- سابق وزیر اعظم شاہد خاقان عباسی کے خلاف نیب ریفرنس ختم
- وزیراعلیٰ پختونخوا علی امین گنڈاپور کو بھیجا گیا الیکشن کمیشن کا نوٹس معطل
- پاکستان کو کمزور طبقے کو ریلیف فراہم کرتے ہوئے مالی اہداف پر عمل کرنا ہوگا، آئی ایم ایف
- 2023، آئی پی آر کی خلاف ورزیوں سے خزانے کو 800ارب کا نقصان
- تمباکو، چینی، سیمنٹ کھاد پر لاگو ٹریک سسٹم میں خامیوں کا انکشاف
- پاکستان کا چین سے مل کر سولر پینلز کی تیاری کا منصوبہ
- 2023، بینک صارفین کو ایک ارب 26 کروڑ روپے سے زائد کا ریلیف فراہم
- ٹی20 ورلڈکپ؛ پاکستان کا 15 رکنی اسکواڈ کیا ہو؟ سلمان بٹ نے بتادیا
- کامیابی اس روز ہوگی جس دِن قرض سے نجات پائیں گے، وزیراعظم
- سی سی پی نے آرامکو میں 40 فیصد ایکویٹی حصص کے حصول کی منظوری دیدی
- پاکستانی ٹاپ آرڈر پر تجربات بند کرنے کا مطالبہ
- فٹبال لیگ سیری اے، پہلی بار خواتین پر مشتمل ریفریز کا تقرر
- غزہ میں حماس کے حملے میں 2 اسرائیلی فوجی ہلاک، متعدد زخمی
- دورہ آئرلینڈ اور انگلینڈ، اسکواڈ کا اعلان جلد متوقع
- کاؤنٹی کرکٹ، شان مسعود جوئے کی تشہیر سے دور
- چیمپئنز ٹرافی؛ بھارت کی شمولیت پر جولائی میں بات ہوگی
- ترکیہ: نامعلوم شخص کے مذاق نے ریسٹورنٹس کی ناک میں دم کر دیا
- پیٹرولیم مصنوعات کی قیمتوں میں کمی کا امکان
- لنکن پریمئیر لیگ؛ نسیم شاہ سمیت 500 سے زائد کھلاڑیوں نے رجسٹریشن کروالی
- جگر کے لیے نقصان دہ چند سپلیمنٹس
’’حیدر‘‘ نے روم فلم فیسٹیول ایوارڈ جیت لیا، سرفخر سے بلند ہوگیا، شردھا کپور
نئی دہلی: بالی ووڈ اسٹار شردھا کپور اور شاہد کپور کی نئی فلم ’’حیدر‘‘ نے اٹلی میں ہونے والے روم فلم فیسٹیول میں ’’پیپلز چوائس ایوارڈ‘‘ جیت لیا ہے جس پر فلم کی پوری ٹیم کے لیے یہ ایک قابل فخر بات ہے جب کہ اس فلم کو دنیا بھر میں دیکھنے والوں نے ایک بہترین فلم قرار دیا ہے۔
فلم کے پہلی مرتبہ روم فلم فیسٹیول میں ایوارڈ جیتنے کے موقع پر اداکارہ شردھا کپور نے اپنے ٹویٹ میں کہا ہے کہ ’’ہم جیت گئے، حیدر پہلی بھارتی فلم ہے جس نے اس کیٹگری میں پہلی مرتبہ ایوارڈ جیتا ہے‘ میں بہت شکر گزار ہوں اور خوش ہوں‘ یہ میرے لیے قابل فخر بات ہے ‘‘۔ حال ہی میں ریلیز ہونے والی یہ فلم ’’حیدر ‘‘ کو ایک دن قبل اٹلی کے دارالحکومت روم میں ہونے والے فلم فیسٹیول میں پیش کیا گیا جہاں مقبوضہ کشمیر کی حالت زار پر بنائی جانے والی اس فلم کی تنقید نگاروں نے بھی تعریف کی ہے۔
ڈائریکٹر وشال بھردواج کی یہ فلم ’’حیدر‘‘ پہلی بھارتی فلم ہے جس نے روم فلم فیسٹیول میں پہلی مرتبہ ’’People’s Choice Award ‘‘ ایوارڈ جیتا ہے۔ روم میں اس میلے میں فلم کے ہیرو شاہد کپور اور فلمساز وشال بھرد واج بھی فلم ’’حیدر ‘‘ دکھائے جانے کے موقع پر موجود تھے۔ فلم دکھائے جانے کے موقع پر دونوں ہی ریڈ کارپٹ پر آئے تو ہر طرف سے ان کے مداحوں نے پرجوش انداز میں ان کا استقبال کیا جو کہ ان کی ایک جھلک دیکھنے وہاں آئے تھے۔
فلم ’’حیدر‘‘ رواں ماہ 2 اکتوبر کو ریلیز کی گئی تھی جس میں مرکزی کاسٹ شاہد کپور‘ شردھا کپور‘ تبو اور کے کے مینن ہیں۔ اس موقع پر شاہد کپور نے اپنے ٹویٹ میں لکھا ہے کہ یہ پہلا موقع ہے کہ کسی بھارتی فلم کو یہ اعزاز حاصل ہوا ہے‘ پیپلز چوائس روم فلم فیسٹیول کی بڑی کیٹیگریوں میں سے ایک ہے‘ ایوارڈ جیتنا میرے لیے باعث فخر اور اس پر جتنا بھی شکر ادا کروں کم ہے۔اب تک اس فلم ’’حیدر ‘‘ نے صرف بھارت میں 58 کروڑ 30 لاکھ کا بزنس کر لیا ہے اور سینما گھروں میں اس کا تیسرا ہفتہ جا رہا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔