جان کوخطرہ ہے،عدالت حاضری سے مستثنیٰ قراردے،حقانی

اسلام آباد: امریکامیں پاکستان کے سابق سفیرحسین حقانی نے میمو گیٹ کیس میں پیشی سے استثنیٰ کی درخواست سپریم کورٹ میں دائرکردی۔

منگل کوحسین حقانی کی وکیل عاصمہ جہانگیرکی جانب سے عدالت عظمیٰ میں جمع کرائی گئی درخواست میں موقف اختیارکیاگیاکہ حسین حقانی کا پاکستان آناخطرے سے خالی نہیں کیونکہ ان کی جان کوخطرہ ہے اسلیے عدالت انہیں حاضری سے استثنیٰ دے۔آئی ین پی کے مطابق ایک اوردرخواست میں حسین حقانی نے منصوراعجازکاوڈیولنک کے ذریعے ریکارڈ ہونے والے بیان کاموادبھی فراہم کرنے کی استدعاکی ہے۔

این این آئی کے مطابق حسین حقانی نے درخواست میں مؤقف اختیارکیاکہ وہ بیمارہیں اوربیرون ملک زیرعلاج ہونے کے باعث وطن نہیںآسکتے لہذاانہیں حاضری سے مستثنیٰ قراردیاجائے۔