علم ِفلکیات کی روشنی میں آپ کا یہ ہفتہ

 اتوار 25 ستمبر 2022
27جون تا 3 جولائی 2022

27جون تا 3 جولائی 2022

برج حمل

سیارہ مریخ ، 21 مارچ تا20اپریل

ابتدائی تین ایام میں چاند کم زور اور کسی حد تک منفی ہوگا۔ ایسے وقت میں لین دین اور سفر میں محتاط رہیں، بزنس ڈیل میں دھوکا دہی ہوسکتی ہے۔ اپنے امور کی ادائی کے وقت محتاط رہیں تو بہتر ہے۔ اس ہفتے نیا تعلق بن سکتا ہے یا بگڑے تعلق میں نئی گرم جوشی پیدا ہوسکتی ہے۔

برج ثور

سیارہ زہرہ ، 21اپریل تا 20 مئی

صحت، بزنس اور مارکیٹ سے متعلق امور اہم ہورہے ہیں۔ ابتدائی ایام میں آمدن میں اضافہ یا اضافہ لانے والی بزنس ڈیل ہوسکتی ہے۔ تندمزاجی سے گریز کریں۔ کوئی سرکاری جرمانہ یا نوٹس جاری ہوسکتا ہے۔ اپنے قانونی امور کو صاف رکھیں تاکہ کسی مشکل کا سامنا نہ ہو۔

برج جوزا

سیارہ عطارد ، 21مئی تا 21 جون

آپ کا سیارہ عطارد اگرچہ اپنے شرفی مقام پر ہے لیکن نیپچون سے عملی اور خیالی دنیا کے مابین ایک مقابلے کی سی کیفیت ہوسکتی ہے، اس کیفیت میں اضافہ 29 تاریخ کو ہوگا اور یہیں مریخ اس آگ پر تیل چھڑکنے کا کام کررہا ہے۔ یہ وقت کیریئر میں بڑے اتار چڑھاؤ کا ہوسکتا ہے۔

برج سرطان

سیارہ قمر ، 22جون تا 23 جولائی

ذہنی تذبذب اور الجھاؤ کی کیفیت برقرار رہ سکتی ہے، کیوںکہ عطارد آپ کی سوچوں کو متاثر کررہا ہے۔ اس میں 28,29 اور 30 ستمبر کے ایام میں شدت اور جذباتی ابال آسکتا ہے۔ بچوں اور محبوب سے متعلق چیزیں ممکن ہے آپ کی توقع پر پوری نہ اتریں، اس کے لیے خود کو تیار رکھیں۔

برج اسد

سیارہ شمس ، 24جولائی تا 23 اگست

آپ کا ستارہ شمس جو کہ تیسرے خانے میں ہبوطی حالت میں ہے اور زہرہ بھی اسی حال میں ہے قریبی لوگوں سے تعلق میں خرابی آسکتی ہے اور وہ خرابی مالی نقصان کی وجہ بن سکتی ہے۔ اپنے قریبی لوگوں سے نرمی کے ساتھ اپنے معاملات طے کریں، اور تلخ گوئی سے بھی گریز کریں، ہفتے کے آخر میں قمر جب عقرب میں ہو معدہ خراب ہوسکتا ہے۔

برج سنبلہ

سیارہ عطارد ، 24 اگست تا 23 ستمبر

یہ ہفتہ مالی حوالے سے ایک دباؤ لاسکتا ہے۔ مریخ عطارد و زہرہ کو ترچھی آنکھ سے دیکھ رہا ہے۔ بڑی مشکل سے قرض مل سکتا ہے لیکن قرض دار ذہنی اذیت کو بڑھاسکتے ہیں۔ امور کو سکون سے حل کرنے کی کوشش کریں، ریلیکس اور پرسکون رہنے کی کوشش کریں۔

برج میزان

سیارہ زہرہ ، 24 ستمبر تا 23اکتوبر

صحت کی خرابی اور جن الجھنوں نے آپ کو گذشتہ ایک ماہ سے الجھا رکھا تھا وہ اس ہفتے آہستہ آہستہ جان چھوڑدیں گی۔ اگرچہ نیند اور صحت مکمل طور پر ٹھیک ہوتی نظر نہیں آتیں، لیکن اس کے دباؤ سے آپ نکل آئیں گے۔ 28/29/ستمبر کو کوشش کریں کہ کچھ الٹا سیدھا نہ کھالیں۔ اگلا ہفتہ کافی بہتر ہوجائے گا۔

 برج عقرب

سیارہ پلوٹو ، 24 اکتوبر تا 22 نومبر

دوستوں کا منافقانہ چہرہ بے نقاب ہوسکتا ہے اور آپ کے حالات کی خرابی کی اصل وجہ سامنے آجائے گی۔ اتنا اعتماد نہ کریں کہ دوست کو دشمن بننے کا موقع مل جائے، لیکن دوست کو پورا موقع دیں کہ وہ دشمنی ترک کردے۔ صحت کی خرابی کا تعلق دماغ سے ہوسکتا ہے۔ نیند خوب پوری کریں اور مضرِصحت کچھ نہ سوچیں یعنی منفی سوچ سے گریز کریں۔

 برج قوس

سیارہ مشتری ، 23 نومبرتا 22 دسمبر

جس کو آپ تعلق کی بنیاد اور مضبوطی سمجھ رہے ہیں وہ ریت کی دیوار ثابت ہوسکتی ہے۔ قول وقرار جیسے ہوئے ہیں حقیقت اس کے الٹ بھی ہوسکتی ہے یا بالکل اس جیسی نہیں ہوگی، نہ آپ اس بارے میں اس قدر پرامید ہوں ورنہ پھر دل ٹوٹے گا اور بلڈ پریشر بلند ہوجائے گا۔

برج جدی

سیارہ زحل ، 23 دسمبر تا 20 جنوری

آپ کے اس ہفتے کے چارٹ میں اہم ترین مقامات پر سیارے الٹا چل رہے ہیں ، جب سیارہ الٹا سفر کرتا ہے تو ماضی کے فیصلوں یا اقدام پر نظرثانی یا غوروفکر کو پھر سے کرنے کا موقع دیتا ہے۔ گویا امورِزندگی کو پھر سے درست کرنے کا موقع ملتا ہے۔ کی گئی غلطیوں کی سزا بھی ملتی ہے۔ ایک احتساب کا وقت بھی ہوسکتا ہے۔

برج دلو

سیارہ یورنیس ، 21 جنوری تا 19 فروری

آپ کے طالع میں زحل الٹا چل رہا ہے اور سورج، و زہرہ سے نظر بنارہا ہے۔ یہ وقت بیرون ملک سے متعلق کوئی کام بناسکتا ہے۔ نیا تعلق بن سکتا ہے۔ بزنس یا جاب کے بارے میں کچھ فکرمندی ہوسکتی ہے۔ باس کا رویہ آپ کو جذباتی کرسکتا ہے اور آپ جاب کو چھوڑنے کا بھی ارادہ کرسکتے ہیں۔ آپ کی پراڈکٹس ممکن ہے مارکیٹ میں مطلوبہ مقام حاصل نہ کرسکیں۔

برج حوت

سیارہ نیپچون ، 20 فروری تا 20 مارچ

نیپچون اور عطارد باہم ناظر ہیں ازدواجی تعلق میں نیاپن آسکتا ہے۔ رشتہ طے ہوسکتا ہے۔ اگرچہ یہ وقت ایک الجھاؤ والی کیفیت اور حالات رکھتا ہے۔ تعلقات میں بگاڑ سے بچیں، جو کہ مختلف مزاجوں کی وجہ سے جنم لے سکتے ہیں۔ وراثتی فائدہ ہوسکتا ہے۔ اس میں کوئی سرکاری کارندہ خرابی لانے کی کوشش کرسکتا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔