا فیصلہ

حسیب حنیف  بدھ 29 دسمبر 2021
ایکسپورٹ اور پیداوار میں اضافہ متوقع ، سمری آئندہ ہفتے ای سی سی کو بھیجی جائے گی۔ فوٹو : فائل

ایکسپورٹ اور پیداوار میں اضافہ متوقع ، سمری آئندہ ہفتے ای سی سی کو بھیجی جائے گی۔ فوٹو : فائل

 اسلام آباد: وفاقی حکومت نے چاول کو انڈسٹری کا درجہ دینے کا فیصلہ کیا ہے جب کہ وزارت تجارت سمری ای سی سی کو بھیجے گی۔

ذرائع کے مطابق چاول کو انڈسٹری کا درجہ دینے سے چاول کی ایکسپورٹ میں اضافے کے ساتھ ساتھ اس کی پیداوار میں بھی اضافہ متوقع ہے۔

وزارت تجارت کے ذرائع نے ایکسپریس کو بتایا ہے کہ چاول کوانڈسٹری کا درجہ دینے سے بنکوں سے فنانسنگ سہولیات حاصل کرنے میں اس انڈسٹری کو کافی معاونت حاصل ہو گی، جبکہ اس سیکٹر کوانرجی سپلائی سمیت دیگر مسائل بھی حل ہوں گے۔

اس وقت 8.7 ملین ٹن  پاکستان میں چاول کی پیداوار ہے جس میں سے 3.5 ملین ٹن مقامی استعمال میں آتا ہے اگر اس فصل پر کام کیا جائے توچاول کی فصل ایکسپورٹ بڑھانے میں بھی معاون ثابت ہوگی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔