پاک بحریہ نے کشتی میں چھپائی گئی 782 کلومنشیات برآمد کرلی
ضبط شدہ منشیات مزید قانونی کارروائی کے لیے اینٹی نارکوٹکس فورس کے حوالے کردی گئی، ترجمان
پاک بحریہ اور اینٹی نارکوٹکس فورس نے سمندر میں مشترکہ آپریشن کرتے ہوئے کشتی سے 782 کلوگرام منشیات برآمد کرلی۔
ترجمان پاک بحریہ کے مطابق منشیات ماہی گیر کشتی کے مختلف حصوں میں چھپائی گئی تھی جسے پاک بحریہ کے جہاز نے برآمد کیا۔ برآمد شدہ منشیات کی مالیت تقریباً 235ملین امریکی ڈالرز ہے۔
ترجمان کے مطابق ضبط شدہ منشیات مزید قانونی کارروائی کے لیے اینٹی نارکوٹکس فورس کے حوالے کردی گئی ہے۔
پاک بحریہ اور اینٹی نارکوٹکس فورس کا کامیاب مشترکہ انسداد منشیات آپریشن ملکی سمندری سرحدوں میں غیر قانونی سرگرمیوں کی روک تھام کے لیے پاک بحریہ کے عزم کا مظہر ہے۔