- سیو غزہ کمپین کے رہنماء سابق سینیٹر مشتاق احمد اہلیہ سمیت رہا
- دوسرا ٹیسٹ؛ پاکستان بالرز نے بنگلادیشی ٹاپ آرڈر بکھیر کر رکھ دیا
- سید علی گیلانی کی تیسری برسی پر صدر مملکت، وزیر اعظم کا پیغام
- آغا سلمان بابراعظم کی حمایت میں سامنے آگئے
- امریکا میں شدید گرمی سے ہونے والی اموات میں اضافہ
- دنیا کی پرانی ترین کوگناک کی بوتل
- سپر مارکیٹ میں ملنے والی اکثر بیبی مصنوعات غیر صحت بخش ہوتی ہیں
- ڈپریشن الزائمر کی ابتدائی علامت ہوسکتا ہے، ماہرین
- شیزوفرینیا؛ مریضوں کیلئے سوشل میڈیا پر ایک بدنما داغ
- بچے نے میوزیم میں قبل مسیح سے تعلق رکھنے والا برتن توڑ دیا
- سید علی شاہ گیلانی کی تیسری برسی، مقبوضہ کشمیر میں شٹر ڈاؤن ہڑتال
- لاہور، رات گئے خوفناک ٹریفک حادثہ
- سیکیورٹی کی یقین دہانی پر ہی بھارتی ٹیم کو پاکستان جانا چاہیے، ہربھجن
- سی پیک کے گیارہ منصوبے ،2 کھرب سے زائد کی لاگت آئیگی
- ایکسپورٹ بیسڈ امپورٹس کے ٹیرف میں کمی کا فیصلہ
- مسیسیپی میں مسافر بس حادثے میں 6 سالہ بچے سمیت 7 افراد ہلاک
- کراچی: ڈاکوؤں نے شہری کو چند سیکنڈ میں قیمتی سامان سے محروم کردیا
- کراچی: سچل کے علاقے میں ڈاکوؤں کی فائرنگ سے 2 افراد زخمی
- کراچی: سپر ہائی وے پر نامعلوم گاڑی کی ٹکر سے راہگیر جاں بحق
- کراچی یونیورسٹی کے ڈاکٹر ریاض کو احتجاج کے بعد رہا کردیا گیا
پی ٹی آئی امیدوار ناصر راجہ آدھے گھنٹے کی مہلت پر بازیاب، عدالت میں پیش کردیا گیا
![فائل فوٹو](https://c.express.pk/2024/02/2601697-islamabd-1707309453-673-640x480.jpg)
فائل فوٹو
اسلام آباد: اسلام آباد ہائیکورٹ کے سخت احکامات اور عدم بازیابی پر انتخابات ملتوی کرنے کے عندیے پر پولیس نے راجہ بشارت کے بھائی راجہ ناصر کی گرفتاری ظاہر کردی۔
پی ٹی آئی امیدوار ناصر راجہ عدالت میں پیش ہوگئے جس پر انکے وکیل کی جانب سے درخواست واپس لینے پر کیس خارج کردیا گیا۔
قبل ازیں عدالت نے پی پی 11 کے امیدوار کو ساڑھے 8 بجے تک عدالت میں پیش کرنے کا حکم دیتے ہوئے سی سی پی اور روالپنڈی اور ایس ایچ او کو طلب کیا تھا۔
سابق صوبائی وزیر راجہ بشارت کے بھائی راجہ ناصر کی بازیابی کی درخواست پر سماعت ہوئی، جہاں ایس ایس پی آپریشنز پیش ہوئے اور انہوں نے راجہ ناصر کی گرفتاری سے متعلق لاعلمی کا اظہار کیا تھا۔
انہوں نے عدالت کو بتایا کہ پی پی 11 کے امیدوار ہمارے پاس نہیں البتہ ہمیں اُن کی گمشدگی کی اطلاع ون فائیو کے ذریعے ملی۔ عدالت نے پہلے آدھے گھنٹے کا الٹی میٹم دیتے ہوئے عدم بازیابی کی صورت میں حلقے کے انتخابات ملتوی کرنے کا عندیہ دیا تھا۔
بعد ازاں جج نے سماعت شام ساڑھے سات بجے تک ملتوی کی، جس کے بعد دوبارہ سماعت شروع ہوئی تو اسٹیٹ کونسل نے بتایا کہ راجہ ناصر کو روالپنڈی کے تھانہ مورگاہ کی پولیس نے 10 مئی کے مقدمات میں گرفتار کیا ہے۔
عدالت نے پولیس حکام سے استفسار کیا کہ ’آپ کے دائرہ اختیار میں یہ کاروائی کیوں ہوئی؟ اسلام آباد کے دائرہ اختیار میں ایسے واقعات کیوں ہوتے ہیں، آپ نے تو اس حلقے کے الیکشن ہونے سے پہلے متنازع کر دیے‘۔
جسٹس ارباب محمد طاہر نے کہا کہ الیکشن ہونے جارہے ہیں اسلام آباد میں ایسے واقعات نہیں ہونے چاہیئیں۔ اگر یہ امیدوار الیکشن میں نا ہو انتخابات ہو جائیں تو آپ کہہ سکتے ہیں صاف شفاف الیکشن ہو گئے ؟
اس پر الیکشن کمیشن کے وکیل نے بتایا کہ قانون کے مطابق 24 گھنٹے پہلے مہم کا وقت ختم ہو چکا ہے، اگر ایک امیدوار نہیں ہے تو اس کا الیکشن پر کوئی فرق نہیں پڑے گا۔
اسٹیٹ کونسل نے استدعا کی کہ عدالت ان راجہ ناصر کو متعلقہ عدالت سے رجوع کرنے کی ہدایت کرے۔ جس پر 9 ماہ پہلے کا مقدمہ ہے اب الیکشن سے دو روز پہلے گرفتاری کردی۔
جسٹس ارباب محمد نے سی پی او راولپنڈی کو رات ساڑھے آٹھ بجے تک راجہ ناصر کو پیش کرنے کا حکم دیتے ہوئے سی پی او راولپنڈی اور ایس ایچ او مورگاہ کو ذاتی حیثیت میں عدالت میں پیش ہونے کا حکم بھی دے دیا۔
واضح رہے کہ لاپتہ ہونے والے ناصر راجہ پی پی 11 سے الیکشن میں حصہ لے رہے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔