- عالمی عدالت سے اسرائیلی وزیراعظم نیتن یاہو کے وارنٹ گرفتاری جاری ہونے کا امکان
- جسٹس بابر ستار نے خود کو آڈیو لیکس کیس سے الگ کرنے کی درخواستیں خارج کردیں
- چینی وفد پاکستان آگیا، 4 ارب یوآن سرمایہ کاری کرے گا
- شرح سود کا تعین، مانیٹری پالیسی کمیٹی کا اجلاس آج ہوگا
- وزیراعظم کی بل گیٹس سے ملاقات، پاکستان میں جاری سرگرمیوں پر تبادلہ خیال
- براہ راست غیر ملکی سرمایہ کاری مسائل کا پائیدار حل نہیں
- پاکستان اسٹاک ایکسچینج میں نیا ریکارڈ، پہلی بار 73 ہزار پوائنٹس کی سطح بھی عبور
- ویسٹ انڈیز کے خلاف ٹی20 سیریز میں مسلسل دوسری شکست پر منیبہ علی مایوس
- چیمپئنز ٹرافی کا مجوزہ شیڈول آئی سی سی کو ارسال، بھارت کے میچز شامل
- پاکستان کیلیے 1.1 ارب ڈالر کی قسط کی منظوری آج دیے جانے کا امکان
- چیئرمین پی سی بی کا ٹیم میں ’مسائل‘ کا اعتراف
- بھابھی نے شادی والے دن دلہا کو گرفتار کرادیا
- احسان اللہ کی انجری سے متعلق رپورٹ جلد بورڈ کو وصول ہونے کا امکان
- بوبی بھائی کپتان بنے ہی کیوں؟
- مزدور خوشحال، ملک خوشحال ... انقلابی اقدامات اٹھانا ہونگے!
- ٹانک میں سیکیورٹی فورسز کا انٹیلی جنس بیسڈ آپریشن، 4دہشتگرد ہلاک
- آئس کریم کیوں نہیں دی؟ عدالت کا آن لائن ڈلیوری ایپ پر ہزاروں کا جرمانہ
- ہبل ٹیلی اسکوپ میں خرابی، ناسا نے دوربین کے تمام آپریشنز معطل کردیے
- لفٹ استعمال کرنے کے عادی افراد میں جلد موت کا خطرہ زیادہ ہوتا ہے، تحقیق
- ڈسٹرکٹ اینڈ سیشن جج وزیرستان شاکراللہ مروت بازیاب ہوگئے، بیرسٹر سیف
آلودہ پانی کو ایک ہی مرحلے میں صاف کرنے والا انوکھا فلٹر تیار
ملبورن: آسٹریلیا کے سائنس دانوں نے گرافین کی ایک نئی شکل گراف ایئر کو استعمال کرتے ہوئے ایک سادہ فلٹر بنایا ہے جو آلودہ ترین سمندری پانی کو بھی ایک ہی مرحلے میں صاف کرکے قابلِ نوش بناتا ہے۔
توقع ہے کہ اس ایجاد سے دنیا کے ان اربوں افراد کو فائدہ ہوگا جو اب تک صاف پانی سے محروم ہیں یا پھر آلودہ پانی پی کر کئی طرح کے امراض کا شکار ہورہے ہیں۔ اس فلٹر کو کامن ویلتھ سائنیٹفک اینڈ انڈسٹریل ریسرچ آرگنائزیشن (سی ایس آئی آر او) کے ماہر ڈاکٹر ڈونگ ہین سیو اور ان کے ساتھیوں نے بنایا ہے۔
ہین سیو نے بتایا کہ دنیا بھر میں آلودہ پانی پینے سے سالانہ لاکھوں افراد لقمہ اجل بن رہے ہیں جن میں اکثریت بچوں کی ہے، گراف ایئر اس ضمن میں آلودہ پانی صاف کرنے والا ایک بہترین فلٹر ثابت ہوسکتا ہے۔
قبل ازیں سمندری یا گندے پانی کو صاف کرنے والے جو نظام بنائے گئے وہ مہنگے ہیں اور کئی درجوں میں کام کرتے ہیں۔ تاہم نئے فلٹر نظام میں وقت نہیں لگتا اور ایک ہی جست میں پانی صاف ہوجاتا ہے۔ گرافین ایک ایٹم موٹائی والی ٹھوس اور مضبوط کاربن پرت کو کہتے ہیں اور اسے سپر مٹیریل بھی کہا جاتا لیکن اسے بنانا ایک مشکل اور مہنگا عمل ہے۔ اس کے مقابلے میں گرافین سے ہی اخذ کردہ مٹیریل گرافیئر کو بنانا آسان ہے لیکن اس میں تمام خواص گرافین جیسے ہی ہوتے ہیں۔
اس میں موجود باریک نینو چینلز یا سوراخ آلودہ ذرات کو روک لیتے ہیں لیکن پانی کے سالمات اس میں سے باآسانی گزرجاتے ہیں۔ اس فلٹر کو عام فلٹر کے ساتھ ملا کر استعمال کیا گیا تو بہت اچھے نتائج مرتب ہوئے اور دونوں نے مل کر 99 فیصد آلودگی کو روک لیا اور گزرنے والا پانی صاف و شفاف تھا۔
دلچسپ بات یہ ہے کہ فلٹر نے سمندری پانی کے کھارے ذرات کو روک کر پانی کو میٹھا بنایا جو پینے کے لیے تیار تھا۔ اس طرح نہ صرف یہ پینے کے لیے آلودہ پانی کو صاف کرسکتے ہیں بلکہ ان سے سمندری پانی کو بھی صاف کرنے کا کام لیا جاسکتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔