یوم پاکستان مہم کاحصہ بننے والوں کا شکریہ، ڈی جی آئی ایس پی آر

راولپنڈی: ترجمان پاک فوج میجر جنرل آصف غفور نے یوم پاکستان پرقومی مہم کے تمام شرکا کا شکریہ ادا کیا ہے۔

سماجی رابطے کی ویب سائٹ ٹویٹر پر اپنے پیغام میں آئی ایس پی آر کے ڈی جی میجر جنرل آصف غفور نے کہا کہ یوم پاکستان کی قومی مہم کا حصہ بننے پرتمام شرکا کا شکریہ، آپ کی شرکت نے اس قومی دن کوچارچاند لگادیے، شرکا کے پیغام سے تقریب میں بھرپور قومی جذبہ ابھرا۔

میجر جنرل آصف غفور نے کہا ہے کہ میڈیا کا بھی خصوصی شکریہ جنھوں نے اس کو ممکن بنایا، آئیے آگے مل کر چلتے ہیں، انھوں نے اپنے ٹویٹ کے آخر میں لکھا کہ آگے ابھی اور فاصلہ ہے۔