ملالہ کو اپنے لباس اور آئی فون 11 کے درمیان مماثلت ظاہر کرنے پر تنقید کا سامنا

برمنگھم: ملالہ یوسفزئی کو نئے متعارف کئے گئے آئی فون 11 کی اپنے لباس سے مماثلت ظاہر کرنے پر سوشل میڈیا صارفین کی شدید تنقید کا سامنا کرنا پڑا ہے۔

آئی فون کے چاہنے والوں کے لئے امریکا میں آئی فون الیون کی تقریب رونمائی ہوئی جس میں آئی فون 11 پیش کیا گیا تو نوبل انعام یافتہ ملالہ یوسفزئی بھی اپنی رائے کا اظہار کرنے میں پیچھے نہ رہیں اور انہوں نے نئے موڈل کا اپنے لباس سے موازنہ کیا جس پر انہیں شدید تنقید کا سامنا کرنا پڑا۔

Is this just a coincidence that I wore this dress on the same day as Apple iPhone 11’s launch #iPhone11 pic.twitter.com/k6s4WM4HKq

— Malala (@Malala) September 10, 2019

ملالہ یوسفزئی نے سماجی رابطے کی ویب سائٹ ٹوئٹر پر اپنے لباس کی ایک تصویر شیئر کی جس پر آئی فون الیون پر لگے تین کیمرے کی ترتیب میں تین ڈیزائن بنے ہوئے ہیں۔ ساتھ ہی انہوں نے یہ بھی لکھا کہ یہ واقعی عجب اتفاق ہے کہ میں نے یہ لباس ٹھیک اسی دن زیب تن کیا جس دن آئی فون 11 کو متعارف کیا گیا۔

جہاں دنیا بھر میں آئی فون کے نئے ماڈل پر مختلف طرح کے میمس بنا کر مذاق اُڑایا جا رہا ہے وہیں نوبل انعام یافتہ ملالہ کو آئی فون سے متعلق ٹوئٹ کرنے پر سوشل میڈیا صارفین نے شدید تنقید کی۔

School children of Kashmir can't go to school because of lockdown, at least have curtesy to send a single tweet about them

— Yasir Mirza (@yasirenbcn) September 10, 2019

یاسر مرزا نامی صارف نے ملالہ کو آڑے ہاتھوں لیتے ہوئے کہا کہ لاک ڈاؤں کی وجہ سے کشمیر کے بچے اسکول نہیں جا پا رہے ہیں۔ کم از کم داد رسی کے لئے اُن کے حق میں صرف ایک ٹوئٹ کر دیتیں۔

ak chota saa sawal….!
You stil Alive…….?
Because you not to see what happening in Kashmir…..

— Muhammad Atif (@atif6424) September 10, 2019

محمد عاطف نے کہا کہ ایک چھوٹا سا سوال ہے۔ کیا آپ اب تک حیات ہیں؟ کیوں کہ آپ نہیں دیکھ پا رہی ہیں کہ کشمیر میں کیا ہو رہا ہے۔

https://twitter.com/SiyasiBakwasi/status/1171540203896549377

ایک صارف نے کہا کہ کیا یہ محض اتفاق ہے کہ آپ نے آئی فون الیون کی لانچنگ کے ایک گھنٹے بعد ٹویٹ کردیا لیکن آپ کو کشمیر میں بھارتی شدت پسند حکومت کے ہاتھوں محصور کشمیریوں کا خیال ایک ماہ بعد آیا ہے۔

Is it just a coincidence that you are yet to utter a single word condemning India for its atrocities on Kashmiris while calling yourself a human rights activist?

— SocialPariah (@Non_granta) September 11, 2019

سوشل پاریا نامی صارف نے تنقید کرتے ہوئے کہا کہ شاید آپ کی ترجیح آئی فون الیون ہی ہے۔ اور کیا یہ محض ایک اتفاق ہے کہ آپ نے کشمیر پر بھارتی مظالم پر ایک تک ایک لفظ نہیں کہا اور آپ خود کو انسانی حقوق کی علمبردار کہتی ہیں؟۔