- کھارادر میں گارڈ کے سر پر ہتھوڑا مار کر پستول چھین لیا گیا، ویڈیو وائرل
- ڈاکوؤں کے خلاف آپریشن، سندھ پولیس کی نئی گاڑیوں کے لیے کروڑوں کے فنڈز منظور
- کوئٹہ سریاب روڈ پر پولیس موبائل پر حملہ، جوابی کارروائی میں 4 دہشت گرد ہلاک
- مسافروں کی حفاظت کیلیے ہر گاڑی میں ایک اہلکار سوار ہوگا، وزیراعلیٰ بلوچستان
- لاہور میں قانون نافذ کرنے والے ادارے کی تیز رفتار گاڑی نے اکلوتے بچے کو کچل ڈالا
- گندم درآمد اسکینڈل، تحقیقاتی کمیٹی کی انوارالحق کاکڑ یا محسن نقوی کو طلب کرنے کی تردید
- فیصل کریم کنڈی نے گورنر کے پی کا حلف اٹھا لیا، وزیراعلیٰ کی تقریب میں عدم شرکت
- پاکستانی نژاد صادق خان ریکارڈ تیسری مرتبہ لندن کے میئر منتخب
- وفاقی حکومت 1.8 ملین میٹرک ٹن گندم خریدے گی، وزیراعظم
- باپ نے غیرت کے نام پر بیٹی اور پڑوسی کے لڑکے کو قتل کردیا
- شمالی وزیرستان میں سیکیورٹی فورسز کی کارروائی، 6 دہشت گرد ہلاک
- فواد چوہدری 9 مئی سے جڑے 8 مقدمات میں شامل تفتیش
- آڈیو لیکس کیس میں آئی بی، ایف آئی اے اور پی ٹی اے سربراہ کو توہین عدالت کے نوٹس جاری، جرمانہ عائد
- ملازمت کے امیدوار کا آجر کو سی وی دینے کا انوکھا طریقہ
- اے آئی ٹیکنالوجی ایمرجنسی صورتحال میں مفید نہیں، ماہرین
- ایف بی آر میں کرپٹ عناصر کو برداشت نہیں کیا جائے گا، وزیراعظم
- باکسر عامر خان کو پاک فوج نے اعزازی کیپٹن کے رینکس سے نواز دیا
- ایپل کی آئی فون صارفین کو مشکل سے نکالنے کے لیے کوشش جاری
- پی ٹی اے کا نان فائلرز کی سم بلاک کرنے سے انکار
- عالمی عدالت انصاف امریکا و اسرائیل کی دھمکیوں پر برہم، انصاف میں مداخلت قرار دے دیا
کراچی میں ڈکیت بے خوف؛ فیکٹری منیجر لُٹ گیا، مزاحمت پر والدین کا اکلوتا بیٹا جاں بحق
کراچی: شہر قائد میں ڈکیتیوں کی وارداتیں تسلسل سے جاری ہیں جب کہ پولیس کی ناقص حکمت عملی کے باعث بے خوف ڈاکوؤں کے ہاتھوں شہریوں کی ہلاکت کا سلسلہ بھی تھم نہیں رہا۔
ایکسپریس نیوز کے مطابق کورنگی صنعتی ایریا میں ڈاکوؤں نے فیکٹری کے گیٹ پر بینک سے رقم لانے والے منیجر کو لوٹ لیا ۔ سی سی ٹی وی فوٹیج کے مطابق مینجر جیسے ہی ڈرائیور کے ہمراہ فیکٹری گیٹ پر پہنچا تو 2موٹر سائیکلوں پر 4 ملزمان نے انہیں گھیر لیا اور بینک سے نکلوائی گئی رقم 5 لاکھ روپے لوٹ کر فرار ہوگئے۔
2 ملزمان نے پستول تھامی ہوئی تھی جب کہ 2 نے سرجیکل ماسک اور ایک نے ہیلمٹ پہنا ہوا تھا۔فوٹیج میں چوتھے ملزم کا چہرہ واضح نظر آرہا ہے۔چاروں ملزمان محض چند سیکنڈز میں واردات کرکے باآسانی فرار ہو گئے۔
دوسری جانب مومن آباد میں نامعلوم افراد کی فائرنگ سے نوجوان جاں بحق ہوگیا۔ابتدائی اطلاعات کے مطابق واقعہ ڈکیتی کے دوران مزاحمت کا شاخسانہ ہے۔مقتول والدین کی اکلوتی اولاد تھا ۔پولیس کے مطابق جمعرات کی صبح اورنگی ٹاؤن کے علاقے مومن آباد میں نامعلوم افراد کی فائرنگ سے نوجوان جاں بحق ہوگیا ۔
مقتول کی شناخت 25 سالہ اشفاق ولد غلام نبی کے نام سے ہوئی، جو مقامی فیکٹری کا ملازم تھا، جو چند ماہ قبل ہی مانسہرہ کے علاقے بفا سے روزگار کے لیے کراچی آیا تھا۔مقتول کے پاس سے موبائل فون غائب ہے، جس سےمحسوس ہوتا ہے کہ واقعہ بظاہر ڈکیتی کے دوران مزاحمت کا شاخسانہ ہے۔ پولیس نے واقعات کی تفتیش شروع کردی ہے۔
واضح رہے کہ کراچی کے مختلف علاقوں میں ڈکیتیوں کی وارداتیں تسلسل کے ساتھ جاری ہیں اور ڈاکو سر عام راہ چلتے شہریوں کو نہ صرف لوٹ رہے ہیں بلکہ معمولی مزاحمت پر انہیں فائرنگ کا نشانہ بنادیتے ہیں، جس کے نتیجے میں اب تک کئی شہری اپنی جان سے ہاتھ دھو چکے ہیں۔ ان واقعات کے برعکس پولیس کی جانب سے کوئی مؤثر یا ٹھوس اقدامات نظر نہیں آ رہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔