- نظام انصاف ٹھیک ہونے تک کچھ ٹھیک نہیں ہوگا:فیصل واوڈا
- پہلا ٹی ٹوئنٹی: ویسٹ انڈیز نے پاکستان ویمن ٹیم کو ایک رن سے شکست دے دی
- خیبر پختونخوا: صوبائی وزراء اور مشیروں کی مراعات میں اضافے کی سمری تیار
- فوج سے جلد مذاکرات ہوں گے، آرمی چیف اور ڈی جی آئی ایس آئی سے بات ہوگی، شہریار آفریدی
- چین میں پاکستان کیلئے تیار ہونے والی پہلی ہنگور کلاس آبدوز کا افتتاح
- وزیراعظم کی ہدایت پر کرپشن میں ملوث ایف بی آر کے 13 اعلیٰ افسران عہدوں سے فارغ
- پتوکی کے دو بے گناہ نوجوان بھارت سے رہا ہوکر پاکستان پہنچ گئے
- بی آر ٹی کا مالی بحران سنگین، حکومت کا کلومیٹر کے حساب سے کرایہ بڑھانے کا فیصلہ
- محموداچکزئی کے وارنٹ گرفتاری جاری، 27 اپریل کو عدالت میں پیش کرنے کا حکم
- چینی صدر اور امریکی وزیرخارجہ کی شکوے شکایتوں سے بھری ملاقات
- لاہور؛ 10 سالہ گھریلو ملازمہ پراسرار طور پر جھلس کر جاں بحق، گھر کا مالک گرفتار
- اغوا برائے تاوان کی واردات کا ڈراپ سین؛ مغوی نے دوستوں کے ساتھ ملکر رقم کا مطالبہ کیا
- فیس بک کے بانی کو 50 کھرب روپے کا نقصان ہوگیا
- عازمین حج کیلئے خوشخبری، جناح انٹرنیشنل ایئرپورٹ روڈ ٹومکہ میں شامل
- اسٹاک ایکسچینج میں کاروباری میں تیزی، انڈیکس 72 ہزار 742 پوائنٹس پر بند
- بلدیہ پلازہ میں بیٹھے وکلا کمرے کا ماہانہ کرایہ 55 روپے دیتے ہیں، وزیراعلیٰ بلوچستان
- انٹربینک مارکیٹ میں ڈالر کی نسبت روپیہ تگڑا
- کچے کے ڈاکوؤں سے رابطے رکھنے والے 78 پولیس اہلکاروں کا کراچی تبادلہ
- ایک ہفتے کے دوران 15 اشیا کی قیمتیں بڑھ گئیں
- چینائی میں پاکستانی 19 سالہ عائشہ کو بھارتی شخص کا دل لگادیا گیا
اراکین اسمبلی کے اثاثوں کی چھان بین
سچ ہے کہ ہمارے ملک میں نظام کے حوالے سے آدھا تتیر، آدھا بیٹر والا معاملہ رہا ہے، پاکستان کی کل عمر کے نصف توآمریت کے مہیب سائے میں گزری، باقی جمہوریت کا پودا جب بھی پروان چڑھنے لگا تواسے کاٹ دیا گیا۔
دنیا بھر میں بہترین نظام جمہوریت کا مانا جاتا ہے، شکر ہے کہ ملک میں جمہوریت کا تسلسل ہے تو نظام میں بھی بہتری آرہی ہے۔ انتخابی عمل کی تمام تر ذمے داری الیکشن کمیشن آف پاکستان پر ہے، گوکہ پاکستان میں یہ ادارہ ابھی اتنا مضبوط اور فعال نہیں ہے کہ وہ دیگر جمہوری ممالک کی طرح طاقتور فیصلے کرسکے، لیکن اس کے باوجود الیکشن کمیشن کی جانب سے ملکی تاریخ میں پہلی بار اراکین پارلیمنٹ اورصوبائی اسمبلی کے اثاثوں کی تفصیلات کی چھان بین کے لیے کمیشن پولیٹیکل فنانس ونگ چارٹرڈ اکاؤنٹنٹ یا آڈٹ فرم کی خدمات بھی حاصل کرسکے گا۔
عوامی نمایندگی ایکٹ کی شق کے تحت الیکشن کمیشن کسی رکن پارلیمنٹ کے خلاف کارروائی کا اختیار بھی رکھتا ہے، جو رکنیت معطلی سے متعلق ہے۔ پاکستان بھر میں یہ تاثرعام پایا جاتا ہے کہ اراکین اسمبلی چاہے ان کا تعلق کسی بھی سیاسی جماعت سے ہو وہ اپنے اثاثے جو ظاہرکرتے ہیں وہ انتہائی قلیل ہوتے ہیں جب کہ اصل میں اس سے کئی سوگنا حیثیت کے مالک ہوتے ہیں۔
یہ امر انتہائی بددیانتی کے زمرے میں آتا ہے، کہ آپ جھوٹ بول کر ٹیکس بچائیں، اثاثے چھپانے کی علت میں مبتلا ہوں تو بطور عوامی نمایندہ اور لیڈرکس حیثیت سے ایوان کے ممبر بنے بیٹھے ہیں۔ عوامی نمایندوں کو تو رول ماڈل ہونا چاہیے تاکہ اس کے مثبت اثرات عوام پر پڑیں، لیکن ہو ایسا رہا ہے کہ ایک نمایندہ ارب پتی ہے اور یہ بات عوام الناس بھی جانتے ہیں لیکن جب وہ اپنے اثاثوں کی تفصیلات لکھ کر الیکشن کمیشن میں جمع کرواتا ہے تو وہ ایک متوسط طبقے کے فرد سے زیادہ ’’غریب‘‘ نکلتا ہے۔
ابھی پانامہ لیکس کے حوالے سے جو صورتحال پیش آئی ہے، پھر الزامات در الزامات کی سیاست بھی عروج پر ہے۔ ان تمام برائیوں کے خاتمے کے لیے ضروری ہے کہ الیکشن کمیشن ایسے مثبت اور دور رس فیصلے کرے اور بلاامتیاز تمام اراکین اسمبلی کے خلاف اس ضمن میں کارروائی کرے تاکہ دیانت اور امانت کے اصولوں کو فروغ حاصل ہو۔ حقیقت یہ ہے کہ اگر سرکاری محکمے کسی سیاسی دباؤ کو خاطر میں نہ لاتے ہوئے درست انداز میں کام کریں توکرپشن کا خاتمہ ممکن ہوسکے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔