- پختونخوا کابینہ؛ ایک ارب 15 کروڑ روپے کا عید پیکیج منظور
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- وزیر اعظم نے مشترکہ مفادات کونسل کی تشکیل نو کر دی
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
- چائلڈ میرج اور تعلیم کا حق
- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
سوئمنگ پول میں نہانے کے بعد سانس اکھڑنے سے نوجوان جاں بحق
کراچی: کراچی کے ایک سوئمنگ پول میں نہانے کے بعد سانس اکھڑنے سے 16 سالہ لڑکا جاں بحق ہوگیا۔
ایکسپریس نیوز کے مطابق یہ واقعہ گڈاپ میں واقع ایک نجی فارم ہاؤس میں پیش آیا جس میں نجی کال سینٹر کے ملازم لڑکے نہانے کے لے سوئمنگ پول پر آئے تھے کہ گلشن اقبال کا رہائشی 16 سالہ طلحہ حسین ولد زاہد حسین جاں بحق ہوگیا۔
اطلاعات کے مطابق طلحہ اتوار کو کال سینٹر میں کام کرنے والے اپنے ساتھیوں کے ہمراہ کوزی واٹر پارک کے قریب السراج فارم ہاؤس میں پکنک کے لیے آیا تھا کہ سوئمنگ پول میں نہانے کے بعد باہر نکلا اور بتایا کہ اس کی سانس رک رہی ہے جس پر اسے قریبی نجی اسپتال لے جایا گیا جہاں وہ دوران علاج جاں بحق ہوگیا۔
متوفی کی لاش پولیس کارروائی کے لیے نجی اسپتال سے عباسی شہید اسپتال منتقل کی گئی، پولیس کے مطابق واقعے کی تحقیقات جاری ہیں، لاش گھر پہنچنے پر کہرام مچ گیا اور طلحہ کی ہلاکت کی اطلاع علاقہ میں جنگل کی آگ کی طرح پھیل گئی۔
متوفی کے رشتے داروں، دوستوں اور علاقہ مکینوں کی بڑی تعداد طلحہ کے گھر پہنچ گئی، متوفی کی نماز جنازہ بعد نماز عصر منیلا سینٹر کی مسجد میں ادا کی گئی گھر سے جنازہ اٹھنے پر انتہائی رقت آمیز مناظر دیکھے گئے، طلحہ کو آہوں اور سسکیوں کے ساتھ مقامی قبرستان میں سپردخاک کر دیا گیا۔
متوفی گلشن اقبال بلاک 13 ڈی تھری منیلا سینٹر میں پانچویں فلور پر کارنر ہاؤس کا رہائشی تھا۔ طلحہ نے گلشن اقبال حسن ایکسٹینشن کے عقب میں واقعہ برائٹ فیوچر انگلش اسکول سے رواں سال دسویں جماعت کا کمپیوٹرسائنس سے امتحان پاس کیا تھا۔
طلحہ نے جوہر ڈگری کالج میں فرسٹ ائیر میں داخلہ لیا تھا، وہ تین بھائی اور ایک بہن میں سب سے بڑا تھا۔ طحہ کے والد نے دسویں جماعت کے امتحانات کے بعد اسے ایک کال سینٹر میں اس لیے کام پر لگا دیا تھا تاکہ وہ فالتو گھومنے پھرنے سے بچ سکے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔