- بغاوت چھوڑیں اور ٹویٹ ڈیلیٹ کر کے مذاکرات کریں، وفاقی وزیر کی پی ٹی آئی کو پیشکش
- حمود الرحمٰن کمیشن رپورٹ پڑھنے میں غداری کیا ہے؟ عارف علوی
- بانی پی ٹی آئی کے اکاؤنٹ سے ویڈیو اپلوڈنگ پرعمران خان سمیت 4 رہنماؤں کو ایف آئی اے کا نوٹس
- کم وقت میں ناک سے انگریزی حروف ٹائپ کرنے کا نیا ریکارڈ قائم
- اب تک کی سب سے قدیم کہکشاں دریافت
- ہیٹ اسٹروک ہوجانے کی صورت میں کیا ہنگامی اقدامات اپنائیں؟
- کراچی میں چار روز سے جاری ہیٹ ویو ختم
- آئی ایم ایف کا ایک بار پھر ارکان پارلیمنٹ اور سرکاری افسران کے اثاثے پبلک کرنے کا مطالبہ
- اسلام آباد پولیس نے ویتنام کے سفیر کی ناراض اہلیہ کو چند گھنٹے میں ڈھونڈ نکالا
- لاہور؛ عازمِ حج کو قتل کرنے والے 2 ڈاکو پولیس مقابلے میں ہلاک
- سپریم کورٹ نے انسداد اسمگلنگ ایکٹ 1977ء میں ترمیم کی سفارش کردی
- حکومت اسلام آباد میں بلدیاتی انتخابات میں تاخیر کیلئے چھپن چھپائی کھیل رہی ہے، ہائیکورٹ
- وندر پر کارروائی، ہزاروں کلو چھالیہ اور گٹکا، سگریٹ برآمد، 12 غیرقانونی تارکین وطن گرفتار
- ٹی20 ورلڈکپ؛ پی سی بی نے پاکستانی ٹیم کیلئے ترانہ جاری کردیا
- افغانستان میں کشتی ڈوبنے سے بچوں سمیت 20 افراد جاں بحق
- بجلی کی قیمت میں 3 روپے 25 پیسے فی یونٹ اضافے کی منظوری
- عدالت میں بدتمیزی پر وفاقی سیکریٹری گرفتار، قید کا حکم، معافی پر ضمانت
- سونے کی قیمت میں 1400 روپے فی تولہ کمی
- ٹی20 ورلڈکپ سے قبل بابر کی ڈی ویلیئرز سے گفتگو کی ویڈیو وائرل
- پولیس قربانی دے رہی ہے مگر کالی بھیڑیں بھی موجود ہیں، وزیراعلیٰ پنجاب
سانحہ نو مئی کے خلاف پنجاب اور سندھ اسمبلی میں قرارداد کثرت رائے سے منظور
پنجاب اور سندھ اسمبلی میں سانحہ نو مئی کے خلاف مذمتی قرارداد کثرت رائے سے منظور کرلی گئی جس میں ملوث افراد کو کڑی سزا دینے کا مطالبہ کیا گیا ہے۔
تفصیلات کے مطابق پنجاب اسمبلی کے اجلاس میں وزیر پارلیمانی امور مجتبیٰ شجاع الرحمان نے سانحہ نو مئی کے حوالے سے قرارداد پیش کی۔ ایوان میں قرارداد پیش ہوتے ہی اپوزیشن اراکین نے اپنی نشستوں سے کھڑے ہوکر احتجاج کیا اور اسپیکر کی ڈائس کا گھیراؤ بھی کیا۔
اس دوران اپوزیشن اراکین نے قرارداد کی کاپیاں پھاڑ کر ایوان میں لہرائیں جبکہ حکومت اور اپوزیشن اراکین میں دھکم پیل بھی ہوئی، اسی شور شرابے کے دوران قرارداد کو منظور کرلیا گیا۔
قرارداد کے متن میں کہا گیا ہے کہ نومئی کے دلخراش دن شرپسند عناصر کی جماعت نے وطن عزیز کے اداروں کے خلاف سیاسی لبادہ اڑھ کر حملہ کیا اور بانی پاکستان قائد اعظم کی رہائش گاہ کو نذر آتش کیا۔
مزید پڑھیں: 9 مئی کے ورغلائے لوگوں کو پہلے ہی شک کا فائدہ دے دیا، اصل مجرم کو حساب دینا ہوگا، آرمی چیف
قرارداد میں کہا گیا ہے کہ نو مئی کو بین الاقوامی سطح پر وطن عزیز کی ساکھ کو نقصان پہنچانے کی کوشش کی گئی تاہم قومی اداروں نے سازش کو ناکام بناکر ملک کو بڑی تباہی سے بچا لیا۔
قراردار میں لکھا گیا ہے کہ ایوان مطالبہ کرتا ہے کہ سانحہ نو مئی کے ذمہ داران و منصوبہ سازوں کو کیفر کردار تک پہنچایا جائے۔ پنجاب اسمبلی کے اجلاس کا ایجنڈا مکمل ہونے پر سپیکر پنجاب اسمبلی ملک محمد احمد خان نے اجلاس کل دوپہر دو بجے تک ملتوی کر دیا۔
دوسری جانب سندھ اسمبلی کے اجلاس میں رکن اسمبلی سعدیہ جاوید نے نو مئی سانحہ کے خلاف مزمتی قرارداد پیش کی جسے ایوان نے کثرت رائے سے منظور کرلیا۔ جس کے بعد اسپیکر نے سندھ اسمبلی کا اجلاس غیر معینہ مدت تک کے لیے ملتوی کردیا۔
علاوہ ازیں بلوچستان اسمبلی میں سانحہ نو مئی کے حوالے سے قرار داد پیش کی گئی جس میں کہا گیا ہے کہ نو مئی 2023 کو ایک سیاسی جماعت کے سربراہ کی گرفتاری کے بعد پُرتشدد مظاہرے کیے گئے جس میں عسکری تنصیبات کو نشانہ بنایا گیا۔
قرارداد میں لکھا گیا ہے کہ قانون نافذ کرنے والے اداروں کے افسران اور اہلکاروں کو نشانہ بنایا گیا، یہ ایوان نو مئی کے واقعات کی مذمت کرتا ہے، منظم سازش کے تحت افواج پاکستان کے خلاف مسلح جتھوں کو اکسایا گیا، یہ دن تا قیامت یوم سیاہ کے طور پر شمار کیاجائے گا۔
قرارداد میں ایوان نے افواج پاکستان پر مکمل اعتماد اور بھرپور حمایت کا اعادہ کیا اور وفاقی حکومت سے مطالبہ کیا کہ وہ نو مئی کے منصوبہ سازوں، سہولت کاروں کے خلاف فوری کارروائی عمل میں لائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔