ملزم سٹی کورٹ سے فرار، گلشن اقبال تھانے کا سب انسپکٹر اور سپاہی گرفتار

کراچی: گلشن اقبال انویسٹی گیشن پولیس کو جھانسہ دے کر گرفتار ملزم سٹی کورٹ سے فرار ہوگیا ۔

غفلت و لاپروائی برتنے پر سب انسپکٹر اور سپاہی کو حراست میں لے کر مقدمہ درج کرلیا گیا ،پولیس نے جمعرات کو گلشن اقبال کے علاقے بلاک 13-D سے ملزم اشرف کو گرفتار کر کے  انویسٹی گیشن پولیس کے حوالے کیا تھا جسے ایس آئی او طارق ، سب انسپکٹر منٹھار اور سپاہی اﷲ یار عدالت میں پیش کرنے کے لیے سٹی کورٹ گئے تھے جہاں سے ملزم فرار ہوگیا ، ایس ایچ او گلشن اقبال عرفان احمد نے بتایا کہ سب انسپکٹر اور سپاہی کے خلاف سٹی کورٹ تھانے میں مقدمہ درج کیا گیا ہے۔