- نور ولی محسود اور احمد حسین عرف غٹ حاجی کے گِرد قانونی گھیرا تنگ
- زمبابوین وکٹ کیپر نے ٹیسٹ کرکٹ کی 147 سالہ تاریخ کا ناپسندیدہ ریکارڈ بنالیا
- مقبوضہ کشمیر میں بھارتی فوج پرحملہ، ایک اہلکار ہلاک ،میجر سمیت 4 زخمی
- گلوبل ٹی20؛ بابر، رضوان، شاہین لیگ کیلئے دستیاب نہیں
- اسلام آباد ہائی کورٹ کا آئندہ ہفتے کا ججز ڈیوٹی روسٹر جاری
- مہنگائی، بجلی کے بلوں میں اضافے کے خلاف جماعت اسلامی کا لیاقت باغ میں دھرنا جاری
- کراٹے ماسٹر کولیگ کا ساتھی ملازم کو جگانا مہنگا پڑگیا
- امریکا؛ 134 سالہ پرانی فرنیچر کمپنی کا تمام اسٹورز بند کرنے کا فیصلہ
- کچرے میں پھینک دیا گیا لاٹری ٹکٹ 2 لاکھ ڈالرز کا نکلا
- دالیں اور پھلیاں بچوں کی بہتر صحت کی ضامن
- پیٹ اور بازوؤں کی اضافی چربی ذہنی عوارض کا خطرہ بڑھاسکتی ہے، تحقیق
- آن لائن فوڈ ڈیلیوری غیر صحت بخش کھانوں کو فروغ دے رہی ہے، تحقیق
- انگلینڈ؛ سمندر میں وہیل مچھلی نے ماہی گیروں کی کشتی کو اُلٹا دیا
- بائی پولر ڈس آرڈر، ایک جینیاتی عارضہ اور بچوں پر اسکے اثرات
- پیرس اولمپکس: افتتاحی تقریب میں الٹا جھنڈا لہرا دیا گیا
- امریکی نائب صدر کمیلا ہیرس کا اسرائیل سے متعلق بیان توہین آمیز قرار
- دشمن ذہن سازی کر کے عوام اور افواج کے درمیان نفرتیں پھیلا رہے ہیں، عشرت العباد
- پیرس اولمپکس کا رنگا رنگ افتتاحی تقریب سے باقاعدہ آغاز
- کیپٹن راجا محمد سرور شہید کا 74 واں یوم شہادت آج منایا جائیگا
- صدر آصف زرداری سے بوہری برادری کے سربراہ کی ملاقات
وزیراعلیٰ خیبرپختونخوا مستحقین میں امداد کی تقسیم کی تصاویر شائع ہونے پر شدید برہم
![فوٹو: فائل](https://c.express.pk/2024/04/2628687-gandapur-1712932926-413-640x480.jpg)
فوٹو: فائل
پشاور: وزیراعلیٰ خیبرپختونخوا علی امین گنڈاپور نے مستحقین میں عید پیکیج تقسیم کرنے کی تصاویر شائع کرنے پر شدید برہمی کا اظہار کیا ہے اور متعلقہ حکام اور عوامی نمائندوں سے وضاحت طلب کرلی ہے۔
ترجمان وزیراعلیٰ خیبرپختونخوا کے مطابق وزیراعلیٰ علی امین گنڈاپور نے مستحق خاندانوں میں صوبائی حکومت کے عید پیکیج تقسیم کرنے کی تصاویر شائع ہونے کے معاملہ نوٹس لیتے ہوئے اس عمل پر شدید برہمی کا اظہار کیا ہے اور متعلقہ سرکاری حکام اور عوامی نمائندوں سے وضاحت طلب کرلی ہے۔
وزیراعلیٰ خیبرپختونخوا نے کہا ہے کہ بعض سرکاری حکام اور منتخب عوامی نمائندوں کی طرف سے یہ عمل حکومتی اور پارٹی پالیسی کی خلاف ورزی ہے، ایسا کرنے سے پیکیج حاصل کرنے والے مستحقین کی عزت نفس مجروح ہوئی ہے۔
علی امین گنڈاپور کا کہنا تھا کہ صوبائی حکومت نے ایک شفاف طریقے سے ساڑھے آٹھ لاکھ مستحق خاندانوں کو رمضان پیکیج دیا،مستحق خاندانوں کی عزت نفس کے پیش نظر رمضان پیکیج بینک اکاؤنٹس کے ذریعے تقسیم کیا گیا۔
انہوں نے کہا کہ پولیس شہدا سمیت ایک لاکھ سترہ ہزار سے زائد خاندانوں کو عید پیکیج بھی دیا گیا۔
وزیراعلیٰ نے کہا کہ پارٹی اور حکومتی پالیسی تھی کہ عید پیکیج تقسیم کرنے کی تصاویر اور ویڈیوز شائع کرنے سے اجتناب کیا جائے اور اسی وجہ سےمیں نے بحثیت وزیر اعلیٰ پیکیج تقسیم کرنے کی کسی تقریب میں شرکت کی اور نہ ہی پیکیج تقسیم کیا۔
انہوں نے کہا کہ صوبائی حکومت اور پارٹی کی واضح پالیسی کے باوجود چند حکومتی عہدیداروں اور عوامی نمائندوں کی مستحقین میں عید پیکیج تقسیم کرنے کی تصاویر اور ویڈیوز شائع ہوئیں، جس پر متعلقہ افراد سے وضاحت طلب کر لی گئی ہے۔
علی امین گنڈاپور نے کہا کہ موجودہ صوبائی حکومت اور پاکستان تحریک انصاف تشہیر کی بجائے عوام کی عملی خدمت پر یقین رکھتی ہے۔
وزیراعلیٰ خیبرپختونخوا کا کہنا تھا کہ آئندہ اس بات کو یقینی بنایا جائے گا کہ امداد یا پیکیج کے نام پر کسی کی بھی عزت نفس کو مجروح نہ ہونے دیا جائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔