- آسٹریلیا نے ٹی 20 ورلڈ کپ کے لیے حتمی اسکواڈ کا اعلان کردیا
- وزیراعظم شہباز شریف کل ایرانی صدر کی نمازجنازہ میں شرکت کیلئے تہران جائیں گے
- اب کوئی بھی یوپی کی سڑکوں پر نماز پڑھنے کی ہمت نہیں کرتا؛ وزیراعلیٰ اترپردیش
- پی ٹی آئی کے مرکزی ترجمان رؤف حسن خواجہ سراؤں کے حملے میں زخمی
- ایف بی آر کی ملی بھگت سے 36 ارب سے زائد کا ٹیکس چوری ہورہا ہے، خواجہ آصف
- نان فائلرز کی 3 ہزار 400 سے زائد سمز بلاک کی جا چکی ہیں، ایف بی آر
- ایرانی صدر کے ہیلی کاپٹر حادثے کی اعلیٰ سطح کی تحقیقات کا آغاز
- 60 سال سے امریکا میں رہنے والے شخص کے شہری نہ ہونے کا انکشاف
- الٹراپروسیسڈ غذائیں بچوں کی قلبی صحت کے لیے خطرات رکھتی ہیں، تحقیق
- انٹرنیٹ پر موجود مواد غائب ہو رہا ہے، تحقیق
- برطانوی میڈیا کی اسرائیلی اسپتالوں میں فلسطینیوں سے انسانیت سوز سلوک کی تصدیق
- فیض آباد دھرنا کمیشن رپورٹ میں خامیوں پر کابینہ کمیٹی تشکیل دینے کا فیصلہ
- حکومت مخالف تحریک کیلئےاسد قیصر اور فضل الرحمان میں خفیہ ملاقاتوں کا انکشاف
- سنگاپور ایئرلائن طیارے میں شدید جھٹکوں سے1 مسافر ہلاک اور 30 زخمی
- دہری شہریت والے ججز پر پابندی کیلئے بل قومی اسمبلی سیکریٹریٹ میں جمع
- چیمپئینز ٹرافی 2025؛ ون ڈے یا ٹی20 فارمیٹ! تبدیلی پر غور شروع
- ٹیریان وائٹ کیس : عمران خان کو نااہل قرار دلانے کی درخواست ناقابل سماعت قرار
- ایران میں نئے صدر کے انتخاب کیلیے الیکشن بلا تاخیر ہوں گے؛ تاریخ کا اعلان
- رواں مالی سال جی ڈی پی کا ہدف حاصل نہ ہوسکا
- لاہور میں ن لیگی ایم پی اے کی اہلیہ سے لاکھوں روپے کی ڈکیتی
جامعہ کراچی؛ ڈیجیٹل میڈیا مارکیٹنگ میں 4سالہ ڈگری پروگرام متعارف کرا دیا گیا
جامعہ کراچی میں ڈیجیٹل میڈیا مارکیٹنگ کے نام سے نیا چار سالہ ڈگری پروگرام متعارف کرا دیا گیا ہے، یہ پروگرام شعبہ ابلاغ عامہ کے تحت شروع کیا جا رہا ہے جس میں فوری داخلوں کا آغاز کیا جا رہا ہے۔
اس سلسلے میں جامعہ کراچی کے پروفیسر سرور نسیم ہال میں منعقدہ تعارف پروگرام سے خطاب کرتے ہوئے جامعہ کراچی کے وائس چانسلر پروفیسر ڈاکٹر خالد عراقی کا کہنا تھا کہ اس پروگرام کو متعارف کرانے کا سہرا شعبے کی فیکلٹی کے سر ہے ہم نے پولٹری سائنسز، ہیومن نیوٹریشن، اسپورٹس ڈگری منیجمنٹ کے بعد اب ڈیجیٹل میڈیا مارکیٹنگ کا پروگرام متعارف کرایا ہے۔
ان کا کہنا تھا کہ دنیا تبدیل ہوگئی ہے اور global out reach کے لیے ٹیکنالوجی ضروری ہے، یہ پروگرام ٹیکنالوجی کی بنیاد پر ہے۔
ڈاکٹر خالد عراقی کا کہنا تھا کہ یہ ’’ریئل ڈیٹا‘‘ کا زمانہ ہے اور اب کسی سے کچھ بھی پوشیدہ نہیں ہے، یہ ڈیجیٹلائزیشن کی ہی بدولت ہے۔ ان کا کہنا تھا کہ یہ نہ سمجھا جائے کہ روایتی میڈیا کی گنجائش کم یا ختم ہوگئی ہے بلکہ ڈیجیٹل میڈیا کو بنیادیں روایتی میڈیا فراہم کر رہا ہے لیکن یہ سب کچھ اسکلز اور تخلیق پر انحصار کرتا ہے۔
شعبے کے چیئرپرسن عصمت آراء نے کہا کہ یہ وائس چانسلر کا ویژن ہے جنھوں نے کہا تھا کہ ڈیجیٹل میڈیا پر چار سالہ ڈگری پروگرام آنا چاہیے، ڈیجیٹل میڈیا مارکیٹنگ ہمارے طلبہ کو انٹرپینیوور شپ کی طرف لے جائے گا اور ہمارے طالب علم اس قابل ہوں گے کہ اپنا content خود تخلیق کر سکیں۔
انھوں نے کہا کہ کراچی کی 7 نجی یونیورسٹیز میں یہ پروگرام چلایا جا رہا ہے لیکن پبلک سیکٹر جامعات میں کراچی یونیورسٹی پہلی یونیورسٹی ہے جس میں یہ پروگرام متعارف کرایا جا رہا ہے اس کے لیے 10 کمپیوٹر کی نئی لیب بنائی جا رہی ہے۔
متعلقہ انڈسٹری سے تعلق رکھنے والے آصف اقبال نے کہا کہ وہ گزشتہ 22 برس سے اس شعبے میں کام کر رہے ہیں۔ انھوں نے ڈیجیٹل میڈیا پر روشنی ڈالتے ہوئے کہا کہ اب پروگرامز میں روایتی ذرائع ابلاغ سے زیادہ بلاگرز سمیت دیگر ڈیجیٹل میڈیا مارکیٹیئرز کو بلایا جاتا ہے۔ اس موقع پر انھوں نے طلبہ کا حوصلہ بڑھایا اور انھیں پروگرام کی افادیت بتاتے ہوئے اس کی جانب راغب کیا۔
اس موقع پر ٹی وی اداکارہ مصباح خالق کا کہنا تھا کہ طلبہ میں اگر سیکھنے کا جذبہ ہوگا تو انھیں کوئی رکاوٹ آگے بڑھنے سے نہیں روک سکتی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔