پی ٹی آئی نے کراچی میں جلسے کا اعلان کردیا

پاکستان تحریک انصاف (پی ٹی آئی) سندھ کے صدر علی زیدی نے اہم اعلان کردیا۔

ایکسپریس نیوز کے مطابق سماجی رابطے کی سائٹ ٹوئٹر پر سابق وزیر برائے بحری امور علی زیدی نے اعلان کیا ہے کہ سابق وزیراعظم عمران خان 17 اپریل کو کراچی کا دورہ کریں گے۔

پی ٹی آئی کے سینئیر رہنماء علی زیدی نے بتایا کہ چیئرمین تحریک انصاف 17 اپریل کو کراچی پہنچیں گے جبکہ اسی روز پی ٹی آئی کراچی میں مزار قائد سے متصل باغ جناح گراؤنڈ میں جسلہ کرے گی۔

علی زیدی کا کہنا تھا کہ عمران خان کراچی میں تاریخی جلسے سے خطاب کریں گے جبکہ اس موقع پر پی ٹی آئی کی دیگر قیادت بھی موجود گی۔

واضح رہے کہ سابق وزیراعظم عمران خان کی حکومت کے خاتمے کے بعد یہ پی ٹی آئی کا پہلا جلسہ ہوگا۔

کراچی!!

کپتان آرہا ہے!

جلسہ عام – مزار قائد

بروز اتوار، 17 اپریل 2022

بوقت رات 9 بجے#امپورٹڈ_حکومت_نامنظور#امپورٹڈ_گورمنٹ_نامنظور

— Ali Haider Zaidi (@AliHZaidiPTI) April 11, 2022

اس سے قبل گزشتہ روز پی ٹی آئی کے کارکنان نے کراچی سمیت ملک بھر میں عمران خان کے حق میں احتجاجی ریلیاں نکالی تھیں۔