- بابر اعظم دنیا کے کامیاب ترین ٹی 20 کپتان بن گئے
- شاہین کے 300 انٹرنیشنل شکار مکمل
- پاکستانی ایئرلائنز پر پابندی ختم کرنے کے تناظر میں پیش رفت کاامکان
- اسلام آباد میں پی آئی اے پرواز خراب موسم کی زد میں آگئی، متعدد مسافر زخمی
- زہریلے کیمکل کا استعمال، بھارتی غذائی اشیاء پرعالمی پابندیاں عائد
- اصلاحات کے ذریعے آئی ایم ایف پروگرام کو گیم چینجر بنانا ممکن
- پاکستان کیلیے چند سال آئی ایم ایف کے بغیر مشکل ہیں، برطانوی چیف اکانومسٹ
- انا چھوڑیں ٹیم کو دیکھیں
- استحکام کیلئے خودانحصاری کی طرف بڑھنا ہوگا!
- ہالا؛ قومی شاہراہ پر مسافر کوچ اور ٹرالر میں تصادم، 5 مسافر جاں بحق
- پکتیکا پر مبینہ حملہ، افغان طالبان نے پاکستانی وفد کا دورہ منسوخ کردیا
- وزیراعظم کا آزاد کشمیر کی صورتحال پر گہری تشویش کا اظہار، ہنگامی اجلاس طلب
- بار بی کیو بنانے کیلئے جھاڑن کا استعمال، سوشل میڈیا صارفین کی تنقید
- ڈیمنشیا کے مریض موت سے پہلے نارمل کیوں ہوجاتے ہیں؟
- اے آئی کی تیار کردہ جعلی تصاویر، ویڈیوز کیسے شناخت کریں؟
- آئی ایم ایف نے ایف بی آر سے نئے ٹیکس اقدامات پر بریفنگ مانگ لی
- رفح پر اسرائیلی حملے سے حماس ختم نہیں ہوگی، امریکا
- کراچی سے چھینی گئی ڈبل کیبن گاڑی لاڑکانہ سے برآمد
- رضوان اور فخر کی شاندار بیٹنگ، پاکستان نے دوسرے ٹی ٹوئنٹی میں آئرلینڈ کو ہرادیا
- آئی ایم ایف نے ایف بی آر سے 6 اہم امور پر بریفنگ طلب کرلی
پیپلز پارٹی اور (ن) لیگ کا مشترکہ صدارتی امیدوار کیلیے اپوزیشن کا اجلاس بلانے کا فیصلہ
لاہور: مسلم لیگ (ن) اور پیپلز پارٹی کے درمیان متفقہ صدارتی امیدوارنامزد کرنے کے معاملے پر مذاکرات میں پیش رفت ہوئی ہے دونوں جماعتوں نے 25 اگست کو مری میں اپوزیشن پارٹیوں کا مشترکہ اجلاس بلانے کا فیصلہ کیا ہے جس میں اپوزیشن جماعتوں کی طرف سے مشترکہ اور متفقہ امیدوار سامنے لایا جائے گا۔
مسلم لیگ (ن) کے صدر میاں شہباز شریف سے پیپلز پارٹی کے رہنما رضا ربانی اور سید خورشید شاہ نے ان کی رہائش گاہ پر ملاقات کی، اس موقع پر ایاز صادق، احسن اقبال اور رانا تنویر بھی موجود تھے۔
ذرائع کے مطابق ملاقات میں (ن) لیگ نے پیپلز پارٹی پر واضح کیا کہ پارٹی کو اعتزاز احسن کے نام پر شدید تحفظات ہیں کیوں کہ اعتزازاحسن نے پاناما کیس کے دوران نہ صرف نواز شریف کے خلاف غیر ذمہ دارانہ بیانات دیئے بلکہ نواز شریف کی اہلیہ بیگم کلثوم نواز جو لندن کے اسپتال میں زیر علاج ہیں ان کی بیماری کو بھی جعلی قرار دینے کا ایک متنازع بیان دیا لہٰذا (ن) لیگ اعتزاز احسن کو کسی بھی صورت ووٹ نہیں دے گی۔
ذرائع کے مطابق پیپلز پارٹی کے رہنما خورشید شاہ نے موقف اختیار کیا کہ اعتزازاحسن کے نام کا باضابطہ طور پر اعلان نہیں کیا گیا ان کا نام پارٹی کے ایک اجلاس میں زیر غور ضرور آیا تھا، (ن) لیگ کے تحفظات سے بلاول بھٹو اور آصف علی زرداری کو آگاہ کیا جائے گا۔
ذرائع کا کہنا ہے کہ ملاقات میں 25 اگست کو مری میں اپوزیشن پارٹیوں کا مشترکہ اجلاس بلانے کا فیصلہ کیا گیا جس میں (ن) لیگ، پیپلز پارٹی، عوامی نیشنل پارٹی اور متحدہ مجلس عمل کے رہنما شریک ہوں گے، اس اجلاس میں اپوزیشن جماعتوں کی طرف سے مشترکہ اور متفقہ امیدوار سامنے لایا جا سکتا ہے، (ن) لیگ نے کہا کہ عبدالقادر بلوچ کا نام پارٹی اس صورت میں واپس لے سکتی ہے جب کسی غیر جانبدار اور متفقہ نام پر اتفاق رائے ہو جائے۔
قبل ازیں مسلم لیگ(ن) کے صدر شہبازشریف کی زیرصدارت ہونے والے اجلاس میں صدارتی امیدوار کے لیے پیپلزپارٹی کے رہنما اعتزاز احسن کے نام کو مسترد کردیاگیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔