- وزیر داخلہ محسن نقوی کوئٹہ پہنچ گئے، وزیراعلیٰ بلوچستان سے ملاقات
- نئے معاہدے کیلیے آئی ایم ایف کا وفد اگلے ہفتے پاکستان کا دورہ کرے گا، وفاقی وزرا
- پاکستان کو عالمی بینک سے 8 ارب ڈالرز ملنے کی توقع
- بجلی تقسیم کار کمپنیوں کی صارفین پر مزید 51 ارب روپے کا بوجھ ڈالنے کی درخواست
- ٹی20 ورلڈکپ سے قبل مچل مارش کی فٹنس سوالیہ نشان بن گئی
- سونے کی عالمی اور مقامی مارکیٹوں میں قیمت کم ہو گئی
- 9 مئی کرنے اور کروانے والوں کو سزا دینی پڑے گی، انتشاری ٹولے سے کوئی بات چیت نہیں ہوگی، ڈی جی آئی ایس پی آر
- حزب اللہ کا صیہونی ریاست پر ڈرون حملہ؛ 2 اسرائیلی فوجی ہلاک
- دوسری شادی پر بیوی نے بھری عدالت میں شوہر کی پٹائی کردی
- سعودی اور امریکی افواج کی مشترکہ جنگی مشقوں کا آغاز ہوگیا
- ٹیلی کام کمپنیاں 5 لاکھ سے زائد نان فائلرز کی موبائل سِمز بلاک کرنے پر رضامند
- عدلیہ میں مداخلت ہے، جسٹس اطہر؛ تو پھر آپ کو یہاں نہیں بیٹھنا چاہیے، چیف جسٹس
- برطانیہ میں شہزاد اکبر پر تیزاب حملہ ثابت نہ ہو سکا، پولیس تحقیقات بند
- جسٹس شوکت صدیقی کی برطرفی کو ریٹائرمنٹ میں تبدیل کردیا گیا، نوٹیفکیشن جاری
- گندم کی نئی قیمت مقرر کرنے کی درخواست پر وفاقی حکومت سے جواب طلب
- ٹی20 ورلڈکپ سے قبل ریکارڈ بُک بابراعظم کے انتظار میں! جانیے
- ایشیائی باشندے نے محبوبہ کو قتل کرکے دکان کو آگ لگادی؛3 پاکستانی زخمی
- سندھ ہائیکورٹ کا سڑکوں سے غیر قانونی بچت بازار اور رکشہ اسٹینڈز ہٹانے کا حکم
- بدنیتی پر مبنی مہم؛ جسٹس محسن کیانی کا بھی توہین عدالت کارروائی کیلئے خط
- پختونخوا کی گورننس زیادہ بہتر نہیں، نفرتوں کا خاتمہ کروں گا، گورنر کے پی کے
لاہور؛ 10 سالہ گھریلو ملازمہ پراسرار طور پر جھلس کر جاں بحق، گھر کا مالک گرفتار
لاہور: ملت پارک میں 10 سالہ گھریلو ملازمہ پراسرار طور پر جھلس کر جاں بحق ہوگئی، پولیس نے گھر کے مالک کو گرفتار کرلیا۔
ایکسپریس نیوز کے مطابق 10 سالہ زینب سلمان نامی شخص کے گھر چند ماہ سے ملازمت کررہی تھی جسے آج جھلسی ہوئی حالت میں اسپتال لایا گیا جہاں وہ جانبر نہ ہوسکی، پولیس نے گھر کے مالک کو گرفتار کرلیا۔
گرفتار ملزم سلمان نے بیان دیا ہے کہ زینب گزشتہ روز کچن میں سلنڈر پھٹنے سے جھلس گئی تھی جسے ابتدائی طبی امداد گھر ہی میں دی جاتی رہی، حالت زیادہ بگڑنے پر اسے آج اسپتال لے کر آئے تھے۔
پولیس کا کہنا ہے کہ ملزم نے ملازمہ کے گھر والوں کو بچی کے جھلسنے کی اطلاع نہیں دی، پولیس نے بچی کے ورثا کی درخواست پر تھانہ ملت پارک میں مقدمہ درج کرلیا۔
ایس پی اقبال ٹاؤن اخلاق اللہ تارڑ نے کہا ہے کہ بچی کی موت کے اصل حقائق پوسٹ مارٹم کے بعد سامنے آئیں گے۔
دریں اثنا ڈی آئی جی آپریشنزمحمد فیصل کامران ملت پارک پہنچ گئے جہاں انہوں نے جاں بحق بچی کے والدین سے ملاقات کی اور انہیں انصاف کی فراہمی کی یقین دہانی کرائی۔
فیصل کامران کا کہنا تھا کہ ملزم سلمان کے خلاف مزیدتفتیش عمل میں لائی جا رہی ہے، انہوں نے مزید کہا کہ عورتوں اور بچوں کا استحصال کرنے والوں کے خلاف بلاامتیاز کارروائی کی جائے گی۔
دوسری جانب کم سن ملازمہ کی والدہ کا کہنا ہے کہ دس سالہ زینب چار ہزار روپے ماہوار پر سلمان کے گھر تین ماہ سے ملازمہ تھی جبکہ متوفی زینب کی 12 سالہ کزن مہوش بھی وہیں کام کرتی تھی۔
کم سن ملازمہ کی والدہ نے بتایا کہ زینب جب اسپتال میں دم توڑ گئی تو ہمیں اطلاع دی گئی۔
زینب کے والد رمضان نے بتایا کہ میرے چھ بچے ہیں جن میں زینب سب سے چھوٹی تھی، انہوں نے بتایا کہ جب ہم اسپتال پہنچنے تو میری بچی جھلسی ہوئی تھی اور اس کے منہ سے جھاگ نکل رہا تھا۔
جاں بحق زینب کی کزن مہوش نے پولیس کو دیے گئے اپنے ابتدائی بیان میں کہا ہے کہ مقتولہ کے ساتھ کبھی کوئی زبردستی نہیں کی گئی۔
پولیس کے مطابق درخواست کے فوری بعد ملزم سلمان کو گرفتار کرلیا گیا تھا، ملزم سلمان طاہر شادی شدہ اور دو بچوں کا باپ ہے، ملزم کی بیوی واقعہ کے وقت گھر پر موجود نہ تھی، اس کے بوڑھے والدین موجود تھے۔
پولیس کا کہنا ہے کہ ملزم سلمان طاہر گزشتہ سال ملت پارک کے علاقے میں قتل ہونے والے سابق ایس پی فرحت عباس شاہ کا بھتیجا اور پیشے کے اعتبار سے وکیل ہے، واقعے کی مزید تفتیش کی جارہی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔