- ٹی20 ورلڈکپ؛ عمان کا نمیبیا کو جیت کیلیے 110 رنز کا ہدف
- محمود احمدی نژاد ایک مرتبہ پھر ایران کی صدارتی دوڑ میں شامل
- سندھ کے 19 اضلاع میں انسداد پولیومہم کا آغاز
- ٹی ٹوئنٹی ورلڈ کپ؛ ویسٹ انڈیز نے پاپوانیوگنی کو 5 وکٹوں سے ہرادیا
- سندھ میں ڈینگی سے پہلی موت کی تصدیق،11 سالہ بچہ زندگی کی بازی ہار گیا
- بھارت میں ہیٹ ویو کے باعث انتخابات کے آخری روز 33 افراد ہلاک
- حیدرآباد سلنڈر دھماکے میں جاں بحق افراد کی تعداد 10 ہوگئی
- پاکستان کی ماہ نور علی نے سنگاپور میں انڈر 13 اسکواش چیمپئن شپ جیت لی
- سرجری سے پہلے اور بعد کی تصویر نے انٹرنیٹ صارفین کو حیران کردیا
- ایکس پر ادویات کی تشہیر کرنے والے اکثر ڈاکٹرز معاوضہ لیتے ہیں، رپورٹ
- گوگل میسجز ایپ کے لیےنیا فیچر جلد متعارف کرایا جائے گا
- سی اے اے کے ناقص اقدامات، یورپی کمیشن کی پی آئی اے پرعائد پابندی ہٹانے کا معاملہ مزید تاخیر کا شکار
- رہنما پی ٹی آئی محمود الرشید کی جیل میں طبیعت ناساز
- کراچی میں اگلے 3 روز موسم گرم و مرطوب رہنے کا امکان ہے، محکمہ موسمیات
- ٹی ٹوئنٹی ورلڈ کپ جیتنے پر سعودی عرب کا پاکستان کرکٹ ٹیم کیلئے بڑا اعلان
- جنوبی افریقا الیکشن؛ پہلی بار نیلسن منڈیلا کی جماعت اکثریت حاصل نہ کرسکی
- کویت کے نئے ولی عہد کے نام کا اعلان کردیا گیا
- حکمران اور افواجِ پاکستان کشمیر و فلسطین کیلئے اپنا کردار ادا کریں، حافظ نعیم
- راولپنڈی؛ کرائے کا گھر دیکھنے آئی خاتون سے مالک مکان کی زیادتی
- ایف آئی اے ہیڈ کوارٹرز اسلام آباد سے کروڑوں کا سامان چوری، 2 ملزمان گرفتار
موبائل آپریٹز نان فائلرز کی سمز بلاک کرنے اور پیغامات بھیجنے پر رضامند
اسلام آباد: ٹیلی کام آپریٹرز نے نان فائلرز کو سمز بلاک کرنے سے خبردار کرنے کے لئے پیغامات بھیجنے کا سلسلہ شروع کردیا ہے جبکہ سمز بلاک کرنے کا آٹومیٹڈ نظام وضع کرنے تک ٹیلی کام آپریٹرز نے مینئول طریقے سے چھوٹے بییچز میں نان فائلرز کی سمز بلاک کرنے کا عمل شروع کرنے ہر اتفاق کیا ہے۔
تفصیلات کے مطابق فیڈرل بورڈ آف ریونیو (ایف بی آر) نے جمعے کو ٹیلی کام کمپنیوں کو بھجوائے جانے والے پانچ ہزارنان فائلر کے پہلے بیچ کی سمز بلاک کرنے اور خبردار کرنے کے میسجز بھجوانے بارے کمپلائنس رپورٹ کیلئے ہفتے کو گیارہ بجے طلب کرلیا ہے۔
ایف بی آر ہیڈ کوارٹر کے کمیٹی روم میں ممبر ان لینڈ ریونیو آپریشنز میر بادشاہ خان وزیر کی زیر صدارت ہونیوالے اجلاس میں ٹیلی کام کمپنیوں کے نمائندے بھی شریک ہوں گے۔
ایف بی آر کی جانب سے ٹیلی کام کمپنیوں کے نمائندوں سے کہا گیا ہے کہ جمعے کو بھجوائے گئے پہلے بیچ میں پانچ ہزار نان فائلرز کی بلاک کی جانیوالی سموں بارے کمپلائنس رپورٹ بھی تیار کرکے لائیں۔
ایف بی آر کی طرف اگلا بیچ ہفتے اور تیسرا بیچ اتوار کو بھجوایا جائے گا جبکہ ٹیلی کام کمپنیاں ان بیچز میں شامل نان فائلر کی سمیں بلاک کرکے روانہ کی بنیاد پر ایف بی آر کو رپورٹ پیش کیا کریں گی۔
دوسری جانب ایف بی آر حکام کا کہنا ہے کہ فیڈرل بورڈ آ ف ریونیو نے انکم ٹیکس جنرل آرڈر نمبر ایک کے نفاذ کو یقینی بنانے کے لئے پاکستان ٹیلی کمیونیکیشن اتھارٹی اور ٹیلی کام آپریٹرز کے ساتھ اہم ملاقاتوں کا سلسلہ شروع کر دیا ہے۔
ان ملاقاتوں کا مقصد ٹیکس سال2023 کے نان فائلرز کی موبائل فون سمز بلاک کرنے کے اقدامات کو یقینی بنانا ہے اور اس عمل کو سدھارنے کے لیے اور ٹیکس کے قوانین کی پاسداری کے لئے دونوں طرف سے حکام نے کئی ملاقاتیں بھی کیں جس میں ٹیلی کام آپریٹرز نے مینئول طریقے سے چھوٹے بییچز میں سم بلاک کرنے کا عمل شروع کرنے ہر اتفاق کیا ہے۔
اس کے ساتھ ہی ٹیلی کام کمپنیز نے کہا ہے کہ وہ اس کے لیے اپنے سسٹمز کو خودکار طریقے پر لے جانے کے لیے کام کررہی ہیں۔
اس سلسلے میں جمعہ کے روز پانچ ہزار نان فائلرز پر مشتمل پہلے بیچ کی تفصیلات ٹیلی کام آپریٹرز کو مہیا کر دی گئی ہیں تاکہ ان کی سمز بلاک کرنے کے احکامات پر عمل درآمد کیا جا سکے۔
ٹیلی کام آپریٹرز کو روزانہ کی بنیاد پر مزید بیچز بھیجے جائیں گے۔ مزید برآں ٹیلی کام آپریٹرز نے نان فائلرز کو سمز بلاک کرنے سے خبردار کرنے کے لئے پیغامات بھیجنے کا سلسلہ شروع کردیا ہے، یہ شراکت داری ایف بی آر اور ٹیلی کام آپریٹرز کی ٹیکس قوانین کی بالادستی اور ٹیکس دہندگان کے لئے ٹیکس کمپلائنس کو یقینی بنانے کے عزم کی عکاسی کرتی ہے۔
ملک میں ٹیکس وصولی کو بڑھانے اور انفورسمنٹ کی طرف یہ ایک اہم قدم ہے۔ ترجمان ایف بی آر نے کہا کہ ان میٹنگز میں شریک تمام اسٹیک ہولڈرز کے تعاون کو ہم قدر کی نگاہ سے دیکھتے ہیں، پاکستان میں ٹیکس کمپلائنس کو مضبوط بنیادوں پر استوار کرنے کے لئے اس شراکت داری کو جاری رکھے گا۔۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔