شاہ رخ خان کی شعیب اختر کے لیے محبت بھرے پیغام کی ویڈیو نے دھوم مچادی

ممبئی: بالی ووڈ کے کنگ شاہ رخ خان کی پاکستان کے سابق فاسٹ بولر شعیب اختر کے لیے محبت کے پیغام بھری ویڈیو نے سوشل میڈیا پر دھوم مچادی ہے۔

بالی ووڈ کے نامور اداکاروں اور پاکستانی کرکٹرز میں آپس میں گہری دوستی ہے جس کے باعث پاکستانی کرکٹرز بالی ووڈ اداکاروں کی جانب سے دی جانے والی تقریبات میں جوش و خروش سے شرکت کرتے ہیں یہی وجہ ہے کہ گزشتہ دنوں بالی ووڈ کے دبنگ سپر اسٹار سلمان خان کے والد سلیم خان کی سالگرہ کی تقریب میں پاکستان کے سابق اسٹار فاسٹ بولر شعیب اختر بھی نظر آئے تاہم اب راولپنڈی ایکسپریس کی بالی ووڈ کے کنگ شاہ رخ خان کے ساتھ ویڈیو نے سوشل میڈیا پر دھوم مچادی ہے۔

Love SRK pic.twitter.com/dMoofGdwVj

— Shoaib Akhtar (@shoaib100mph) November 29, 2015

اسٹار کرکٹر شعیب اخترنے انڈین پریمیئر لیگ میں بالی ووڈ کے بادشاہ شاہ رخ خان کی ٹیم کوکلتہ نائٹ رائیڈرز کی نمائندگی کی تھی جس کے باعث دونوں میں گہری دوستی ہے جب کہ ویڈیو میں شعیب اختر نے کنگ خان کو بڑا بھائی کہہ کر مخاطب کیا تو شاہ رخ خان نے محبت کا اظہار کرتے ہوئے راولپنڈی ایکسپریس کا بوسہ لیا اور نیک تمناؤں کا اظہار کیا۔