- نااہل حکومتیں پہلے بھی تھیں، آج بھی ہے:فیصل واوڈا
- ایران نے چابہار بندرگاہ کے ایک حصے کا انتظام 10 سال کیلئے بھارت کے حوالے کردیا
- مظفرآباد صورت حال بدستور کشیدہ، فائرنگ سے دو مظاہرین جاں بحق اور متعدد زخمی
- پاکستان اور امریکا کا ٹی ٹی پی اور داعش خراسان سے مشترکہ طور پر نمٹنے کا عزم
- سینٹرل ایشین والی بال لیگ میں پاکستان کی مسلسل تیسری کامیابی
- نئے قرض پروگرام کیلیے پاکستان اور آئی ایم ایف کے درمیان مذاکرات شروع
- آئین معطل یا ختم کرنے والا کوئی بھی شخص سنگین غداری کا مرتکب ہے، عمر ایوب
- آئی سی سی نے پلیئر آف دی منتھ کا اعلان کردیا
- آزاد کشمیر عوامی ایکشن کمیٹی کا نوٹیفکیشن دیکھنے تک احتجاج جاری رکھنے کا اعلان
- خواجہ آصف کا ایوب خان پر آرٹیکل 6 لگانے اور لاش پھانسی پر لٹکانے کا مطالبہ
- سعودی عرب اور خلیجی ممالک میں کام کرنے والے پاکستانی ڈاکٹروں کیلئے خوشخبری
- پاک فوج کے شہدا اور غازی ہمارے قومی ہیرو ہیں، آرمی چیف
- جامعہ کراچی میں فلسطینی مسلمانوں سے اظہاریکجہتی کیلیے ’’دیوار یکجہتی‘‘ قائم
- نان فائلرز کی سمیں بلاک کرنے کیلیے حکومت اور ٹیلی کام کمپنیاں میں گروپ بنانے پر اتفاق
- 40 فیصد کینسر کے کیسز کا تعلق موٹاپے سے ہوتا ہے، تحقیق
- سیکیورٹی خدشات، اڈیالہ جیل میں تین روز تک قیدیوں سے ملاقات پر پابندی
- سندھ میں گندم کی پیداوار 42 لاکھ میٹرک ٹن سے زائد رہی، وزیر خوراک
- انٹربینک مارکیٹ میں ڈالر کے مقابلے میں روپے کی قدر گر گئی
- برازیل میں بارشوں اور سیلاب سے ہلاکتیں 143 ہوگئیں
- ہوائی جہاز میں سامان رکھنے کی جگہ پر مسافر خاتون نے اپنا بستر لگا لیا
پی ایس ایل کے انعقاد کی تیاریاں عروج پر
پاکستان سپر لیگ تھری کے انعقاد کے حوالے سے پورے ملک میں جوش و خروش پایا جاتا ہے۔ پاکستان کا قومی کھیل بلاشبہ ہاکی ہے لیکن کرکٹ کے بھی کروڑوں شائقین ہیں جو مقامی سطح پر ہونے والے پی ایس ایل کی کامیابی کے متمنی ہیں۔ یقیناً پی ایس ایل گیمز پاکستان میں ابھرتے ہوئے نئے ٹیلنٹ کو سامنے لانے کے لیے معاون حیثیت رکھتے ہیں، گزشتہ دو برسوں میں پی ایس ایل گیمز نے عالمی معیار کے کئی کھلاڑی پاکستان کو دیے، سیزن تھری کی خاص بات شہر قائد میں پہلی بار پی ایس ایل فائنل کا انعقاد ہے جس کے لیے بہترین انتظام اور سیکیورٹی کا بندوبست کیا جارہا ہے۔
کراچی کے نیشنل اسٹیڈیم میں پاکستان سپر لیگ کے فائنل میچ کی تیاریاں جاری ہیں، اس سلسلے میں سیکیورٹی اقدامات کو حتمی شکل دی جارہی ہے، پولیس، رینجرز، اسپیشل سیکیورٹی یونٹ اور سیکیورٹی اداروں نے سیکیورٹی پلان پر عملدرآمد کے لیے ریہرسل کا آغاز کردیا ہے۔ انتظامیہ کی کوشش ہے کہ جلد تمام انتظامات کو حتمی شکل دے دی جائے اور کھلاڑیوں کی کراچی آمد پر انھیں عالمی سطح کی سیکیورٹی فراہم کی جائے۔
واضح رہے کہ پی ایس ایل تھری کا فائنل 25 مارچ بروز اتوار کو کراچی کے نیشنل اسٹیڈیم میں ہوگا۔ سیکیورٹی ریہرسل کے پہلے دن جمعہ کو نیشنل اسٹیڈیم میں پولیس کی طرف سے اقدامات کا آغاز کیا گیا، منصوبے پر عملدرآمد کے لیے اسپیشل سیکیورٹی یونٹ (ایس ایس یو)، بم ڈسپوزل اسکواڈ، اسپیشل برانچ اور قانون نافذ کرنے والے دیگر اداروں کے اہلکار اسٹیڈیم میں سرگرداں نظر آئے۔
پی ایس ایل تھری فائنل کے سلسلے میں سیکیورٹی ریہرسل اور دیگر انتظامات کا جائزہ لینے کے لیے غیر ملکی ماہرین ہفتہ کو کراچی پہنچے، سیکیورٹی کنسلٹنٹ بریگیڈیئر رچرڈ ڈینس اور دوسرے غیر ملکی سیکیورٹی ماہر رگ ڈکسن اتوار کو ہونے والی فل ڈریس ریہرسل کا بغور جائزہ لینے کے بعد رپورٹ تیار کرنے کے ساتھ انتظامیہ کو تجاویز بھی پیش کریں گے۔ وہ اسٹیڈیم کے حالات کا بھی جائزہ لیں گے جہاں اس وقت فائنل کے سلسلے میں مختصر و طویل المدتی تعمیراتی کام جاری ہے۔
وزیراعلیٰ سندھ سید مراد علی شاہ نے کہا کہ پی ایس ایل تھری میگا ایونٹ ہے، ہم سب کو مل کر اس ایونٹ کو کامیاب بنانا ہے، پرامن اور پرسکون ماحول میں میچ کا انعقاد یقینی بنایا جائے گا، متعلقہ ادارے اور محکمے آپس میں قریبی روابط رکھتے ہوئے فرائض سر انجام دیں۔ بلاشبہ پی ایس ایل تھری کا فائنل کراچی میں شائقین کرکٹ کے لیے مژدہ جانفزا ہے، فائنل کے انعقاد کو کامیابی سے ہمکنار کرنے کے لیے تمام اداروں کو مل جل کر کام کرنا چاہیے تاکہ نہ صرف کراچی میں انٹرنیشنل کرکٹ واپس آسکے بلکہ دنیا کو بھی پاکستان کا ایک اچھا امیج پہنچے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔