- علی امین گنڈاپور نے لوڈشیڈنگ میں کمی کیلیے وفاق کو ڈیڈ لائن دے دی
- کراچی میں درجہ حرارت 39.9 ڈگری، دادو میں 48.5 ڈگری ریکارڈ
- پاکستان سینٹرل ایشین والی بال لیگ کے فائنل میں پہنچ گیا
- مسلح افراد نے پولیس وین پر حملہ کرکے ساتھی کو رہا کروالیا؛ 2 افسران ہلاک
- پاک فوج کے شہید میجر بابر نیازی میانوالی میں سپرد خاک
- اسرائیل کا لبنان میں کار پر ڈرون حملہ؛ حزب اللہ کے کمانڈرز شہید
- حکومت مستعفی ہو، فوج انتخابات سے دور رہے، مولانا فضل الرحمان
- اسرائیل رفح میں فوجی آپریشن فوری طور پر ختم کرے؛ یورپی یونین کا مطالبہ
- ملک میں کسانوں کیلئے بڑی خبر، یوریا کی قیمتوں میں کمی کا امکان
- پہلے پی آئی اے کی نجکاری ہوگی، ٹی وی پر براہ راست دکھائیں گے، وفاقی وزیرسرمایہ کاری
- الجزائر؛ 26 سال سے لاپتا شخص قریبی گلی سے مل گیا
- مسلم لیگ (ن) کی ایک اور سیٹ کم ہوگئی، رانا ارشد کی جیت کا نوٹیفکیشن کالعدم
- اسلام آباد ہائیکورٹ کا لاپتہ شاعراحمد فرہاد کو کل تک ہر صورت بازیاب کرانے کا حکم
- ڈالر کے انٹربینک ریٹ میں اضافہ، اوپن مارکیٹ میں روپیہ تگڑا
- اسٹریٹجک مذاکرات؛ چین کی پاکستان کو خود مختاری اور مسئلہ کشمیر پر حمایت کی یقین دہانی
- بانی پی ٹی آئی اور دوسری طرف سے ٹکراؤ ہوتا دیکھ رہا ہوں، منظوروسان
- لاہور: بیوٹی پارلر میں خواتین کی نیم برہنہ تصاویر بنانے پر مقدمہ درج
- سندھ میں رواں برس 5 ماہ میں بچوں سمیت 150 شہری اغوا
- جاپان میں چلتی ٹرین کے اندر سانپ نکل آیا
- آپریشن سے پیدا ہونے والے بچوں میں خسرہ کیخلاف قوتِ مدافعت کم ہوتی ہے
کرتارپور زیرولائن پرپُل کی تعمیرکا 90 فیصد سے زیادہ کام مکمل
لاہور: پاکستان اوربھارت کے مابین کرتارپور زیرولائن پر پاکستان کی طرف پُل کی تعمیر کا 90 فیصد سے زیادہ کام مکمل کرلیا گیا ہے، توقع ہے کہ آئندہ چند ہفتوں میں دونوں ہمسایہ ملکوں کے مابین پہلے پل کی تعمیر مکمل ہوجائے گی۔
گوردوارہ دربارصاحب کرتار پور میں مذہبی یاترا کے لیے آنے والے بھارتی یاتریوں کی سہولت کے لیے پاکستان اور بھارت نے کرتارپور زیرولائن پر پل کی تعمیر کا فیصلہ کیا تھا۔
زیرولائن کا علاقہ نشیبی ہونے کی وجہ سے سیلاب کے باعث یہاں پانی آنے کا خدشہ ہوتا ہے ۔ اس وقت بھارتی یاتری کرتارپور راہداری کے راستے گوردوارہ صاحب آتے جاتے ہیں۔ دونوں ملکوں نے زیرو لائن پر گیٹ لگا رکھے ہیں۔
پاکستان نے دسمبر 2021 میں پل کی تعمیر شروع کی تھی۔ 420 میٹر طویل پل کی تعمیر جون 2022 میں مکمل ہونا تھی تاہم فنڈز کی عدم فراہمی اور پاکستان میں سیاسی صورتحال کے باعث یہ تعمیر رک گئی تھی جسے دوبارہ شروع کیا گیا۔
پراجیکٹ مینجمنٹ یونٹ کرتار پور کے حکام کے مطابق پل کی تعمیر کا 90 فیصد سے زیادہ کام مکمل ہوگیا ہے۔ پل کی تعمیر پبلک ڈیولپمنٹ فنڈ کے تحت کی جارہی ہے جس پر 45 کروڑ 30 لاکھ روپے لاگت آئے گی۔ پل کی تعمیر کے منصوبے پر نیسپاک اور ایف ڈبلیو او کام کررہے ہیں۔
پاکستان اوربھارت کے مابین پہلے پل کی تعمیر سے بھارتی یاتریوں کی آمد ورفت میں آسانی پیدا ہوگی۔ گزشتہ دنوں سیلاب کی وجہ سے بھارت کی طرف سے یاتریوں کو گوردوارہ دربار صاحب کرتار پور آنے سے روک دیا تھا۔
علاوہ ازیں پی ایم یو کرتارپور حکام نے بتایا ہے کہ سکھ یاتریوں کی طرف سے پاسپورٹ کی پابندی اور 20 ڈالر فیس کو پاکستان اوربھارت کوئی بھی ملک اکیلے ختم نہیں کرسکتا۔
دونوں ملکوں نے اکتوبر 2019 میں کرتارپور راہداری معاہدہ کیا تھا جس میں بھارت کی طرف سے پاسپورٹ کی شرط رکھی گئی تھی جبکہ پاکستان نے 20 ڈالر انٹری فیس مقرر کی تھےجس پر دونوں ملکوں کے حکام کے دستخط ہیں۔
پاکستان اور بھارت پانچ سال تک معاہدے پر عمل درآمد کے پابند ہیں۔ آئندہ سال معاہدے پر دوبارہ نظر ثانی کی جائے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔