- ایپل نے صارفین کے لیے آئی او ایس کی اپ ڈیٹ جاری کردی
- تاجر دوست ایپ کے تحت رجسٹرڈ نہ ہونیو الے تاجروں پر بھاری جرمانہ و سزا کی تجاویز
- 190 ملین پاؤنڈز ریفرنس میں عمران خان کی ضمانت منظور
- امریکی وزیر خارجہ کا دورۂ یوکرین؛ نائٹ کلب میں گانا گانے کی ویڈیو وائرل
- پی ٹی آئی جانتی ہے اسے کس کے پاؤں پکڑنے ہیں اسلیے وہ ہم سے مذاکرات نہیں چاہتی، بلاول
- ٹی20 ورلڈکپ؛ کیا پاکستان، انگلینڈ کی ٹیمیں وارم اَپ میچز گنواسکتی ہیں؟
- فیملی وی لاگنگ کے نام پر فحش مواد کے خلاف درخواست پر پی ٹی اے سے رپورٹ طلب
- چار سدہ انٹرچینج کے نزدیک فائرنگ، تین افراد جاں بحق ایک زخمی
- 400 کلومیٹر رینج کے حامل فتح II گائیڈڈ راکٹ سسٹم کا کامیاب تجربہ
- نجکاری کیلیے پیش کیے جانے والے 25 سرکاری اداروں کی فہرست قومی اسمبلی میں پیش
- عدلیہ میں مداخلت کا ثبوت ہے تو پیش کریں، ورنہ ابہام بڑھ رہا ہے، فیصل واوڈا
- حسن علی کو تیسرا ٹی20 کیوں کھلایا؟ بابر نے وجہ بتادی
- ہتک عزت قانون پر صحافیوں کو اعتراض ہے تو ہم سے رجوع کریں، پنجاب حکومت
- سونے کی عالمی اور مقامی مارکیٹوں میں قیمت بڑھ گئی
- دبئی لیکس میں بھارتی سب سے آگے؛ مودی کے دوستوں کی جائیدادیں بھی نکل آئیں
- ورلڈکپ اسکواڈ کا اعلان کیوں نہیں ہوا؟ رمیز راجا سلیکشن کمیٹی پر برہم
- وزیراعلی پنجاب نے لاہور میں 36 ارب کے ترقیاتی کام روک دیے
- گورنر خیبرپختونخوا کے اپنی رہائشگاہ ’’کے پی کے ہاؤس‘‘ آنے پر پابندی
- حکومت نے آئی ایم ایف کو بجلی مزید مہنگی کرنے کی یقین دہانی کرادی
- نقل مافیا اور آپریشن راہ راست
سانحہ لنک روڈ، جاں بحق افراد اور ورثا کا ڈی این اے دوبارہ لینے کا فیصلہ
کراچی: لنک روڈ ٹریفک حادثے میں سوختہ لاشوں کی شناخت کے لیے ورثا کا ڈی این اے دوبارہ لینے کا فیصلہ کیا گیا ہے۔
ٹینکر میں موجود کیمیکل کیمیائی تجزیے کے لیے پاکستان کونسل آف سائنٹیفک اینڈ انڈسٹریل ریسرچ (پی سی ایس آئی آر) لیبارٹری بھیجایا جائے گا، معلوم کیا جائے گا کہ ٹینکر میں کونسا کیمیکل موجود تھا جو انتہائی تیزی سے آگ بھڑکانے کا سبب بنا اور کچھ ہی دیر میں67 افراد جل کر لقمہ اجل بن گئے۔
نیشنل فارنسک سائنس ایجنسی کے ماہرین آئندہ چند روز میں کراچی پہنچ کر اپنی نگرانی میں سوختہ لاشوں اور لواحقین کے ڈی این اے ٹیسٹ کے لیے دوبارہ نمونے حاصل کریں گے اس سے قبل پولیس سرجن کی سربراہی میں لاشوں اور ورثا کے ڈی این اے نمونے حاصل کیے گئے جو تکنیکی اعتبار سے موزوں نہیں تھے اس لیے (این ایف ایس اے) کے ماہرین خود کراچی پہنچ رہے ہیں۔
یہ بات ایس ایس پی ملیر ملک الطاف نے بتائی انھوں نے بتایا کہ پولیس نے نیشنل فارنسک سائنس ایجنسی سے درخواست کی تھی کہ ان کے ماہرین کراچی آکر اپنی نگرانی میں ڈی این اے نمونے لیں جو انھوں نے تسلیم کرلی ہے، نیشنل فارنسک سائنس ایجنسی کے ماہرین چند روز میں کراچی آکر اپنی نگرانی میں ڈی این اے ٹیسٹ کے لیے نمونے دوبارہ لیں گے جن کی رپورٹس اسلام آباد میں تیار کی جائیں گی رپورٹس آنے میں12 سے 15دن لگیں گے اب تک سانحہ لنک روڈ میں جاں بحق افراد میں سے19افراد کے خاندانوں سے رابطہ کرلیا گیا ہے۔
جاں بحق افراد کے دیگر ورثا سے بھی رابطے کی کی کوششیں کی جارہی ہے تاکہ تمام لاشوں کے ڈی این اے نمونے حاصل کرلیے جائیں یہ فیصلہ اس لیے کیا گیا ہے ماضی میں سانحہ بلدیہ ٹاؤن میں جاں بحق افراد اور ان کے لواحقین کے لیے جانے والے خون کے نمونے نیشنل فارنسک سائنس ایجنسی تکنیکی لحاظ سے مسترد کردیے تھے اور ایجنسی نے دوبارہ ڈی این اے کے نمونے لیے تھے، پولیس نے زحمت سے بچنے کے لیے پہلے ہی نیشنل فارنسک سائنس ایجنسی کے ماہرین سے کراچی پہنچنے کی درخواست کی ہے۔
پولیس کو جائے حادثہ پر ٹینکر سے کیمیکل مواد کے شواہد مل گئے ہیں جنھیں محفوظ کرلیا گیا ہے اور اب اس کیمیکل کو کیمیائی تجزیے کے لیے پاکستان کونسل آف سائنٹیفکٹ اینڈ انڈسٹریل ریسرچ کی لیبارٹری بھجوایا جائے گا تاکہ معلوم ہوسکے کہ ٹینکر میں کونسا کیمیکل موجود تھا جس سے مسافر بس میں اتنی تیزی سے آگ بھڑکی کہ 67 افراد جل کر ہلاک ہوگئے انھوں نے دعویٰ کیا کہ حادثے میں بدنصیب مسافر بس کا ڈرائیور عطا محمد کھکرانی بھی جاں بحق ہوگیا ہے۔
مذکورہ بس میں اس کے اہلخانہ بھی موجود تھے اور وہ بھی اس سانحہ میں زندگی کی بازی ہار گئے ہیں ، ٹریفک حادثے کے ذمے دار ٹینکر ڈرائیور اور اس کے مالک کی گرفتاری کے لیے پولیس چھاپے مار رہی ہے، 3 ڈی آئی جیز اور2 ایس ایس پیز پر مشتمل تحقیقاتی کمیٹی قائم کی گئی ہے جس میں ڈی آئی جی ٹریفک ڈاکٹر امیر شیخ ، ڈی آئی جی ایسٹ منیر شیخ، ڈی آئی جی سی آئی اے سلطان خواجہ، ایس ایس پی ٹریفک ملیر بھی شامل ہیں،کمیٹی جلد اپنی ابتدائی رپورٹ اعلیٰ حکام کو ارسال کرے گی بظاہر لگتا ہے کہ حادثہ ٹینکر ڈرائیور کی غفلت سے پیش آیا ہے تاہم ابھی کچھ کہنا قبل از وقت ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔