- ضلع خیبر: سیکورٹی فورسز کے آپریشن کے دوران 4 دہشت گرد ہلاک
- وکیل کے قتل میں مطلوب خطرناک اشتہاری آذربائیجان سے گرفتار
- ملکی معیشت میں بہتری کے لیے بڑے پیمانے پر اصلاحات کرنے جارہے ہیں، وزیراعظم
- انٹربینک اور اوپن مارکیٹ میں ڈالر کی قدر بڑھ گئی
- کراچی میں گرمی کی لہر برقرار، منگل کو پارہ 40 تک جانے کا امکان
- سعودی عرب میں لڑکی کو ہراساں کرنے پر بھارتی شہری گرفتار
- رجب طیب اردوان پاکستان کے سچے اور مخلص دوست ہیں، صدر مملکت
- کراچی: او اور اے لیول امتحانات میں بدترین بد انتظامی سے ہزاروں طلبہ اذیت کا شکار
- عجیب و غریب ڈیزائن کی حامل گاڑیاں
- سرجری سے انکاری معمر افراد کیلئے انتباہ
- صوتی آلودگی کے پرندوں پر مرتب ہونے والے سنگین اثرات
- شہباز شریف اور بلاول حکومت پی ٹی آئی کے حوالے کردیں، فضل الرحمان
- بھارتی وزیر خارجہ امیت شاہ ہیلی کاپٹر حادثے میں بال بال بچ گئے
- مانیٹری پالیسی جاری، شرح سود بائیس فیصد کی سطح پر برقرار
- خیبر پختون خوا میں بارشوں سے تین روز کے دوران 10 افراد جاں بحق
- انوکھا انداز؛ نیوزی لینڈ ٹی-20 ٹیم کا اعلان 2 بچوں نے کیا
- علی رضا عابدی کے قتل میں ملوث چار مجرموں کو عمر قید کا حکم
- تحریک انصاف کے بیک ڈور کسی سے مذاکرات نہیں ہورہے، بیرسٹر گوہر
- سکھوں کے حقوق اور آزادی کیلیے آواز بلند کرتے رہیں گے؛ کینیڈین وزیراعظم
- پنجاب سے گزشتہ سال ڈھائی ہزار بچے اغوا، 891 جنسی زیادتی کا نشانہ بنے
پی ایس ایل6؛ ٹیموں کی امیدوں پر ’’اوس‘‘ پڑنے کا خدشہ
لاہور: پی ایس ایل 6کے باقی میچز میں ٹیموں کی امیدوں پر ’’اوس‘‘ پڑنے کا خدشہ ہے جب کہ ڈبل ہیڈر کے دن دوسرے میچ میں گیند پر قابو پانے میں مشکلات کا سامنا ہوگا۔
مختلف رکاوٹوں کو عبور کرتے ہوئے بالاخر پی ایس ایل6 کے باقی میچز کے انعقاد کا حتمی فیصلہ ہوچکا،بدھ کو مقابلوں کا آغاز ہوجائے گا، پاکستان میں قرنطینہ شروع ہونے سے شیڈول جاری ہونے تک غیر یقینی صورتحال کے دوران ذہنی کرب میں مبتلا رہنے والے کرکٹرز اور معاون اسٹاف ارکان کی پوری توجہ اب کرکٹ پر مرکوز ہوگئی ہے۔
ابوظبی کے مختلف ہوٹلز کے ایئرکنڈیشنڈ کمروں میں آئسولیشن کا وقت گزارنے والے کھلاڑی صرف بالکونیوں میں ہلکی پھلکی وزرشوں سے باہر کے ماحول سے ہم آہنگی اور لہو گرم رکھنے کی کوشش کرتے رہے،میدانوں کا رخ کرنے کے بعد اب انھیں نئے چیلنج کا سامنا ہے، ایک طرف عرب صحراؤں کی جھلسا دینے والی دھوپ میں خود کو تازہ دم رکھنے کا چیلنج درپیش ہوگا۔
دوسری جانب رات کو حبس کا سامنا بھی کرنا پڑے گا،عام طور پر یہ موسم یواے ای میں کرکٹ کیلیے سازگار خیال نہیں کیا جاتا،اس دوران میچز شیڈول کرنے کی روایت نہیں مگر کورونا کے سبب پیدا شدہ صورتحال میں پاکستان اور بھارت دونوں کو اپنی لیگز مکمل کرنے کیلیے امارات میں ہی محفوظ پناہ گاہ نظر آئی ہے،پہلی باری پی ایس ایل کی ہے،ابوظبی میں دن بھر کی دھوپ کے بعد رات کو اوس پڑنے لگتی ہے۔
چند کرکٹرزنے بتایا کہ گیند پر قابو پانے میں مشکل پیش آرہی ہے،ڈبل ہیڈرز کے دن مقامی وقت کے مطابق 10بجے شروع ہونے والے دوسرے میچ میں اوس کی وجہ سے زیادہ مسائل ہوں گے، رات کو حبس میں بھی اضافہ ہونے کی وجہ سے پسینہ زیادہ آنے سے جسم میں پانی کی کمی پوری کرنے کیلیے خصوصی تدابیر اپنانا ہوں گی،اس پہلو کو نظر انداز کیا تو کریمپس پڑنے کا خدشہ ہوگا،گرمی کا مقابلہ کرنے کیلیے دیگر ٹیموں کی بانسبت لاہور قلندرزکی تیاری زیادہ بہتر نظر آتی ہے۔
کھلاڑیوں کو آئس کٹ پہنے دیکھا گیا ہے، فاسٹ بولرز خاص طور پر اپنی فٹنس کا بہت زیادہ خیال رکھ رہے ہیں، دوسری طرف سخت موسم میں مضبوط حریفوں کا سامنا کرنے کیلیے ٹیموں کی تیاریاں جاری ہیں، شیخ زید اسٹیڈیم میں وارم اپ میچ میں پشاور زلمی نے ملتان سلطانز کو 7 وکٹ سے ہرا دیا۔
ناکام ٹیم نے ٹاس جیت کر پہلے بیٹنگ کرتے ہوئے 5 وکٹ پر 198رنز بنائے، صہیب مقصود نے بھرپور فارم کا مظاہرہ کرتے ہوئے 88کی اننگز کھیلی، شان مسعود نے 37 رنز بنائے، عمید آصف نے 3 وکٹیں حاصل کیں، پشاور زلمی نے ہدف 3 وکٹ پر حاصل کرلیا، شعیب ملک 59 حیدر علی 46اور ڈیوڈ ملر 45رنز بناکر نمایاں رہے۔
ادھر اسلام آباد یونائیٹڈ کے کھلاڑیوں نے بھرپور پریکٹس سیشن کیا، حسن علی ردھم میں نظر آئے،پیسر ساتھی نوجوان بولرز کی رہنمائی بھی کرتے رہے،فارم کی بحالی کیلیے کوشاں آصف علی نے بھی نیٹ میں طویل سیشن کیا، فہیم اشرف نے بیٹ اور بال دونوں سے اپنی صلاحیتیں نکھارنے کا سلسلہ جاری رکھا۔
کراچی کنگز نے بھی اسٹیڈیم کا رخ کرتے ہوئے بیٹنگ، بولنگ اور فیلڈنگ پریکٹس جاری رکھی،بابر اعظم اور شرجیل خان اچھی فارم میں نظر آئے، محمد عامر نے بھی پچ کے باؤنس کے مطابق اپنی لائن اور لینتھ سیٹ کرلی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔