فلمیں ڈراموں کی طرز پر نہیں، شکر ہے بحران سے نکل آئے، سید نور

لاہور: مصنف و ہدایتکار سید نور نے کہا ہے کہ فلم انڈسٹری کو بحران کی صورتحال سے نکالنے کے لیے فلمیں بنانے کا تسلسل جاری رہنا چاہیے، پہلے فلمیں نہیں بن رہی تھیں تو تنقید کی جاتی تھی، آج اگر کچھ لوگوں نے ہمت کر لی ہے تو کہا جارہا کہ ڈراموں کی طرز پر فلمیں بن رہی ہیں۔

انھوں نے کہا کہ ہمیں یہ کہنا چاہیے کہ فلم انڈسٹری بحران سے نکل آئی ہے اور نئی فلمیں ہوا کا تازہ جھونکا ثابت ہورہی ہیں ۔ فلم میں کامیڈی بھی بہت ضروری ہے اور یہ کوئی آسان کام نہیں ‘ موجودہ حالات میں فلمیں بنانے والے مبارکباد کے مستحق ہیں جن کی وجہ سے دم توڑتی فلم انڈسٹری دوبارہ سے اپنے پاؤں پر کھڑی ہورہی ہے۔